ਵਿੱਤ ਸਕੱਤਰ ਨੇ ਪੂਰੇ ਮਾਮਲੇ 'ਤੇ ਦਿੱਤੀ ਸਫ਼ਾਈ
ਨਵੀਂ ਦਿੱਲੀ : ਕੇਂਦਰ ਸਰਕਾਰ ਨੇ ਅਜਿਹੀ ਅਫਵਾਹਾਂ ਨੂੰ ਖਾਰਜ਼ ਕੀਤਾ ਹੈ ਜਿਸ ਵਿਚ ਕਿਹਾ ਜਾ ਰਿਹਾ ਸੀ ਕਿ ਭਾਰਤੀ ਨਾਗਰਿਕਾਂ ਨੂੰ ਆਪਣਾ ਬੈਂਕ ਖਾਤਾ ਖਲਵਾਉਣ ਜਾਂ ਕੇਵਾਈਸੀ ਅਪਡੇਟ ਕਰਾਉਣ ਦੇ ਲਈ ਆਪਣਾ ਧਰਮ ਦੱਸਣਾ ਜ਼ਰੂਰੀ ਹੋਵੇਗਾ। ਭਾਰਤ ਸਰਕਾਰ ਦੇ ਵਿੱਤ ਸਕੱਤਰ ਰਾਜੀਵ ਕੁਮਾਰ ਨੇ ਕਿਹਾ ਹੈ ਕਿ ਅਜਿਹੀ ਅਫ਼ਵਾਹਾਂ 'ਤੇ ਬਿਲਕੁੱਲ ਵਿਸ਼ਵਾਸ ਨਾ ਕੀਤਾ ਜਾਵੇ।
Photo
ਇਸ ਤੋਂ ਪਹਿਲਾਂ ਇਹ ਰਿਪੋਰਟ ਆਈ ਸੀ ਕਿ ਬੈਂਕ ਜਲਦੀ ਹੀ ਆਪਣੇ ਕੇਵਾਈਸੀ ਫਾਰਮ ਵਿਚ ਨਵਾਂ ਕਾਲਮ ਜੋੜ ਸਕਦੇ ਹਨ ਜਿਸ ਵਿਚ ਗ੍ਰਾਹਕਾਂ ਨੂੰ ਆਪਣਾ ਧਰਮ ਦੱਸਣਾ ਹੋਵੇਗਾ ਪਰ ਇਨ੍ਹਾਂ ਖਬਰਾਂ ਨੂੰ ਵਿਤ ਸਕੱਤਰ ਰਾਜੀਵ ਕੁਮਾਰ ਨੇ ਸਿਰਫ਼ ਅਫਵਾਹਾ ਕਰਾਰ ਦਿੱਤਾ ਹੈ ਅਤੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਇਸ 'ਤੇ ਧਿਆਨ ਨਾਂ ਦੇਣ।
किसी भी #भारतीय नागरिक को अपना #बैंक खाता खोलने या पुराने के लिये या #KYC के लिए अपने धर्म का खुलासा करने की कोई ज़रूरत नहीं है। ऐसे अफ़वाहों पर क़तई विश्वास ना करें |@PIB_India @DDNewsLive @PTI_News @FinMinIndia @PMOIndia
— Rajeev kumar (@rajeevkumr) December 21, 2019
ਵਿੱਤ ਸਕੱਤਰ ਨੇ ਕਿਹਾ ''ਭਾਰਤੀ ਨਾਗਰਿਕਾਂ ਦੇ ਲਈ ਆਪਣਾ ਖਾਤਾ ਖੋਲ੍ਹਣ,ਪੁਰਾਣਾ ਖਾਤਾ ਅਪਡੇਟ ਕਰਾਉਣ ਦੇ ਲਈ ਧਰਮ ਦੱਸਣ ਦੀ ਜ਼ਰੂਰਤ ਨਹੀਂ ਹੈ ਅਜਿਹੀ ਕਿਸੇ ਵੀ ਫੈਲਾਈ ਜਾ ਰਹੀ ਅਫਵਾਹਾ 'ਤੇ ਵਿਸ਼ਵਾਸ਼ ਕਰਨ ਦੀ ਲੋੜ ਨਹੀਂ ਹੈ''।
file photo
ਮੌਜ਼ੂਦਾ ਸਮੇਂ ਵਿਚ ਬੈਂਕ ਅਕਾਊਂਟ ਖਲਵਾਉਣ ਦੇ ਲਈ ਪੈੱਨ, ਆਧਾਰ,ਵੋਟਰ ਆਈਡੀ, ਬਿਜਲੀ ਬਿਲ ਵਰਗੇ ਦਸਤਾਵੇਜ਼ਾਂ ਦੀ ਜ਼ਰੂਰਤ ਪੈਦੀ ਹੈ ਪਰ ਪਿਛਲੇ ਕੁੱਝ ਦਿਨਾਂ ਤੋਂ ਇਹ ਅਫਵਾਹਾਂ ਫੈਲ ਰਹੀਆਂ ਸਨ ਕਿ ਹੁਣ ਕੇਵਾਈਸੀ ਕਰਾਉਣ ਜਾਂ ਬੈਂਕ ਖਾਤਾ ਖਲਵਾਉਣ ਵੇਲੇ ਆਪਣਾ ਧਰਮ ਦੱਸਣਾ ਹੋਵੇਗਾ ਜਿਸ 'ਤੇ ਹੁਣ ਕੇਂਦਰ ਸਰਕਾਰ ਦੇ ਵਿੱਤ ਸਕੱਤਰ ਨੇ ਸਫ਼ਾਈ ਦਿੱਤੀ ਹੈ।
