Goods Train
ਭੜੂਚ-ਦਹੇਜ਼ ਵਿਚ ਦੌੜਨ ਵਾਲੀ ਮਾਲ ਗੱਡੀ ਦੀ ਚਪੇਟ ਵਿਚ ਆਉਣ ਨਾਲ 11 ਗਾਵਾਂ ਦੀ ਮੌਤ ਹੋ ਗਈ ਹੈ। ਇਹ ਹਾਦਸਾ ਮੰਗਲਵਾਰ ਸ਼ਾਮ ਦਹੇਜ ਜੀਆਈਡੀਸੀ ਦੇ ਕੋਲ ਵਾਪਰਿਆ।
ਅਹਿਮਦਾਬਾਦ, ( ਪੀਟੀਆਈ ) : ਭੜੂਚ-ਦਹੇਜ਼ ਵਿਚ ਦੌੜਨ ਵਾਲੀ ਮਾਲ ਗੱਡੀ ਦੀ ਚਪੇਟ ਵਿਚ ਆਉਣ ਨਾਲ 11 ਗਾਵਾਂ ਦੀ ਮੌਤ ਹੋ ਗਈ ਹੈ। ਇਹ ਹਾਦਸਾ ਮੰਗਲਵਾਰ ਸ਼ਾਮ ਦਹੇਜ ਜੀਆਈਡੀਸੀ ਦੇ ਕੋਲ ਵਾਪਰਿਆ। ਇਸ ਨਾਲ ਪਸ਼ੂ ਪ੍ਰੇਮੀਆਂ ਵਿਚ ਗੁੱਸਾ ਫੈਲ ਗਿਆ ਹੈ। ਭੜੂਚ ਤੋਂ ਦਹੇਜ ਆ ਰਹੀ ਮਾਲ ਗੱਡੀ ਜੀਆਈਡੀਸੀ ਖੇਤਰ ਵਿਚ ਸਥਿਤ ਇਨਕੋਫਿਲ ਅਤੇ ਏਸ਼ੀਅਨ ਪੁਆਇੰਟ ਦੇ ਵਿਚੋਂ ਲੰਘ ਰਹੀ ਸੀ ਤਾਂ ਉਸ ਵੇਲੇ
ਅਚਾਨਕ 11 ਗਾਵਾਂ ਆ ਗਈਆਂ। ਚਾਲਕ ਨੇ ਗੱਡੀ ਨੂੰ ਰੋਕਣ ਦੀ ਕੋਸ਼ਿਸ਼ ਵੀ ਕੀਤੀ ਪਰ ਤਦ ਤੱਕ ਬਹੁਤ ਦੇਰ ਹੋ ਚੁੱਕੀ ਸੀ। ਮਾਲ ਗੱਡੀ ਦੇ ਹੇਠਾਂ ਆਉਣ ਨਾਲ 11 ਗਾਵਾਂ ਦੀ ਮੌਤ ਹੋ ਗਈ। ਹਾਦਸੇ ਪ੍ਰਤੀ ਦਹੇਜ ਦੇ ਸਰਪੰਚ ਜੈਦੀਪ ਸਿੰਘ ਰਾਮ ਸਿੱਘ ਰਾਣਾ ਨੇ ਦੁਖ ਪ੍ਰਗਟ ਕੀਤਾ। ਉਨਾਂ ਕਿਹਾ ਕਿ ਹਰ ਰੋਜ ਗਾਵਾਂ ਰੇਲਵੇ ਪਟੜੀ ਦੇ ਉਸ ਪਾਰ ਚਰਨ ਲਈ ਜਾਂਦੀਆਂ ਹਨ। ਹਾਦਸੇ ਨੂੰ ਲੈ ਕੇ ਪਸ਼ੂਪ੍ਰੇਮੀਆਂ ਵਿਚ ਗੁੱਸਾ ਹੈ। ਦਹੇਜ ਪੁਲਿਸ ਥਾਣੇ ਵਿਚ ਇਸ ਸਬੰਧੀ ਸ਼ਿਕਾਇਤ ਦਰਜ਼ ਕਰਵਾਈ ਗਈ ਹੈ।
