Rahul Gandhi and PM Modi
ਕੋਰੋਨਾ ਸੰਕਟ ’ਤੇ ਰਾਹੁਲ ਗਾਂਧੀ ਦਾ ਟਵੀਟ
ਨਵੀਂ ਦਿੱਲੀ: ਸਾਬਕਾ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਕੋਰੋਨਾ ਵਾਇਰਸ ਨੂੰ ਲੈ ਕੇ ਲਗਾਤਾਰ ਕੇਂਦਰ ਸਰਕਾਰ ’ਤੇ ਹਮਲਾ ਬੋਲ ਰਹੇ ਹਨ। ਤਾਜ਼ਾ ਬਿਆਨ ਵਿਚ ਰਾਹੁਲ ਗਾਂਧੀ ਨੇ ਕਿਹਾ ਕਿ ਦੇਸ਼ ਦੇ ਭਵਿੱਖ ਲਈ ਮੌਜੂਦਾ ਮੋਦੀ ‘ਸਿਸਟਮ’ ਨੂੰ ਨੀਂਦ ਤੋਂ ਜਗਾਉਣਾ ਜ਼ਰੂਰੀ ਹੈ।
Rahul Gandhi
ਰਾਹੁਲ ਗਾਂਧੀ ਨੇ ਟਵੀਟ ਕੀਤਾ, ‘ਆਉਣ ਵਾਲੇ ਸਮੇਂ ਵਿਚ ਬੱਚਿਆਂ ਨੂੰ ਕੋਰੋਨਾ ਤੋਂ ਸੁਰੱਖਿਅਤ ਕਰਨਾ ਹੋਵੇਗਾ। ਬਾਲ ਸੇਵਾਵਾਂ ਅਤੇ ਵੈਕਸੀਨ-ਇਲਾਜ ਦੇ ਪ੍ਰੋਟੋਕੋਲ ਹੁਣ ਤੋਂ ਤਿਆਰ ਹੋਣੇ ਚਾਹੀਦੇ। ਦੇਸ਼ ਦੇ ਭਵਿੱਖ ਲਈ ਮੌਜੂਦਾ ਮੋਦੀ 'ਸਿਸਟਮ' ਨੂੰ ਨੀਂਦ ਤੋਂ ਜਗਾਉਣਾ ਜ਼ਰੂਰੀ ਹੈ’।
Rahul gandhi and PM Modi
ਇਸ ਤੋਂ ਪਹਿਲਾਂ ਰਾਹੁਲ ਗਾਂਧੀ ਨੇ ਕੇਂਦਰ ਸਰਕਾਰ ’ਤੇ ਕੋਰੋਨਾ ਸੰਕਟ ਨਾਲ ਨਜਿੱਠਣ ਅਤੇ ਜਨਤਾ ਨਾਲ ਖੜ੍ਹੇ ਹੋਣ ਵਿਚ ਅਸਫ਼ਲ ਰਹਿਣ ਦਾ ਦੋਸ਼ ਲਗਾਇਆ ਸੀ। ਉਹਨਾਂ ਕਿਹਾ ਮੌਜੂਦਾ ਸਮੇਂ ਵਿਚ ਬਹੁਤ ਸਾਰੇ ਲੋਕ ਨਿੱਜੀ ਪੱਧਰ ’ਤੇ ਅਪਣੀ ਸੇਵਾ ਜ਼ਰੀਏ ਦੁਨੀਆਂ ਨੂੰ ਦਿਖਾ ਰਹੇ ਕਿ ਭਾਰਤ ਦੇ ਕੀ ਮਾਇਨੇ ਹਨ।
