ਮੌਜੂਦਾ ਪ੍ਰਧਾਨ ਅਸ਼ੋਕ ਪਰਨਾਮੀ ਦੇ ਅਸਤੀਫ਼ੇ ਨੂੰ ਲੋਕਸਭਾ ਅਤੇ ਵਿਧਾਨਸਭਾ ਦੀਆਂ ਉਪ ਚੋਣਾਂ ਵਿਚ ਹੋਈ ਹਾਰ ਨਾਲ ਜੋੜ ਕੇ ਵੇਖਿਆ ਜਾ ਰਿਹਾ ਸੀ
ਰਾਜਸਥਾਨ ਵਿਚ ਵਿਧਾਨਸਭਾ ਚੋਣ ਤੋਂ ਪਹਿਲਾਂ ਬੀਜੇਪੀ ਦੇ ਨਵੇਂ ਪ੍ਰਧਾਨ ਨੂੰ ਲੈ ਕੇ ਚਰਚਾ ਸ਼ੁਰੂ ਹੋ ਗਈ ਹੈ | ਮੌਜੂਦਾ ਪ੍ਰਧਾਨ ਅਸ਼ੋਕ ਪਰਨਾਮੀ ਦੇ ਅਸਤੀਫ਼ੇ ਨੂੰ ਲੋਕਸਭਾ ਅਤੇ ਵਿਧਾਨਸਭਾ ਦੀਆਂ ਉਪ ਚੋਣਾਂ ਵਿਚ ਹੋਈ ਹਾਰ ਨਾਲ ਜੋੜ ਕੇ ਵੇਖਿਆ ਜਾ ਰਿਹਾ ਸੀ | ਪਰ ਸਵਾਲ ਇਹ ਹੈ ਕਿ ਪਾਰਟੀ ਹੁਣ ਲਈ ਕਿਸ ਚਿਹਰੇ ਨੂੰ ਲੈ ਕੇ ਆਵੇਗੀ | ਅਸ਼ੋਕ ਪਰਨਾਮੀ ਮੁੱਖਮੰਤਰੀ ਵਸੁੰਧਰਾ ਰਾਜੇ ਦੇ ਬਹੁਤ ਕਰੀਬੀ ਸਨ | ਪਰਨਾਮੀ ਦੇ ਜ਼ਰੀਏ ਹੀ ਵਸੁੰਧਰਾ ਰਾਜੇ ਦੀ ਰਾਜਸਥਾਨ ਬੀਜੇਪੀ ਉੱਤੇ ਪੂਰੀ ਤਰ੍ਹਾਂ ਨਾਲ ਪਕੜ ਮਜਬੂਤ ਸੀ | ਪਰ ਤਿੰਨ ਉਪ ਚੋਣਾਂ 'ਚ ਹਾਰ ਦੇ ਬਾਅਦ ਪਾਰਟੀ ਨੇ ਅਗਵਾਈ ਤਬਦੀਲੀ ਦੇ ਸੰਕੇਤ ਦੇ ਦਿਤੇ ਸਨ |
ਹਾਲਾਂਕਿ ਖ਼ਬਰਾਂ ਇਹ ਵੀ ਸਨ ਕਿ ਸ਼ਾਇਦ ਬੀਜੇਪੀ ਵਸੁੰਧਰਾ ਰਾਜੇ ਨੂੰ ਵੀ ਗੱਦੀ ਤੋਂ ਹਟਾਉਣ ਦਾ ਫ਼ੈਸਲਾ ਕਰ ਸਕਦੀ ਹੈ | ਪਰ ਚੁਨਾਵੀ ਸਾਲ ਵਿਚ ਪਾਰਟੀ ਕਿਸੇ ਵੀ ਗੁਟਬਾਜੀ 'ਚ ਨਹੀਂ ਫਸਣਾ ਚਾਹੁੰਦੀ ਸੀ ਲੇਕਿਨ ਅਸ਼ੋਕ ਪਰਨਾਮੀ 'ਤੇ ਦਬਾਅ ਵਧਦਾ ਚਲਾ ਗਿਆ | ਹਾਲਾਂਕਿ ਅਸ਼ੋਕ ਪਰਨਾਮੀ ਦਾ ਕਹਿਣਾ ਹੈ,"ਮੈਂ ਮੇਰੇ ਵਿਅਕਤੀਗਤ ਰੁਝੇਵਿਆਂ ਦੇ ਕਾਰਨ ਅਸਤੀਫ਼ਾ ਦਿੱਤਾ ਹੈ , ਪਰ ਮੈਂ ਲਗਾਤਾਰ ਭਾਰਤੀ ਜਨਤਾ ਪਾਰਟੀ ਨੂੰ ਰਾਜਸਥਾਨ ਵਿੱਚ ਮਜ਼ਬੂਤ ਕਰਨ ਲਈ ਕੰਮ ਕਰਦਾ ਰਹਾਂਗਾ |"
