ਅੱਜ ਸਵੇਰੇ 7.59 ਵਜੇ ਦਿੱਲੀ ਵਿਚ ਭੁਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ। ਜਿਸ ਸਮੇਂ ਲੋਕ ਆਪਣੇ ਘਰਾਂ ਵਿਚ ਆਰਾਮ ਨਾਲ ਸੋ ਰਹੇ ਸੀ ਉਸ ਸਮੇਂ ਭੁਚਾਲ ਦੇ ਝਟਕਿਆਂ...
ਨਵੀਂ ਦਿੱਲੀ : ਅੱਜ ਸਵੇਰੇ 7.59 ਵਜੇ ਦਿੱਲੀ ਵਿਚ ਭੁਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ। ਜਿਸ ਸਮੇਂ ਲੋਕ ਆਪਣੇ ਘਰਾਂ ਵਿਚ ਆਰਾਮ ਨਾਲ ਸੋ ਰਹੇ ਸੀ ਉਸ ਸਮੇਂ ਭੁਚਾਲ ਦੇ ਝਟਕਿਆਂ ਨੇ ਸਾਰਿਆਂ ਦੀ ਨੀਂਦ ਖ਼ਰਾਬ ਕਰ ਦਿੱਤੀ। ਰਾਜਧਾਨੀ ਦਿੱਲੀ ਸਮੇਤ ਐਨ.ਸੀ.ਆਰ ਦੇ ਖੇਤਰ ਵਿਚ ਅੱਜ ਸਵੇਰੇ ਭੁਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ। ਰਿਕਟੇਰ ਸਕੇਲ ‘ਤੇ ਇਸ ਭੁਚਾਲ ਦੀ ਤੀਬਰਤਾ 4.0 ਸੀ।
Earth Quake
ਭੁਚਾਲ ਦੇ ਝਟਕਿਆਂ ਨੂੰ ਦਿੱਲੀ ਸਮੇਤ ਪੱਛਮੀ ਉੱਤਰ ਪ੍ਰਦੇਸ਼ ਦੇ ਕਈ ਇਲਾਕਿਆਂ ਵਿਚ ਮਹਿਸੂਸ ਕੀਤਾ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਭੁਚਾਲ ਦਾ ਕੇਂਦਰ ਪੱਛਮੀ ਉੱਤਰ ਪ੍ਰਦੇਸ਼ ਦਾ ਬਾਗਪਤ ਸੀ। ਭੁਚਾਲ ਦੇ ਝਟਕਿਆਂ ਨਾਲ ਕਿਸੇ ਤਰ੍ਹਾਂ ਦੇ ਨੁਕਸਾਨ ਦੀ ਖਬਰ ਹੁਣ ਤੱਕ ਨਹੀਂ ਆਈ ਹੈ। ਭੁਚਾਲ ਦਾ ਏਪਿਸੇਂਟਰ ਜ਼ਮੀਨ ਦੇ 6 ਕਿ.ਮੀ ਹੇਠਾਂ ਸੀ।
Earthquake
ਫਿਲਹਾਲ ਭੁਚਾਲ ਦੇ ਝਟਕਿਆਂ ਨਾਲ ਕਿਸੇ ਨੂੰ ਵੀ ਕੋਈ ਨੁਕਸਾਨ ਨਹੀਂ ਹੋਇਆ। ਬੁੱਧਵਾਰ ਨੂੰ ਭੁਚਾਲ ਦੇ ਝਟਕੇ ਸਿਰਫ ਦਿੱਲੀ-ਐਨ.ਸੀ.ਆਰ ਹੀ ਨਹੀਂ ਸਗੋਂ ਦੁਨੀਆ ਦੇ ਕਈ ਹਿੱਸਿਆਂ ਵਿਚ ਮਹਿਸੂਸ ਕੀਤੇ ਗਏ ਹਨ। ਬੁੱਧਵਾਰ ਨੂੰ ਹੀ ਤਜਾਕਿਸਤਾਨ ਅਤੇ ਅਮਰੀਕਾ ਦੇ ਕਈ ਹਿੱਸਿਆਂ ਵਿਚ ਭੁਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ।
