ਅਗਲੇ ਸਾਲ ਗੁਜਰਾਤ ’ਚ ਹੋਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਵਿਚ ‘ਆਪ’ ਪਾਰਟੀ ਨੇ ਸਾਰੀਆਂ 182 ਸੀਟਾਂ ’ਤੇ ਉਮੀਦਵਾਰ ਖ਼ੜ੍ਹੇ ਕਰਨ ਦਾ ਐਲਾਨ ਕੀਤਾ ਹੈ।
ਨਵੀਂ ਦਿੱਲੀ - ਦੇਸ਼ ਦੇ ਮੰਨੇ-ਪ੍ਰਮੰਨੇ ਹੀਰਾ ਉਦਯੋਗਪਤੀ ਮਹੇਸ਼ ਸਵਾਣੀ ਸੂਰਤ ’ਚ ਦਿੱਲੀ ਦੇ ਉੱਪ ਮੁੱਖ ਮੰਤਰੀ ਮਨੀਸ਼ ਸਿਸੋਦੀਆ ਦੀ ਹਾਜ਼ਰੀ ਵਿਚ ਆਮ ਆਦਮੀ ਪਾਰਟੀ (ਆਪ) ਦਾ ਝਾੜੂ ਫੜ ਲਿਆ ਹੈ। ਸਿਸੋਦੀਆ ਨੇ ਮਹੇਸ਼ ਦਾ ਪਾਰਟੀ ’ਚ ਸ਼ਾਮਲ ਹੋਣ ਲਈ ਸਵਾਗਤ ਕੀਤਾ ਅਤੇ ਉਨ੍ਹਾਂ ਨੂੰ ਫੁੱਲ ਭੇਟ ਕੀਤੇ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਗ੍ਰਹਿ ਸੂਬੇ ਗੁਜਰਾਤ ਦੇ ਇਸ ਵੱਡੇ ਉਦਯੋਗਪਤੀ ਦੇ ਉਨ੍ਹਾਂ ਦੇ ਧੁਰ-ਵਿਰੋਧੀ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਦੀ ਪਾਰਟੀ ‘ਆਪ’ ਵਿਚ ਸ਼ਾਮਲ ਹੋਣ ਦੇ ਕਈ ਅਰਥ ਵੀ ਕੱਢੇ ਜਾ ਸਕਦੇ ਹਨ।
Mahesh Swani Join Aam Aadami Party In Surat
ਗੁਜਰਾਤ ਦੇ ਸਿਆਸੀ ਰੂਪ ਨਾਲ ਪਾਟੀਦਾਰ ਭਾਈਚਾਰੇ ਨਾਲ ਸਬੰਧ ਰੱਖਣ ਵਾਲੇ 51 ਸਾਲਾ ਸਵਾਣੀ ਸਾਲਾਂ ਤੋਂ ਗਰੀਬ ਕੁੜੀਆਂ ਦੇ ਸਮੂਹਿਕ ਵਿਆਹ ਦਾ ਵੱਡਾ ਆਯੋਜਨ ਕਰਦੇ ਰਹੇ ਹਨ ਅਤੇ ਇਸ ਦੇ ਚੱਲਦੇ ਸੁਰਖੀਆਂ ਵਿਚ ਰਹੇ ਹਨ। ਉਹ ਰੀਅਲਟੀ ਕਾਰੋਬਾਰ ਨਾਲ ਵੀ ਜੁੜੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਉਹ ਸਮਾਜ ਸੇਵਾ ਦੇ ਵਿਸਥਾਰ ਦੀ ਨੀਅਤ ਨਾਲ ਸਿਆਸਤ ਵਿਚ ਆਏ ਹਨ।
Mahesh Bhai! Welcome to team @ArvindKejriwal https://t.co/6rJ4pjApN0 pic.twitter.com/IZdqUh5AwZ
— Manish Sisodia (@msisodia) June 27, 2021
ਉਹ ਸਿਰਫ ਸੂਰਤ ਹੀ ਨਹੀਂ ਸਗੋਂ ਕਿ ਪੂਰੇ ਗੁਜਰਾਤ ਲਈ ਕੰਮ ਕਰਨਾ ਚਾਹੁੰਦੇ ਹਨ। ਸੌਰਾਸ਼ਟਰ ਦੇ ਮੂਲ ਵਤਨੀ ਸ਼੍ਰੀ ਸਵਾਣੀ ਦੇ ਕਾਰੋਬਾਰ ਦਾ ਮੁੱਖ ਕੇਂਦਰ ਸੂਰਤ ਹੈ। ਉਨ੍ਹਾਂ ਦਾ ਪੀ. ਪੀ. ਸਵਾਣੀ ਸਮੂਹ ਸਕੂਲ ਵੀ ਚਲਾਉਂਦਾ ਹੈ। ਅਗਲੇ ਸਾਲ ਗੁਜਰਾਤ ’ਚ ਹੋਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਵਿਚ ‘ਆਪ’ ਪਾਰਟੀ ਨੇ ਸਾਰੀਆਂ 182 ਸੀਟਾਂ ’ਤੇ ਉਮੀਦਵਾਰ ਖ਼ੜ੍ਹੇ ਕਰਨ ਦਾ ਐਲਾਨ ਕੀਤਾ ਹੈ।
