ਪਟਰੌਲੀਅਮ ਬਾਲਣ 'ਚ ਲਗਾਤਾਰ 14ਵੇਂ ਦਿਨ ਵਾਧਾ
ਨਵੀਂ ਦਿੱਲੀ, 20 ਜੂਨ : ਸਰਕਾਰੀ ਪਟਰੌਲੀਅਮ ਵਿਤਰਕ ਕੰਪਨੀਆਂ ਨੇ ਸਨਿਚਰਵਾਰ ਨੂੰ ਡੀਜ਼ਲ ਅਤੇ ਪਟਰੌਲ ਦੀਆਂ ਕੀਮਤਾਂ 'ਚ 61 ਪੈਸੇ ਅਤੇ 51 ਪੈਸੇ ਪ੍ਰਤੀ ਲੀਟਰ ਦਾ ਵਾਧਾ ਕੀਤਾ। ਇਸ ਵਾਧੇ ਨਾਲ ਡੀਜ਼ਲ ਦੀ ਕੀਮਤ ਦਿੱਲੀ 'ਚ 77.67 ਰੁਪਏ ਦੇ ਹੁਣ ਤਕ ਦੇ ਸੱਭ ਤੋਂ ਉੱਚ ਪੱਧਰ 'ਤੇ ਪਹੁੰਚ ਗਿਆ ਹੈ।
ਕੰਪਨੀਆਂ ਦੀ ਕੀਮਤ ਸਬੰਧੀ ਨੋਟੀਫਿਕੇਸ਼ਨ ਮੁਤਾਬਕ ਲਗਾਤਾਰ 14ਵੇਂ ਦਿਨ ਇਸ ਵਾਧੇ ਨਾਲ ਰਾਜਧਾਨੀ 'ਚ ਪਟਰੌਲ ਦੀ ਦਰ ਪ੍ਰਤੀ ਲੀਟਰ 78.88 ਰੁਪਏ 'ਤੇ ਪਹੁੰਚ ਗਈ ਹੈ। ਇਸ ਦੌਰਾਨ ਡੀਜ਼ਲ ਅਤੇ ਪਟਰੌਲ 'ਚ ਕੁੱਲ ਮਿਲਾ ਕੇ ਪ੍ਰਤੀ ਲੀਟਰ 8.25 ਰੁਪਏ ਅਤੇ 7.62 ਰੁਪਏ ਦਾ ਵਾਧਾ ਹੋਇਆ ਹੈ।
File Photo
ਇਨ੍ਹਾਂ ਦੀ ਕੀਮਤਾਂ ਪੂਰੇ ਦੇਸ਼ ਵਿਚ ਵਧਾਈ ਗਈਆਂ ਹਨ। ਸੱਤ ਜੂਨ ਤੋਂ ਪਹਿਲਾਂ 82 ਦਿਨਾਂ ਤਕ ਕੰਪਨੀਆਂ ਨੇ ਇਨ੍ਹਾਂ ਦੀਆਂ ਕੀਮਤਾਂ ਵਿਚ ਕੋਈ ਵਾਧਾ ਨਹੀਂ ਕੀਤਾ ਸੀ।
ਦਿੱਲੀ 'ਚ ਇਨ੍ਹਾਂ 14 ਦਿਨਾਂ 'ਚ ਕੀਮਤਾਂ 'ਚ ਵਾਧੇ ਤੋਂ ਪਹਿਲਾਂ ਡੀਜ਼ਲ ਦੀ ਸੱਭ ਤੋਂ ਉਚੀ ਤਰ 16 ਅਕਤੂਬਰ 2018 ਨੂੰ ਸੀ। ਉਸ ਸਮੇਂ ਇਸ ਦੀ ਕੀਮਤ 75.69 ਰੁਪਏ ਪ੍ਰਤੀ ਲੀਟਰ ਸੀ। ਇਸੇ ਤਰ੍ਹਾਂ ਚਾਰ ਅਕਤੂਰ 2018 ਨੂੰ ਇਥੇ ਪਟਰੌਲ 84 ਰੁਪਏ 'ਤੇ ਸੀ ਇਸ ਦੀ ਹੁਣ ਤਕ ਦੀ ਉੱਚ ਦਰ ਹੈ। (ਪੀਟੀਆਈ)
