ਪੰਚਕੁਲਾ ਤੇ ਮੋਹਾਲੀ ਪ੍ਰਸ਼ਾਸਨ ਨੂੰ ਅਲਰਟ ਜਾਰੀ
ਚੰਡੀਗੜ੍ਹ : ਮਾਨਸੂਨ ਦੀ ਬਾਰਸ਼ ਦੌਰਾਨ ਚੰਡੀਗੜ੍ਹ ਦੀ ਸੁਖਨਾ ਝੀਲ 'ਚ ਪਾਣੀ ਦਾ ਪੱਧਰ ਲਗਾਤਾਰ ਵੱਧ ਰਿਹਾ ਹੈ। ਇਹ ਖਤਰੇ ਦੇ ਨਿਸ਼ਾਨ 'ਤੇ ਪਹੁੰਚ ਗਿਆ ਹੈ। ਜਿਸ ਕਾਰਨ ਬੀਤੀ ਰਾਤ ਕਰੀਬ 1.20 ਵਜੇ ਇਸ ਦਾ ਇੱਕ ਫਲੱਡ ਗੇਟ ਖੋਲ੍ਹਣਾ ਪਿਆ। ਹਾਲਾਂਕਿ ਸਥਿਤੀ ਖ਼ਤਰਨਾਕ ਪੱਧਰ 'ਤੇ ਨਹੀਂ ਪਹੁੰਚੀ, ਇਸ ਲਈ ਗੇਟ ਨੂੰ ਸਿਰਫ਼ 8 ਇੰਚ ਹੀ ਖੋਲ੍ਹਿਆ ਗਿਆ। ਦੱਸ ਦੇਈਏ ਕਿ ਸੁਖਨਾ ਝੀਲ ਵਿੱਚ ਕੁੱਲ 3 ਫਲੱਡ ਗੇਟ ਹਨ ਅਤੇ ਪਾਣੀ ਦਾ ਪੱਧਰ ਖ਼ਤਰੇ ਦੇ ਨਿਸ਼ਾਨ 'ਤੇ ਪਹੁੰਚਣ 'ਤੇ ਹੀ ਇਨ੍ਹਾਂ ਵਿਚੋਂ ਲੋੜ ਅਨੁਸਾਰ ਫਲੱਡ ਗੇਟ ਖੋਲ੍ਹੇ ਜਾਂਦੇ ਹਨ।
photo
ਅਗਸਤ 2020 ਵਿੱਚ ਜਦੋਂ ਫਲੱਡ ਗੇਟ ਖੋਲ੍ਹੇ ਗਏ ਸਨ ਤਾਂ ਪਾਣੀ ਦੇ ਤੇਜ਼ ਵਹਾਅ ਕਾਰਨ ਬਲਟਾਣਾ ਦੀ ਪੁਲਿਆ ਚੌਕੀ ਸਮੇਤ ਕਈ ਇਲਾਕਿਆਂ ਵਿੱਚ ਪਾਣੀ ਭਰ ਗਿਆ ਸੀ। ਇੱਥੋਂ ਤੱਕ ਕਿ ਲੋਕਾਂ ਦੇ ਵਾਹਨ ਵੀ ਪਾਣੀ ਵਿੱਚ ਡੁੱਬ ਗਏ। ਪੁਲਿਸ ਚੌਕੀ ਦਾ ਰਿਕਾਰਡ ਵੀ ਬੁਰੀ ਤਰ੍ਹਾਂ ਨੁਕਸਾਨਿਆ ਗਿਆ। ਅਜਿਹੇ 'ਚ ਫਲੱਡ ਗੇਟ ਖੁੱਲ੍ਹਣ ਨਾਲ ਬਾਪੂਧਾਮ ਕਾਲੋਨੀ, ਕਿਸ਼ਨਗੜ੍ਹ ਅਤੇ ਬਲਟਾਣਾ ਵਰਗੇ ਇਲਾਕੇ ਪ੍ਰਭਾਵਿਤ ਹੋਣ ਦਾ ਖ਼ਤਰਾ ਬਣਿਆ ਹੋਇਆ ਹੈ।
photo
ਦੱਸ ਦੇਈਏ ਕਿ ਜਦੋਂ ਸੁਖਨਾ ਝੀਲ ਦਾ ਪਾਣੀ ਦਾ ਪੱਧਰ 1162 ਫੁੱਟ ਤੱਕ ਪਹੁੰਚ ਜਾਂਦਾ ਹੈ ਤਾਂ ਇਸ ਨੂੰ ਖ਼ਤਰੇ ਦੇ ਨਿਸ਼ਾਨ ਤੋਂ ਉੱਪਰ ਮੰਨਿਆ ਜਾਂਦਾ ਹੈ। ਦੂਜੇ ਪਾਸੇ ਸੁਖਨਾ ਝੀਲ ਦੇ ਪਾਣੀ ਦਾ ਪੱਧਰ 1163 ਫੁੱਟ ਤੱਕ ਪਹੁੰਚਣ 'ਤੇ ਫਲੱਡ ਗੇਟ ਖੋਲ੍ਹ ਦਿੱਤੇ ਜਾਂਦੇ ਹਨ। ਇਸ ਦੇ ਨਾਲ ਹੀ ਚੰਡੀਗੜ੍ਹ ਪ੍ਰਸ਼ਾਸਨ ਦੇ ਇੰਜੀਨੀਅਰਿੰਗ ਵਿਭਾਗ ਵਲੋਂ ਲਗਾਤਾਰ ਝੀਲ ਦੀ ਨਿਗਰਾਨੀ ਕੀਤੀ ਜਾ ਰਹੀ ਹੈ।
photo
ਸੁਖਨਾ ਦੇ ਪਾਣੀ ਦੇ ਪੱਧਰ ਨੂੰ ਦੇਖਦੇ ਹੋਏ ਪੰਚਕੂਲਾ ਅਤੇ ਮੋਹਾਲੀ ਪ੍ਰਸ਼ਾਸਨ ਨੂੰ ਅਲਰਟ ਜਾਰੀ ਕਰ ਦਿੱਤਾ ਗਿਆ ਹੈ। ਸੁਖਨਾ ਚੌਕ ਤੋਂ ਝੀਲ ਦਾ ਪਾਣੀ ਘੱਗਰ ਨੂੰ ਜਾਂਦਾ ਹੈ। ਬਲਟਾਣਾ ਵੀ ਵਿਚਕਾਰ ਆਉਂਦਾ ਹੈ। ਅਜਿਹੇ 'ਚ ਮਾਨਸੂਨ 'ਚ ਬਲਟਾਣਾ ਦੀ ਸਥਿਤੀ ਸੰਵੇਦਨਸ਼ੀਲ ਬਣ ਜਾਂਦੀ ਹੈ। ਅਗਸਤ, 2020 ਵਿੱਚ ਬਲਟਾਣਾ ਵਿੱਚ ਭਾਰੀ ਪਾਣੀ ਭਰਨ ਵੇਲੇ ਦੋ ਗੇਟ ਖੋਲ੍ਹੇ ਗਏ ਸਨ।
photo
ਅਗਸਤ ਦੇ 23 ਦਿਨਾਂ ਵਿੱਚ 339 ਮਿਲੀਮੀਟਰ ਮੀਂਹ ਪਿਆ ਸੀ, ਜੋ ਪਿਛਲੇ 16 ਸਾਲਾਂ ਵਿੱਚ ਸਭ ਤੋਂ ਵੱਧ ਸੀ। ਦੱਸ ਦੇਈਏ ਕਿ ਪਿਛਲੇ ਸਾਲ ਸੁਖਨਾ ਦੇ ਫਲੱਡ ਗੇਟ 4 ਵਾਰ ਖੋਲ੍ਹਣੇ ਪਏ ਸਨ। ਸੁਖਨਾ ਝੀਲ ਦੇ ਤਿੰਨ ਫਲੱਡ ਗੇਟ ਹਨ। ਇਸ ਦੇ ਗੇਟ ਪਾਣੀ ਦੇ ਪੱਧਰ ਆਦਿ ਨੂੰ ਦੇਖਦੇ ਹੋਏ ਖੋਲ੍ਹੇ ਗਏ ਹਨ।
