ਬੈਠਕ ਲਈ ਹੋਏ ਸਨ ਇਕੱਠੇ
ਕਾਬੁਲ: ਅਫਗਾਨਿਸਤਾਨ ਦੇ ਫੈਰੀਬ ਸੂਬੇ ਵਿਚ ਇਕ ਹਵਾਈ ਹਮਲੇ ਵਿਚ ਕਰੀਬ 28 ਤਾਲਿਬਾਨੀ ਅੱਤਵਾਦੀ ਮਾਰੇ ਗਏ ਹਨ। ਇਸ ਦੀ ਜਾਣਕਾਰੀ ਫ਼ੌਜ ਸੂਤਰ ਤੋਂ ਮਿਲੀ ਹੈ। ਨਿਊਜ਼ ਏਜੰਸੀ ਸਿਨਹੁਆ ਦੀ ਰਿਪੋਰਟ ਮੁਤਾਬਿਕ ਖੇਤਰ ਵਿਚ ਸਥਿਤ ਫ਼ੌਜ ਦੇ ਕੋਰ 209 ਸ਼ਾਹਨ ਦੇ ਬੁਲਾਰੇ ਨੇ ਦੱਸਿਆ ਇਕ ਪੁਖ਼ਤਾ ਖੁਫੀਆ ਦੀ ਜਾਣਕਾਰੀ ਦੇ ਆਧਾਰ 'ਤੇ ਅਫ਼ਗਾਨਿਸਤਾਨ ਹਵਾਈ ਫ਼ੌਜ ਦੇ ਏ -29 ਜਹਾਜ਼ ਨੇ ਸ਼ਨੀਵਾਰ ਸ਼ਾਮ ਨੂੰ ਫਾਇਰਬ ਪ੍ਰਾਂਤ ਦੇ ਬਿਲਚੀਰਾਗ ਇਲਾਕੇ ਵਿਚ ਤਾਲੀਬਾਨੀ ਟਿਕਾਣੇ ਨੂੰ ਨਿਸ਼ਾਨਾ ਬਣਾਇਆ ਗਿਆ, ਜਿਸ ਵਿਚ 28 ਤਾਲਿਬਾਨ ਅਤਿਵਾਦੀ ਮਾਰੇ ਗਏ।
ਨਿਸ਼ਾਨਾ ਬਣੇ ਅਤਿਵਾਦੀ ਸੁਰੱਖਿਆ ਬਲਾਂ ਵਿਰੁਧ ਹਮਲਿਆਂ ਦੀਆਂ ਯੋਜਨਾਵਾਂ ਬਣਾਉਣ ਲਈ ਬੈਠਕ ਕਰ ਰਹੇ ਸਨ। ਉਦੋਂ ਹੀ ਅਫ਼ਗਾਨਿਸਤਾਨ ਦੀ ਹਵਾਈ ਫ਼ੌਜ ਨੇ ਮੌਕੇ 'ਤੇ ਦੇਖ ਕੇ ਹਮਲਾ ਕਰ ਦਿੱਤਾ ਅਤੇ ਉਹਨਾਂ ਵਿਚੋਂ ਕਰੀਬ 28 ਨੂੰ ਮਾਰ ਦਿੱਤਾ ਗਿਆ ਹੈ।
ਦਸ ਦਈਏ ਕਿ ਸ਼ਾਂਤੀਪੂਰਣ ਉੱਤਰੀ ਖੇਤਰ ਵਿਚ ਬੀਤੇ ਕੁੱਝ ਸਾਲਾਂ ਵਿਚ ਹਿੰਸਾ ਵਧ ਗਈ ਹੈ ਅਤੇ ਅਜਿਹਾ ਇਸ ਲਈ ਹੋ ਰਿਹਾ ਹੈ ਕਿਉਂ ਕਿ ਅਫ਼ਗਾਨਿਸਤਾਨ ਦੇ ਸੁਰੱਖਿਆ ਬਲ ਦੱਖਣ ਅਤੇ ਪੂਰਬੀ ਖੇਤਰਾਂ ਵਿਚ ਅਤਿਵਾਦੀਆਂ ਵਿਰੁਧ ਜ਼ੋਰ ਸ਼ੋਰ ਨਾਲ ਕਾਰਵਾਈ ਕਰ ਰਹੇ ਹਨ। ਫਿਲਹਾਲ ਤਾਲਿਬਾਨ ਨੇ ਹੁਣ ਤਕ ਇਸ ਰਿਪੋਰਟ 'ਤੇ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ।
