ਹਕੀਮ ਨੇ ਕਿਹਾ ਕਿ ਇਕ ਸੀਨੀਅਰ ਨੇਤਾ ਹੋਣ ਕਰ ਕੇ ਦੱਤਾ ਨੂੰ ਅਪਣੀ ਸ਼ਿਕਾਇਤਾਂ ਬਾਰੇ ਸਭ ਤੋਂ ਪਹਿਲਾਂ ਉੱਚ ਲੀਡਰਸ਼ਿਪ ਨੂੰ ਮਿਲਣਾ ਚਾਹੀਦਾ ਸੀ
ਕੋਲਕਾਤਾ : ਤਿ੍ਰਣਮੂਲ ਕਾਂਗਰਸ ਨੇ ਸ਼ੁਕਰਵਾਰ ਨੂੰ ਕਿਹਾ ਕਿ ਬੈਰਕਪੁਰ ਤੋਂ ਵਿਧਾਇਕ ਸ਼ੀਲਭੱਦਰ ਦੱਤਾ ਨੂੰ ਅਸਤੀਫ਼ਾ ਦੇਣ ਤੋਂ ਪਹਿਲਾਂ ਉਨ੍ਹਾਂ ਦੀਆਂ ਸ਼ਿਕਾਇਤਾਂ ਲਈ ਪਾਰਟੀ ਲੀਡਰਸ਼ਿਪ ਨੂੰ ਮਿਲਣਾ ਚਾਹੀਦਾ ਸੀ। ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਪਾਰਟੀ ਦੇ ਨੇਤਾ ਅਤੇ ਮੰਤਰੀ ਫ਼ਿਰਹਾਦ ਹਕੀਮ ਨੇ ਕਿਹਾ ਕਿ ਦੱਤਾ ਦੇ ਅਸਤੀਫ਼ੇ ਕਾਰਨ ਉਹ ਹੈਰਾਨ ਹਨ।
Mamta Benerjeeਹਕੀਮ ਨੇ ਕਿਹਾ ਕਿ ਇਕ ਸੀਨੀਅਰ ਨੇਤਾ ਹੋਣ ਕਰ ਕੇ ਦੱਤਾ ਨੂੰ ਅਪਣੀ ਸ਼ਿਕਾਇਤਾਂ ਬਾਰੇ ਸਭ ਤੋਂ ਪਹਿਲਾਂ ਉੱਚ ਲੀਡਰਸ਼ਿਪ ਨੂੰ ਮਿਲਣਾ ਚਾਹੀਦਾ ਸੀ। ਜਿੱਥੋਂ ਤਕ ਮੈਂ ਜਾਣਦਾ ਹਾਂ, ਦੱਤਾ ਨੂੰ ਸਥਾਨਕ ਪਾਰਟੀ ਨੇਤਾਵਾਂ ਦੇ ਸਮੂਹ ਨਾਲ ਕੁਝ ਸਮੱਸਿਆਵਾਂ ਸਨ। ਕੀ ਮੌਜੂਦਾ ਸਥਿਤੀ ਵਿਚ ਸਾਰੇ ਸਬੰਧ ਤੋੜਨ ਦਾ ਇਹ ਢੁਕਵਾਂ ਕਾਰਨ ਹੈ?
ਉਨ੍ਹਾਂ ਕਿਹਾ ਕਿ ਮੈਂ ਸਿਰਫ਼ ਇਹੀ ਕਹਿ ਸਕਦਾ ਹਾਂ ਕਿ ਦੀਦੀ (ਮਮਤਾ ਬੈਨਰਜੀ) ਦੱਤਾ ਨੂੰ ਪਸੰਦ ਕਰਦੇ ਸਨ ਅਤੇ ਉਨ੍ਹਾਂ ਦਾ ਸਬੰਧ ਰਾਜਨੀਤੀ ਨਾਲੋਂ ਜ਼ਿਆਦਾ ਸੀ। ਅਸੀਂ ਸਾਰੇ ਜਾਣਦੇ ਹਾਂ ਕਿ ਉਸ (ਮਮਤਾ) ਨੇ ਕੀ ਕੀਤਾ ਜਦੋਂ ਉਸ (ਦੱਤਾ) ਦੀ ਹਾਲਤ ਨਾਜ਼ੁਕ ਸੀ।
