ਮਾਰੂਤੀ ਸੁਜ਼ੂਕੀ ਇੰਡੀਆ ਲਿਮਟਿਡ ਨੇ ਆਮ ਆਦਮੀ ਦੀ ਪ੍ਰਸਿੱਧ ਕਾਰਾਂ ਵਿੱਚੋਂ ਮਾਰੂਤੀ ਸਵਿਫਟ (ਡੀਜ਼ਲ) ਨੂੰ ਬੰਦ ਕਰ ਦਿੱਤਾ ਹੈ।
ਨਵੀਂ ਦਿੱਲੀ : ਮਾਰੂਤੀ ਸੁਜ਼ੂਕੀ ਇੰਡੀਆ ਲਿਮਟਿਡ ਨੇ ਆਮ ਆਦਮੀ ਦੀ ਪ੍ਰਸਿੱਧ ਕਾਰਾਂ ਵਿੱਚੋਂ ਮਾਰੂਤੀ ਸਵਿਫਟ (ਡੀਜ਼ਲ) ਨੂੰ ਬੰਦ ਕਰ ਦਿੱਤਾ ਹੈ। ਹੁਣ ਇਕ ਤਰ੍ਹਾਂ ਨਾਲ ਕੰਪਨੀ ਸਿਰਫ ਪੈਟਰੋਲ ਕਾਰਾਂ 'ਤੇ ਧਿਆਨ ਦੇਵੇਗੀ। ਦਰਅਸਲ 1 ਅਪ੍ਰੈਲ 2020 ਨੂੰ ਦੇਸ਼ ਵਿੱਚ ਬੀਐਸ6 ਸਟੈਂਡਰਡ ਲਾਗੂ ਹੋ ਗਿਆ ਹੈ।
photo
ਜਿਸਦੇ ਨਾਲ ਦੇਸ਼ ਵਿੱਚ ਸਿਰਫ ਬੀਐਸ 6 ਵਾਹਨ ਹੀ ਵੇਚੇ ਜਾਣਗੇ। ਹਾਲਾਂਕਿ, ਮਾਰੂਤੀ ਸੁਜ਼ੂਕੀ ਨੇ ਪਿਛਲੇ ਸਾਲ ਐਲਾਨ ਕੀਤਾ ਸੀ ਕਿ ਹੌਲੀ ਹੌਲੀ ਕੰਪਨੀ ਡੀਜ਼ਲ ਕਾਰਾਂ ਬਣਾਉਣਾ ਬੰਦ ਕਰ ਦੇਵੇਗੀ। ਇਸ ਦੌਰਾਨ ਮਾਰੂਤੀ ਸੁਜ਼ੂਕੀ ਨੇ ਆਪਣੇ ਸਵਿਫਟ 1.3 ਲੀਟਰ ਡੀਜ਼ਲ ਇੰਜਨ ਦੇ ਰੂਪਾਂ ਨੂੰ ਬੰਦ ਕਰ ਦਿੱਤਾ ਹੈ।
photo
ਕੰਪਨੀ ਨੇ ਵੇਚਣ ਲਈ ਇਸ ਕਾਰ ਨੂੰ ਵੈੱਬਸਾਈਟ ਤੋਂ ਹਟਾ ਦਿੱਤਾ ਹੈ। ਯਾਨੀ ਹੁਣ ਮਾਰੂਤੀ ਸਵਿਫਟ ਡੀਜ਼ਲ ਵੇਰੀਐਂਟ ਨੇ ਮਾਰਕੀਟ ਨੂੰ ਅਲਵਿਦਾ ਕਹਿ ਦਿੱਤਾ ਹੈ।
ਮਾਰੂਤੀ ਸੁਜ਼ੂਕੀ ਨੇ ਆਪਣੀ ਵੈੱਬਸਾਈਟ ਤੋਂ ਸਵਿਫਟ ਡੀਜ਼ਲ ਇੰਜਨ ਨੂੰ ਵੀ ਅਧਿਕਾਰਤ ਤੌਰ 'ਤੇ ਬੰਦ ਕਰ ਦਿੱਤਾ ਹੈ।
photo
ਹੁਣ ਇਹ ਕਾਰ ਸਿਰਫ ਬੀਐਸ 6 ਨੌਰਮਜ਼ ਵਿੱਚ ਪੈਟਰੋਲ ਇੰਜਨ ਵਿਕਲਪ ਵਿੱਚ ਉਪਲਬਧ ਹੋਵੇਗੀ। ਕੰਪਨੀ ਨੇ ਪਹਿਲਾਂ ਹੀ ਦੱਸਿਆ ਸੀ ਕਿ ਉਹ ਡੀਜ਼ਲ ਕਾਰਾਂ ਨੂੰ ਬੀਐਸ 6 ‘ਤੇ ਅਪਡੇਟ ਨਹੀਂ ਕਰੇਗੀ। ਕੰਪਨੀ ਨੇ ਹੈਚਬੈਕ ਵਿਚ 1.3-ਲਿਟਰ ਮਲਟੀਜੈੱਟ ਫੋਰ-ਸਿਲੰਡਰ ਯੂਨਿਟ ਦਾ ਇਸਤੇਮਾਲ ਕੀਤਾ ਜੋ 74bhp ਦੀ ਪਾਵਰ ਅਤੇ 190Nm ਪੀਕ ਟਾਰਕ ਪੈਦਾ ਕਰਦਾ ਹੈ।
photo
ਦਿੱਲੀ ਵਿੱਚ ਮਾਰੂਤੀ ਸਵਿਫਟ ਦੀ ਐਕਸ-ਸ਼ੋਅਰੂਮ ਦੀ ਕੀਮਤ 5,19,000 ਤੋਂ 8,02,000 ਲੱਖ ਰੁਪਏ ਦੇ ਵਿੱਚ ਹੈ। ਮਹੱਤਵਪੂਰਣ ਗੱਲ ਇਹ ਹੈ ਕਿ ਮਾਰੂਤੀ ਨੇ ਸਾਲ 2005 ਵਿੱਚ ਸਵਿਫਟ ਲਾਂਚ ਕੀਤੀ ਸੀ। ਇਹ ਕੰਪਨੀ ਦੀਆਂ ਸਭ ਤੋਂ ਵੱਧ ਵਿਕਣ ਵਾਲੀਆਂ ਕਾਰਾਂ ਵਿੱਚੋਂ ਇੱਕ ਹੈ। ਹੁਣ ਤੱਕ ਕੰਪਨੀ ਨੇ ਮਾਰੂਤੀ ਸਵਿਫਟ ਦੇ 7.5 ਲੱਖ ਤੋਂ ਵੱਧ ਯੂਨਿਟ ਵੇਚੇ ਹਨ। ਪਰ ਹੁਣ ਕੰਪਨੀ ਨੇ ਆਪਣੇ ਡੀਜ਼ਲ ਵੇਰੀਐਂਟ ਨੂੰ ਰੋਕ ਦਿੱਤਾ ਹੈ।
ਦੱਸ ਦੇਈਏ ਕਿ ਮਾਰੂਤੀ ਸਵਿਫਟ ਡੀਜ਼ਲ ਵੇਰੀਐਂਟ 28Kmpl ਦਾ ਸ਼ਾਨਦਾਰ ਮਾਈਲੇਜ ਦਿੰਦੀ ਸੀ। ਜਦੋਂਕਿ ਕੰਪਨੀ ਪੈਟਰੋਲ ਵੇਰੀਐਂਟ 'ਚ ਵੱਧ ਤੋਂ ਵੱਧ 21 ਕਿਲੋਮੀਟਰ ਪ੍ਰਤੀ ਲੀਟਰ ਦਾ ਮਾਈਲੇਜ ਦੇਣ ਦਾ ਦਾਅਵਾ ਕਰਦੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
