ਪੁਲਵਾਮਾ ਹਮਲੇ ਤੋਂ ਬਾਅਦ ਭਾਰਤ ਦੀ ਸੰਭਾਵਤ ਜਵਾਬੀ ਕਾਰਵਾਈ ਤੋਂ ਡਰੇ ਪਾਕਿਸਤਾਨ ਨੇ ਯੁੱਧ ਦੇ ਮੋਰਚਿਆਂ 'ਤੇ ਅਪਣੀ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ...
ਨਵੀਂ ਦਿੱਲੀ : ਪੁਲਵਾਮਾ ਹਮਲੇ ਤੋਂ ਬਾਅਦ ਭਾਰਤ ਦੀ ਸੰਭਾਵਤ ਜਵਾਬੀ ਕਾਰਵਾਈ ਤੋਂ ਡਰੇ ਪਾਕਿਸਤਾਨ ਨੇ ਯੁੱਧ ਦੇ ਮੋਰਚਿਆਂ 'ਤੇ ਅਪਣੀ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ। ਇਹ ਸਭ ਅਜਿਹੇ ਦੌਰ ਵਿਚ ਹੋ ਰਿਹਾ ਹੈ ਜਦ ਅੱਤਵਾਦੀ ਸੰਗਠਨ ਜੈਸ਼ ਏ ਮੁਹੰਮਦ ਦੇ ਮੁਖੀ ਮਸੂਦ ਅਜ਼ਹਰ ਨੇ ਇਮਰਾਨ ਖਾਨ ਦੀ ਸਰਕਾਰ ਨੂੰ ਭਾਰਤ ਦੇ ਕਿਸੇ ਦਬਾਅ ਅੱਗੇ ਨਾ ਝੁਕਣ ਲਈ ਕਿਹਾ ਹੈ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਇਸ ਗੱਲ ਦੀ ਜਾਣਕਾਰੀ ਮਿਲੀ ਹੈ ਕਿ ਪਾਕਿਸਤਾਨ ਅਲੱਗ ਅਲੱਗ ਮੋਰਚਿਆਂ 'ਤੇ ਤਿਆਰੀ ਵਿਚ ਜੁਟ ਗਿਆ ਹੈ।
Indian Army
ਇਨ੍ਹਾਂ ਵਿਚੋਂ ਇੱਕ ਦਸਤਾਵੇਜ਼ ਬਲੂਚਿਸਤਾਨ ਸਥਿਤ ਮਿਲਟਰੀ ਬੇਸ ਦਾ ਹੈ ਜਦ ਕਿ ਪਾਕਿਸਤਾਨੀ ਕਬਜ਼ੇ ਵਾਲੇ ਕਸ਼ਮੀਰ ਵਿਚ ਸਥਾਨਕ ਪ੍ਰਸ਼ਾਸਨ ਨੂੰ ਇੱਕ ਨੋਟਿਸ ਭੇਜਿਆ ਗਿਆ ਹੈ। ਇਸ ਨੋਟਿਸ ਤੋਂ ਪਤਾ ਚਲਦਾ ਹੈ ਕਿ ਗੁਆਂਢੀ ਮੁਲਕ ਨੇ ਭਾਰਤ ਦੇ ਨਾਲ ਜੰਗ ਦੀ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ। ਕਵੇਟਾ ਕੈਂਟੋਨਮੈਂਟ ਸਥਿਤ ਪਾਕਿਸਤਾਨੀ ਫ਼ੌਜ ਦੇ ਬੇਸ ਹੈਡਕੁਆਰਟਰਸ ਕਵੇਟਾ ਲੌਜਿਲਸਟਿਕਸ ਖੇਤਰ ਵੱਲੋਂ 20 ਫਰਵਰੀ ਨੂੰ ਜਿਲਾਨੀ ਹਸਪਤਾਲ ਨੂੰ ਇੱਕ ਪੱਤਰ ਭੇਜਿਆ ਗਿਆ ਹੈ ਜਿਸ ਵਿਚ ਭਾਰਤ ਨਾਲ ਸੰਭਾਵਤ ਯੁੱਧ ਦੀ ਸੂਰਤ ਵਿਚ ਡਾਕਟਰੀ ਮਦਦ ਦੇ ਲਈ ਪ੍ਰਬੰਧ ਕਰਨ ਲਈ ਕਿਹਾ ਗਿਆ ਹੈ।
Imran khan
ਫੋਰਸ ਕਮਾਂਡਰ ਏਸ਼ੀਆ ਨਾਜ ਵਲੋਂ ਜਿਲਾਨੀ ਹਸਪਤਾਲ ਦੇ ਅਬਦੁਲ ਮਲਿਕ ਨੂੰ ਪੱਤਰ ਵਿਚ ਲਿਖਿਆ ਗਿਆ ਹੈ, ਪੂਰਵੀ ਫਰੰਟ ਵਿਚ ਐਮਰਜੈਂਸੀ ਹਮਲੇ ਦੀ ਸਥਿਤੀ ਵਿਚ ਕਵੇਟਾ ਲੌਜਿਸਟਿਕਸ ਖੇਤਰ ਵਿਚ ਸਿੰਧ ਅਤੇ ਪੰਜਾਬ ਦੇ ਸਿਵਲ ਜਾਂ ਮਿਲਟਰੀ ਹਸਪਤਾਲਾਂ ਤੋਂ ਜਖ਼ਮੀ ਜਵਾਨ ਲਿਆਏ ਜਾ ਸਕਦੇ ਹਨ। ਮੁਢਲੇ ਇਲਾਜ ਤੋਂ ਬਾਅਦ ਇਨ੍ਹਾਂ ਜਵਾਨਾਂ ਨੂੰ ਮਿਲਟਰੀ ਅਤੇ ਸਿਵਲ ਪਬਲਿਕ ਸੈਕਟਰ ਨਾਲ ਬੈਡ ਦੀ ਉਪਲਬਧਤ ਹੋਣ ਤੱਕ ਬਲੂਚਿਸਤਾਨ ਦੇ ਸਿਵਲ ਹਸਪਤਾਲ ਸ਼ਿਫਟ ਕੀਤੇ ਜਾਣ ਦੀ ਤਿਆਰੀ ਹੈ।
Indian Army
ਮਿਲਟਰੀ ਹਸਪਤਾਲ ਵਿਚ ਐਮਰਜੈਂਸੀ ਸਥਿਤੀ ਦੇ ਲਈ ਬੈਡ ਦੀ ਗਿਣਤੀ ਵਿਚ ਵਾਧੇ ਦੇ ਨਾਲ ਸਿਵਲ ਹਸਪਤਾਲਾਂ ਨੂੰ ਜ਼ਖ਼ਮੀ ਜਵਾਨਾਂ ਦੇ ਲਈ 25 ਫ਼ੀਸਦੀ ਬੈਡ ਰਿਜ਼ਰਵ ਰੱਖਣ ਲਈ ਕਿਹਾ ਗਿਆ ਹੈ। ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੇ ਆਰਮੀ ਚੀਫ਼ ਜਨਰਲ ਕਮਰ ਜਾਵੇਦ ਬਾਜਵਾ ਦੇ ਨਾਲ ਬੈਠਕ ਕਰਕੇ ਹਾਲਾਤ ਦੀ ਸਮੀਖਿਆ ਕੀਤੀ ਤੇ ਕੁਝ ਸਮੇਂ ਬਾਅਦ ਰਾਸ਼ਟਰੀ ਸੁਰੱਖਿਆ ਪ੍ਰੀਸ਼ਦ ਦੀ ਬੈਠਕ ਕਰਕੇ ਸੈਨਾ ਨੂੰ ਅਲਰਟ ਕਰ ਦਿੱਤਾ ਗਿਆ। ਪੀਓਕੇ ਵਿਚ ਕੰਟਰੋਲ ਰੇਖਾ ਦੇ ਕੋਲ ਪਿੰਡ ਦੇ ਲੋਕਾਂ ਨੂੰ ਚੌਕਸ ਰਹਿਣ ਲਈ ਕਿਹਾ ਗਿਆ ਹੈ।
Paki Hospital
ਪੀਓਕੇ ਦੀ ਸਰਕਾਰ ਨੇ ਐਲਓਸੀ ਨਾਲ ਲੱਗਦੇ ਨੀਲਮ, ਝੇਲਮ, ਰਾਵਲਕੋਟ, ਹਵੇਲੀ, ਕੋਟਲੀ ਅਤੇ ਭਿੰਬਰ ਵਿਚ ਰਹਿਣ ਵਾਲੇ ਲੋਕਾਂ ਨੂੰ ਅਲਰਟ ਕਰਨ ਦੇ ਲਈ ਸਥਾਨਕ ਪ੍ਰਸ਼ਾਸਨ ਨੂੰ ਇੱਕ ਪੱਤਰ ਵੀ ਲਿਖਿਆ ਹੈ। ਇਸ ਵਿਚ ਭਾਰਤੀ ਸੈਨਾ ਵਲੋਂ ਸੰਭਾਵਤ ਕਾਰਵਾਈ ਦੀ ਸਥਿਤੀ ਵਿਚ ਲੋਕਾਂ ਨੂੰ ਅਡਵਾਈਜ਼ਰੀ ਜਾਰੀ ਕਰਨ ਦੇ ਨਿਰਦੇਸ਼ ਦਿੱਤੇ ਗਏ ਹਨ।
