ਪੁਛਿਆ, ਕੀ ਇਸ ਨਾਲ ਠੀਕ ਹੋ ਸਕਦਾ ਹੈ ਕੋਰੋਨਾ?

ਨਵੀਂ ਦਿੱਲੀ: ਸਾਧਵੀ ਪ੍ਰਗਿਆ ਸਿੰਘ ਠਾਕੁਰ ਦੇ ਗਊ ਮੂਤਰ ਤੋਂ ਕੋਰੋਨਾ ਠੀਕ ਹੋਣ ਵਾਲੇ ਬਿਆਨ ’ਤੇ ਵਿਵਾਦ ਰੁਕਣ ਦਾ ਨਾਮ ਨਹੀਂ ਲੈ ਰਿਹਾ। ਬੁਧਵਾਰ ਨੂੰ ਸਾਬਕਾ ਮੰਤਰੀ ਅਤੇ ਕਾਂਗਰਸ ਦੇ ਵਿਧਾਇਕ ਪੀ.ਸੀ. ਸ਼ਰਮਾ ਨੇ ਗਊ ਮੂਤਰ ਦੀ ਸ਼ੀਸ਼ੀ ਕੇਂਦਰੀ ਸਿਹਤ ਮੰਤਰੀ ਡਾ: ਹਰਸ਼ਵਰਧਨ ਨੂੰ ਕੋਰੀਅਰ ਰਾਹੀਂ ਭੇਜੀ ਅਤੇ ਸਾਧਵੀ ਪ੍ਰਗਿਆ ਸਿੰਘ ਠਾਕੁਰ ਦੇ ਦਾਅਵੇ ਦਾ ਵਿਗਿਆਨਕ ਆਧਾਰ ਪੁਛਿਆ ਹੈ।

Pragya Singh Thakur

ਜ਼ਿਕਰਯੋਗ ਹੈ ਕਿ ਭੋਪਾਲ ਤੋਂ ਸੰਸਦ ਮੈਂਬਰ ਸਾਧਵੀ ਪ੍ਰਗਿਆ ਠਾਕੁਰ ਨੇ ਕੁੱਝ ਦਿਨ ਪਹਿਲਾਂ ਗਊ ਮੂਤਰ ਨਾਲ ਕੋਰੋਨਾ ਠੀਕ ਕਰਨ ਦਾ ਦਾਅਵਾ ਕੀਤਾ ਸੀ। ਪ੍ਰਗਿਆ ਠਾਕੁਰ ਨੇ ਕਿਹਾ ਸੀ, “ਗਊ ਮੂਤਰ ਪੀਣ ਨਾਲ ਫੇਫੜਿਆਂ ਦੀ ਲਾਗ ਦੂਰ ਹੁੰਦੀ ਹੈ। ਮੈਂ ਖੁਦ ਗਊ ਮੂਤਰ ਦੀ ਵਰਤੋਂ ਕਰਦੀ ਹਾਂ ਅਤੇ ਇਸ ਲਈ ਮੈਨੂੰ ਅਜੇ ਤਕ ਕੋਰੋਨਾ ਦੀ ਕੋਈ ਦਵਾਈ ਨਹੀਂ ਲੈਣੀ ਪਈ ਅਤੇ ਨਾ ਹੀ ਮੈਨੂੰ ਅਜੇ ਤਕ ਕੋਰੋਨਾ ਹੋਇਆ ਹੈ।”

Sadhvi Pragya Singh Thakur

ਪੀਸੀ ਸ਼ਰਮਾ ਨੇ ਬੁਧਵਾਰ ਨੂੰ ਕੇਂਦਰੀ ਸਿਹਤ ਮੰਤਰੀ ਅਤੇ ਰਾਸਟਰੀ ਸਿਹਤ ਮਿਸ਼ਨ ਨੂੰ ਇਕ ਪੱਤਰ ਲਿਖਿਆ ਅਤੇ ਮੰਗ ਕੀਤੀ ਕਿ ਸਾਧਵੀ  ਪ੍ਰਗਿਆ ਸਿੰਘ ਠਾਕੁਰ ਦੇ ਦਾਅਵੇ ਦਾ ਵਿਗਿਆਨਕ ਸਬੂਤ ਕੀ ਹੈ? ਕਾਂਗਰਸ ਵਿਧਾਇਕ ਨੇ ਕੇਂਦਰੀ ਸਿਹਤ ਮੰਤਰੀ ਨੂੰ ਇਕ ਪੱਤਰ ਵੀ ਭੇਜਿਆ ਹੈ ਜਿਸ ਵਿਚ ਉਨ੍ਹਾਂ ਨੇ ਲਿਖਿਆ ਹੈ ਕਿ ਕੀ ਆਈਸੀਐਮਆਰ ਅਤੇ ਡੀਆਰਡੀਓ ਭਾਜਪਾ ਸੰਸਦ ਮੈਂਬਰ ਦੇ ਇਸ ਦਾਅਵੇ ਦੀ ਸੱਚਾਈ ਦੁਨੀਆ ਦੇ ਸਾਹਮਣੇ ਲਿਆਉਣਗੇ?

P. C. Sharma

ਕਾਂਗਰਸ ਵਿਧਾਇਕ ਦਾ ਕਹਿਣਾ ਹੈ ਕਿ ਗਊ ਨੂੰ ਮਾਂ ਦਾ ਦਰਜਾ ਦਿਤਾ ਜਾਂਦਾ ਹੈ ਪਰ ਕੀ ਸੰਸਦ ਮੈਂਬਰਾਂ ਦਾ ਬਿਆਨ ਉਸ ਸਮੇਂ ਗੁਮਰਾਹ ਨਹੀਂ ਕਰ ਰਿਹਾ ਜਦੋਂ ਕੋਰੋਨਾ ਪਿੰਡਾਂ ਵਿਚ ਫੈਲ ਰਿਹਾ ਹੈ? ਪੀ ਸੀ ਸਰਮਾ ਨੇ ਕੇਂਦਰੀ ਸਿਹਤ ਮੰਤਰੀ ਤੋਂ ਮੰਗ ਕੀਤੀ ਹੈ ਕਿ ਪ੍ਰਗਿਆ ਸਿੰਘ ਠਾਕੁਰ ਦੇ ਦਾਅਵੇ ਨੂੰ ਵਿਗਿਆਨਕ ਸਬੂਤ ਦੇ ਨਾਲ ਲੋਕਾਂ ਸਾਹਮਣੇ ਰਖਿਆ ਜਾਵੇ।

corona case

ਪੱਤਰ ’ਚ, ਪੀਸੀ ਸਰਮਾ ਨੇ ਲਿਖਿਆ ਹੈ ਕਿ “ਕੀ ਆਈਸੀਐਮਆਰ ਅਤੇ ਡੀਆਰਡੀਓ ਨੇ ਵਿਗਿਆਨਕ ਤੌਰ’ ਤੇ ਸਵੀਕਾਰ ਕੀਤਾ ਹੈ ਕਿ ਗਊ ਮੂਤਰ ਕੋਰੋਨਾ ਨੂੰ ਠੀਕ ਕਰ ਸਕਦਾ ਹੈ? ਅਸੀਂ ਗਊ ਨੂੰ ਮਾਂ ਮੰਨਦੇ ਹਾਂ, ਪਰ ਕੀ ਸਾਡੀਆਂ ਧਾਰਮਕ ਭਾਵਨਾਵਾਂ ਦੇਸ਼ ਅਤੇ ਸੂਬਿਆਂ ਦੇ ਲੋਕਾਂ ਨੂੰ ਗੁਮਰਾਹ ਕਰਨ ਲਈ ਨਹੀਂ ਵਰਤੀਆਂ ਜਾ ਰਹੀਆਂ? ਕੀ ਕੇਂਦਰੀ ਸਿਹਤ ਵਿਭਾਗ ਅਤੇ ਮੱਧ ਪ੍ਰਦੇਸ਼ ਦੇ ਸਿਹਤ ਵਿਭਾਗ ਨੇ ਫ਼ੈਸਲਾ ਕੀਤਾ ਹੈ ਕਿ ਕੋਰੋਨਾ, ਬਲੈਕ ਫ਼ੰਗਸ ਦਾ ਇਲਾਜ ਗਊ ਮੂਤਰ ਨਾਲ ਕੀਤਾ ਜਾਏਗਾ?

corona vaccine

ਕੀ ਹੁਣ ਵੈਕਸੀਨ ਲਗਵਾਉਣ ਦੀ ਕੋਈ ਜ਼ਰੂਰਤ ਨਹੀਂ ਹੈ, ਅਤੇ ਆਈਸੀਐਮਆਰ ਅਤੇ ਡੀਆਰਡੀਓ ਇਸ ਨੂੰ ਵਿਗਿਆਨਕ ਤੌਰ ਤੇ ਪ੍ਰਮਾਣਿਤ ਕਰਦੇ ਹਨ? ਇਸ ਲਈ, ਮੈਂ ਤੁਹਾਨੂੰ ਗਊ ਮੂਤਰ ਦੀ ਬੋਤਲ ਭੇਜ ਰਿਹਾ ਹਾਂ ਤਾਂ ਜੋ ਤੁਸੀਂ ਇਸ ਸੰਦਰਭ ਵਿਚ ਵਿਗਿਆਨਕ ਪ੍ਰਮਾਣ ਪੱਤਰਾਂ ਨਾਲ ਕੋਰੋਨਾ ਤੋਂ ਪੀੜਤ ਦੇਸ਼ ਦੇ ਲੋਕਾਂ ਨੂੰ ਕੋਰੋਨਾ ਤੋਂ ਜਾਨਾਂ ਬਚਾਉਣ ਲਈ ਸਹੀ ਸੰਦੇਸ ਦੇਵੋਗੇ।”