File Photo
ਕੇਂਦਰੀ ਮੰਤਰੀ ਡੀ.ਵੀ. ਸਦਾਨੰਦ ਗੌੜਾ ਸੋਮਵਾਰ ਨੂੰ ਉਸ ਸਮੇਂ ਵਿਵਾਦਾਂ 'ਚ ਆ ਗਏ ਜਦੋਂ ਉਹ ਦਿੱਲੀ ਤੋਂ ਇਕ ਉਡਾਨ ਰਾਹੀਂ ਬੇਂਗਲੁਰੂ ਦੇ
ਬੇਂਗਲੁਰੂ, 25 ਮਈ: ਕੇਂਦਰੀ ਮੰਤਰੀ ਡੀ.ਵੀ. ਸਦਾਨੰਦ ਗੌੜਾ ਸੋਮਵਾਰ ਨੂੰ ਉਸ ਸਮੇਂ ਵਿਵਾਦਾਂ 'ਚ ਆ ਗਏ ਜਦੋਂ ਉਹ ਦਿੱਲੀ ਤੋਂ ਇਕ ਉਡਾਨ ਰਾਹੀਂ ਬੇਂਗਲੁਰੂ ਦੇ ਹਵਾਈ ਅੱਡੇ 'ਤੇ ਪੁੱਜਣ ਮਗਰੋਂ ਏਕਾਂਤਵਾਸ 'ਚ ਨਹੀਂ ਗਏ। ਉਨ੍ਹਾਂ ਨੇ ਅਪਣੇ ਇਸ ਕਦਮ ਦਾ ਬਚਾਅ ਕਰਦਿਆਂ ਕਿਹਾ ਕਿ ਉਹ ਫ਼ਾਰਮਾਸੂਟੀਕਲ ਵਿਭਾਗ ਦਾ ਇੰਚਾਰਜ ਹੋਣ ਨਾਤੇ ਛੋਟ ਪ੍ਰਾਪਤ ਸ਼੍ਰੇਣੀ 'ਚ ਆਉਂਦੇ ਹਨ।
File photo
ਕਰਨਾਟਕ ਸਰਕਾਰ ਨੇ ਵੀ ਉਨ੍ਹਾਂ ਦਾ ਬਚਾਅ ਕਰਦਿਆਂ ਕਿਹਾ ਕਿ ਕੇਂਦਰ ਦੇ ਜ਼ਰੂਰੀ ਵਸਤਾਂ ਦਾ ਪ੍ਰਬੰਧਨ ਕਰਨ ਵਾਲੇ ਲੋਕਾਂ ਨੂੰ ਏਕਾਂਤਵਾਸ 'ਚ ਜਾਣ ਦੀ ਛੋਟ ਦੇਣ ਦਾ ਹੁਕਮ ਜਾਰੀ ਕੀਤਾ ਗਿਆ ਸੀ। ਗੌੜਾ ਇੱਥੇ ਪੁੱਜਣ ਮਗਰੋਂ ਏਕਾਂਤਵਾਸ 'ਚ ਜਾਣ ਦੀ ਬਜਾਏ ਇਕ ਸਰਕਾਰੀ ਕਾਰ ਰਾਹੀਂ ਨਿਕਲ ਗਏ ਸਨ। ਸੋਸ਼ਲ ਮੀਡੀਆ 'ਤੇ ਉਨ੍ਹਾਂ ਦੇ ਇਸ ਕਦਮ ਦਾ ਭਰਵਾਂ ਵਿਰੋਧ ਹੋਇਆ ਹੈ।
