ਲੌਕਡਾਊਨ ਦੌਰਾਨ ਪੁਲਿਸ ਕੋਰੋਨਾ ਯੋਧਿਆਂ ਦੀ ਭੂਮਿਕਾ ਵਿਚ ਨਜ਼ਰ ਆ ਰਹੀ ਹੈ।
ਦੇਵਾਸ: ਲੌਕਡਾਊਨ ਦੌਰਾਨ ਪੁਲਿਸ ਕੋਰੋਨਾ ਯੋਧਿਆਂ ਦੀ ਭੂਮਿਕਾ ਵਿਚ ਨਜ਼ਰ ਆ ਰਹੀ ਹੈ। ਇਸ ਦੌਰਾਨ ਪੁਲਿਸ ਦਾ ਇਕ ਵੱਖਰਾ ਹੀ ਰੂਪ ਦੇਖਣ ਨੂੰ ਮਿਲ ਰਿਹਾ ਹੈ। ਸੋਮਵਾਰ ਨੂੰ ਮੱਧ ਪ੍ਰਦੇਸ਼ ਦੇ ਦੇਵਾਸ ਵਿਚ ਪੁਲਿਸ ਦੇ ਦੇਖਰੇਖ ਹੇਠ ਕਵਿਤਾ ਨਾਂਅ ਦੀ ਲੜਕੀ ਦਾ ਵਿਆਹ ਹੋਇਆ।
Photo
ਤ੍ਰਿਲੋਕ ਨਗਰ ਦੇ ਨੌਜਵਾਨ ਜਤਿੰਦਰ ਸੰਘ ਨਾਲ ਕਵਿਤਾ ਦਾ ਵਿਆਹ ਹੋਇਆ। ਇਹ ਵਿਆਹ ਬਾਕੀ ਵਿਆਹਾਂ ਨਾਲੋਂ ਕੁੱਝ ਵੱਖਰਾ ਸੀ। ਦਰਅਸਲ ਕਵਿਤਾ ਦੀ ਮਾਂ ਨਹੀ ਹੈ ਤਾਂ ਉਸ ਦੇ ਵਿਆਹ ਮੌਕੇ ਪੁਲਿਸ ਵਿਭਾਗ ਦੀ ਉਚ ਅਧਿਕਾਰੀ ਨੇ ਕਵਿਤਾ ਦੀ ਮਾਂ ਦੀ ਕਮੀ ਨੂੰ ਪੂਰਾ ਕੀਤਾ। ਇਸ ਦੇ ਨਾਲ ਵੀ ਮਾਮੇ ਦਾ ਫਰਜ਼ ਹੋਰ ਪੁਲਿਸ ਕਰਮਚਾਰੀਆਂ ਨੇ ਨਿਭਾਇਆ।
Photo
ਐਸਪੀ ਕ੍ਰਿਸ਼ਨਾ ਦੇਵੀ ਸਮੇਤ ਪੁਲਿਸ ਦੇ ਹੋਰ ਅਧਿਕਾਰੀਆਂ ਨੇ ਲਾੜਾ-ਲਾੜੀ ਨੂੰ ਆਸ਼ਿਰਵਾਦ ਦਿੱਤਾ। ਐਸਐਸਪੀ ਨੇ ਦੱਸਿਆ ਕਿ ਕਵਿਤਾ ਦੀ ਮਾਂ ਨਹੀ ਹੈ ਅਤੇ ਲੌਕਡਾਊਨ ਕਰਕੇ ਉਸ ਦੇ ਪਿਤਾ ਦੀ ਨੌਕਰੀ ਵੀ ਚਲੀ ਗਈ। ਕਵਿਤਾ ਦੇ ਪਿਤਾ ਵਿਆਹ ਲਈ ਕਰਜ਼ਾ ਲੈਣ ਲਈ ਮਜਬੂਰ ਸਨ।
Photo
ਇਸ ਲਈ ਪੁਲਿਸ ਵਿਭਾਗ ਨੇ ਇਕ ਧੀ ਦੇ ਵਿਆਹ ਦੀ ਜ਼ਿੰਮੇਵਾਰੀ ਚੁੱਕੀ। ਕਵਿਤਾ ਦਾ ਵਿਆਹ ਤ੍ਰਿਲੋਕ ਨਗਰ ਦੇ ਰਹਿਣ ਵਾਲੇ ਜਤਿੰਦਰ ਨਾਲ ਹੋਇਆ। ਜਤਿੰਦਰ ਅਤੇ ਉਸ ਦੇ ਪਿਤਾ ਫਰਨੀਚਰ ਦੇ ਕਾਰੀਗਰ ਹਨ। ਵਿਆਹ ਵਿਚ ਦੇਵਾਸ ਦੇ ਸਾਰੇ ਪੁਲਸ ਅਧਿਕਾਰੀ ਅਤੇ ਕਰਮਚਾਰੀਆਂ ਲਾੜੀ ਦੇ ਮਾਮਾ ਬਣ ਕੇ ਕੰਨਿਆਦਾਨ 'ਚ ਸ਼ਾਮਲ ਹੋਏ।
Photo
ਪੁਲਿਸ ਕਰਮਚਾਰੀਆਂ ਨੂੰ ਜਦੋਂ ਕਵਿਤਾ ਦੇ ਪਰਿਵਾਰ ਦੀ ਹਾਲਤ ਦਾ ਪਤਾ ਲੱਗਾ ਤਾਂ ਸਾਰਿਆਂ ਨੇ ਪੂਰਾ ਸਹਿਯੋਗ ਦਿੱਤਾ। ਵਿਆਹ ਵਿਚ ਢੋਲ ਅਤੇ ਸ਼ਹਿਨਾਈ ਦੀ ਥਾਂ ਪੁਲਿਸ ਨੇ ਸਾਇਰਨ ਵਜਾਉਣ ਦਾ ਫੈਸਲਾ ਕੀਤਾ ਅਤੇ ਕਵਿਤਾ ਦੇ ਵਿਆਹ ਨੂੰ ਯਾਦਗਾਰ ਬਣਾ ਦਿੱਤਾ।
Photo
ਲੌਕਡਾਊਨ ਕਾਰਨ ਪੁਲਿਸ ਨੇ ਕਵਿਤਾ ਦੇ ਵਿਆਹ ਨੂੰ ਲੈ ਕੇ ਐੱਸਡੀਐੱਮ ਤੋਂ ਵਿਸ਼ੇਸ਼ ਆਗਿਆ ਮੰਗੀ ਸੀ। ਵਿਆਹ ਵਿਚ ਰਿਸ਼ਤੇਦਾਰਾਂ ਦੇ ਹੱਥਾਂ ਨੂੰ ਸੈਨੇਟਾਈਜ਼ਰ ਨਾਲ ਸਾਫ ਕਰਵਾਇਆ ਗਿਆ। ਲਾੜਾ-ਲਾੜੀ ਸਮੇਤ ਵਿਆਹ 'ਚ ਸ਼ਾਮਲ ਸਾਰੇ ਪੁਲਿਸ ਮੁਲਾਜ਼ਮਾਂ ਨੇ ਮਾਸਕ ਪਹਿਨੇ ਹੋਏ ਸਨ।
