ਕਰਮਚਾਰੀ ਸਟੇਟ ਇੰਸ਼ੋਰੈਂਸ ਕਾਰਪੋਰੇਸ਼ਨ (ਈਐਸਆਈਸੀ) ਨੇ ਇਸ ਗੱਲ ਦਾ ਅੰਕੜਾ ਜਾਰੀ ਕੀਤਾ ਕਿ ਦਸੰਬਰ 2019 ਵਿਚ ਸੰਗਠਿਤ ਖੇਤਰ ਵਿਚ ਕਿੰਨੇ ਲੋਕਾਂ ਨੂੰ ਨੌਕਰੀਆਂ
ਨਵੀਂ ਦਿੱਲੀ- ਕਰਮਚਾਰੀ ਸਟੇਟ ਇੰਸ਼ੋਰੈਂਸ ਕਾਰਪੋਰੇਸ਼ਨ (ਈਐਸਆਈਸੀ) ਨੇ ਇਸ ਗੱਲ ਦਾ ਅੰਕੜਾ ਜਾਰੀ ਕੀਤਾ ਕਿ ਦਸੰਬਰ 2019 ਵਿਚ ਸੰਗਠਿਤ ਖੇਤਰ ਵਿਚ ਕਿੰਨੇ ਲੋਕਾਂ ਨੂੰ ਨੌਕਰੀਆਂ ਮਿਲੀਆਂ। ਇਸ ਰਿਪੋਰਟ ਅਨੁਸਾਰ, ਦਸੰਬਰ 2019 ਵਿਚ ਲਗਭਗ 12.67 ਲੱਖ ਨਵੀਆਂ ਨੌਕਰੀਆਂ ਆਈਆਂ ਸਨ, ਜਦੋਂਕਿ ਪਿਛਲੇ ਮਹੀਨੇ 14.59 ਲੱਖ ਨਵੀਆਂ ਨੌਕਰੀਆਂ ਆਈਆ ਸਨ।
Jobs
ਨੈਸ਼ਨਲ ਸਟੈਟਿਸਟਿਕਸ ਆਫਿਸ (ਐਨਐਸਓ) ਨੇ ਇਕ ਰਿਪੋਰਟ ਵਿਚ ਕਿਹਾ ਹੈ ਕਿ ਵਿੱਤੀ ਸਾਲ 2018-19 ਦੌਰਾਨ ਕੁਲ 1.49 ਕਰੋੜ ਨਵੇਂ ਕਰਮਚਾਰੀ / ਕਾਮੇ ਈਐਸਆਈਸੀ ਨਾਲ ਭਰਤੀ ਹੋਏ ਸਨ। ਰਿਪੋਰਟ ਵਿਚ ਇਹ ਵੀ ਕਿਹਾ ਗਿਆ ਹੈ ਕਿ ਸਤੰਬਰ 2017 ਤੋਂ ਦਸੰਬਰ 2019 ਵਿਚਕਾਰ, ਲਗਭਗ 3.50 ਕਰੋੜ ਨਵੇਂ ਲੋਕ ਈਐਸਆਈਸੀ ਸਕੀਮ ਵਿਚ ਸ਼ਾਮਲ ਹੋਏ।
Jobs
ਐਨਐਸਓ ਦੀ ਰਿਪੋਰਟ ਈਐਸਆਈਸੀ, ਈਪੀਐਫਓ ਅਤੇ ਪੈਨਸ਼ਨ ਫੰਡ ਰੈਗੂਲੇਟਰੀ ਅਤੇ ਵਿਕਾਸ ਅਥਾਰਟੀ (ਪੀਐਫਆਰਡੀਏ) ਦੁਆਰਾ ਚਲਾਈਆਂ ਗਈਆਂ ਵੱਖ ਵੱਖ ਸਮਾਜਿਕ ਸੁਰੱਖਿਆ ਯੋਜਨਾਵਾਂ ਤਹਿਤ ਬਣਾਏ ਗਏ ਨਵੇਂ ਮੈਂਬਰਾਂ ਦੇ ਤਨਖਾਹ ਅੰਕੜਿਆਂ 'ਤੇ ਅਧਾਰਤ ਹੈ। ਅਪ੍ਰੈਲ 2018 ਤੋਂ, ਇਨ੍ਹਾਂ ਤਿੰਨ ਸੰਸਥਾਵਾਂ ਦੇ ਨਵੇਂ ਮੈਂਬਰਾਂ ਦੇ ਅੰਕੜਿਆਂ ਦੇ ਅਧਾਰ ਤੇ ਨੌਕਰੀਆਂ ਦੇ ਅੰਕੜੇ ਜਾਰੀ ਕੀਤੇ ਜਾ ਰਹੇ ਹਨ।
Jobs
ਅੰਕੜਿਆਂ ਅਨੁਸਾਰ, ਸਤੰਬਰ 2017 ਤੋਂ ਦਸੰਬਰ 2019 ਦੌਰਾਨ ਲਗਭਗ 3.12 ਕਰੋੜ ਨਵੇਂ ਮੈਂਬਰ ਕਰਮਚਾਰੀ ਭਵਿੱਖ ਨਿਧੀ ਯੋਜਨਾ ਵਿੱਚ ਸ਼ਾਮਲ ਹੋਏ। ਐਨਐਸਓ ਨੇ ਕਿਹਾ ਕਿ ਰਿਪੋਰਟ ਰਸਮੀ ਸੈਕਟਰ ਵਿਚ ਰੁਜ਼ਗਾਰ ਦੇ ਪੱਧਰ ਬਾਰੇ ਇੱਕ ਵੱਖਰਾ ਨਜ਼ਰੀਆ ਦਿੰਦੀ ਹੈ ਅਤੇ ਇਹ ਸਮੁੱਚੇ ਪੱਧਰ ਉੱਤੇ ਰੁਜ਼ਗਾਰ ਦਾ ਸੰਕੇਤ ਨਹੀਂ ਦਿੰਦੀ।
