ਨਰਿੰਦਰ ਮੋਦੀ ਸਰਕਾਰ ਦੁਆਰਾ ਕੇਂਦਰ ਦੇ 10 ਮੰਤਰਾਲਿਆਂ ਅਤੇ ਵਿਭਾਗਾਂ ਵਿਚ 'ਲੈਟਰਲ ਐਂਟਰੀ' ਜ਼ਰੀਏ 10 ਸਾਂਝੇ ਸਕੱਤਰਾਂ ਦੀ ਬਹਾਲੀ ਲਈ ਇਸ਼ਤਿਹਾਰ ਕਢਿਆ ਗਿਆ ਹੈ...
ਨਵੀਂ ਦਿੱਲੀ : ਨਰਿੰਦਰ ਮੋਦੀ ਸਰਕਾਰ ਦੁਆਰਾ ਕੇਂਦਰ ਦੇ 10 ਮੰਤਰਾਲਿਆਂ ਅਤੇ ਵਿਭਾਗਾਂ ਵਿਚ 'ਲੈਟਰਲ ਐਂਟਰੀ' ਜ਼ਰੀਏ 10 ਸਾਂਝੇ ਸਕੱਤਰਾਂ ਦੀ ਬਹਾਲੀ ਲਈ ਇਸ਼ਤਿਹਾਰ ਕਢਿਆ ਗਿਆ ਹੈ। ਇਹ ਨਿਜੀ ਜਾਂ ਸਰਕਾਰੀ ਖੇਤਰ ਵਿਚ ਕੰਮ ਕਰਨ ਦਾ ਘੱਟੋ-ਘੱਟ 15 ਸਾਲ ਦੇ ਅਨੁਭਵ ਵਾਲਿਆਂ ਲਈ ਹੈ। ਲੈਟਰਲ ਐਂਟਰੀ ਦਾ ਮਕਸਦ ਸਪੱਸ਼ਟ ਕਰਦਿਆਂ ਇਸ਼ਤਿਹਾਰ ਵਿਚ ਕਿਹਾ ਗਿਆ ਹੈ ਕਿ ਇਸ ਨਾਲ ਨਾ ਸਿਰਫ਼ ਸ਼ਾਸਨ ਵਿਵਸਥਾ ਵਿਚ ਨਵੇਂ ਵਿਚਾਰ ਆਉਣਗੇ।
Veerappa Moily
ਸਗੋਂ ਉਸ ਦੀ ਮਨੁੱਖੀ ਸ਼ਕਤੀ ਅਤੇ ਸਮਰੱਥਾ ਵਿਚ ਵੀ ਇਜ਼ਾਫ਼ਾ ਹੋ ਸਕੇਗਾ ਹਾਲਾਂਕਿ ਵੱਖ ਵੱਖ ਰਾਜਨੀਤਕ ਦਲਾਂ ਨੇ ਇਸ ਪ੍ਰਸਤਾਵ ਦਾ ਵਿਰੋਧ ਸ਼ੁਰੂ ਕਰਦਿਆਂ ਦੋਸ਼ ਲਾਇਆ ਹੈ ਕਿ ਅਸਥਾਈ ਪ੍ਰਵਿਰਤੀ ਦੀ ਇਸ ਬਹਾਲੀ ਵਿਚ ਰਾਖਵਾਂਕਰਨ ਦੇ ਨਿਯਮਾਂ ਦੀ ਪਾਲਣਾ ਨਹੀਂ ਕੀਤਾ ਜਾਵੇਗਾ ਅਤੇ ਇਹ ਇਕ ਹੋਰ ਸੰਵਿਧਾਨਕ ਸੰਸਥਾ ਨੂੰ ਬਰਬਾਦ ਕਰਨ ਦੀ ਸਾਜ਼ਸ਼ ਹੈ।
Veerappa Moily
ਸਾਬਕਾ ਕੇਂਦਰੀ ਮੰਤਰੀ ਐਮ ਵੀਰੱਪਾ ਮੋਇਲਾ ਨੇ ਕਿਹਾ ਕਿ ਮੰਤਰਾਲਿਆਂ, ਵਿਭਾਗਾਂ ਵਿਚ 'ਲੈਟਰਲ ਐਂਟਰੀ' ਸੰਸਥਾਵਾਂ ਦੇ ਭਗਵਾਂਕਰਨ ਦਾ ਯਤਨ ਹੈ। ਉਨ੍ਹਾਂ ਕਿਹਾ ਕਿ ਪ੍ਰਸ਼ਾਸਨਿਕ ਸੁਧਾਰ ਆਯੋਗ ਨੇ ਸਿਫ਼ਾਰਸ਼ ਕੀਤੀ ਸੀ ਕਿ ਜਿਸ ਨੂੰ ਪਾਰਦਰਸ਼ੀ ਅਤੇ ਉਦੇਸ਼ਪੂਰਨ ਤਰੀਕੇ ਨਾਲ ਕੀਤਾ ਜਾਣਾ ਸੀ। ਇਸ ਦੇ ਮੂਲ ਵਿਚ ਭਾਵਨਾ ਇਹ ਹੋਣੀ ਚਾਹੀਦੀ ਸੀ ਕਿ ਇਸ ਦਾ ਰਾਜਨੀਤੀਕਰਨ ਨਾ ਹੋਵੇ ਪਰ ਲੋਕ ਸਭਾ ਚੋਣਾਂ ਦੇ ਇਕ ਸਾਲ ਤੋਂ ਵੀ ਘੱਟ ਸਮਾਂ ਬਾਕੀ ਰੱਖਣ ਵਿਚਕਾਰ ਜਿਸ ਅਸਥਾਈ ਅਤੇ ਕਾਹਲੀ ਵਿਚ ਕੀਤਾ ਗਿਆ ਹੈ, ਉਸ ਨਾਲ ਸਰਕਾਰ ਦੇ ਇਰਾਦੇ 'ਤੇ ਸਵਾਲ ਖੜੇ ਹੁੰਦੇ ਹਨ। (ਏਜੰਸੀ)
