ਏਡੀਜੀ ਵਿਨੋਦ ਕੁਮਾਰ ਸਿੰਘ ਨੇ ਮੁੱਛ ਭੱਤੇ ਨੂੰ ਵਧਾ ਕੇ 250 ਰੁਪਏ ਪ੍ਰਤੀ ਮਹੀਨਾ ਕਰਨ ਦਾ ਫ਼ੈਸਲਾ ਕਰ ਲਿਆ।
ਲਖਨਊ : ਪੀਏਸੀ ਵਿਚ ਵੱਡੀਆਂ ਮੁੱਛਾਂ ਰੱਖਣ ਵਾਲੇ ਜਵਾਨਾਂ ਲਈ ਚੰਗੀ ਖ਼ਬਰ ਹੈ। ਹੁਣ ਉਹਨਾਂ ਦਾ ਮੁੱਛ ਭੱਤਾ ਪੰਜ ਗੁਣਾ ਵਧਾ ਕੇ 250 ਰੁਪਏ ਪ੍ਰਤਿ ਮਹੀਨਾ ਕਰ ਦਿਤਾ ਗਿਆ ਹੈ। ਇਹ ਵਾਧਾ ਪੀਏਸੀ ਮੁਖੀ ਏਡੀਜੀ ਦੀ ਪਹਿਲ 'ਤੇ ਹੋਇਆ ਹੈ। 11 ਜਨਵਰੀ ਨੂੰ ਪੀਏਸੀ ਦੇ ਏਡੀਜੀ ਦਾ ਅਹੁਦਾ ਸੰਭਾਲਣ ਤੋਂ ਬਾਅਦ ਵਿਨੋਦ ਕੁਮਾਰ ਸਿੰਘ ਕੁੰਭ ਦੇ ਦੌਰੇ 'ਤੇ ਗਏ। ਇਸ ਦੌਰਾਨ ਪੀਏਸੀ ਦੇ ਕਮਾਂਡਰ ਅਤੇ ਜਵਾਨਾਂ ਨਾਲ ਗੱਲਬਾਤ ਦੌਰਾਨ ਓਹਨਾ ਨੂੰ ਪੰਜ ਅਜਿਹੇ ਜਵਾਨ ਮਿਲੇ ਜਿਹਨਾਂ ਨੇ ਲੰਮੀਆਂ ਮੁੱਛਾਂ ਰੱਖੀਆਂ ਹੋਈਆਂ ਸਨ।
PAC jawans with big mustache
ਏਡੀਜੀ ਨੇ ਇਹਨਾਂ ਜਵਾਨਾਂ ਨੂੰ ਓਹਨਾ ਦੀਆਂ ਸ਼ਾਨਦਾਰ ਮੁੱਛਾਂ ਦਾ ਰਾਜ਼ ਪੁੱਛਿਆ ਅਤੇ ਇਹ ਵੀ ਸਵਾਲ ਕੀਤਾ ਕਿ ਉਹ ਇਹਨਾਂ ਦੀ ਦੇਖਭਾਲ ਕਿਵੇਂ ਕਰਦੇ ਹਨ। ਇਸ ਦੇ ਨਾਲ ਹੀ ਉਹਨਾਂ ਨੇ ਪੁੱਛਿਆ ਕਿ ਇਹਨਾਂ ਦੀ ਦੇਖਭਾਲ 'ਤੇ ਕਿੰਨਾ ਖਰਚ ਆਉਂਦਾ ਹੈ। ਇਸ 'ਤੇ ਇਕ ਜਵਾਨ ਨੇ ਕਿਹਾ ਕਿ ਕਈ ਸਾਲਾਂ ਤੋਂ ਮੁੱਛਾਂ ਦੇ ਲਈ ਸਰਕਾਰੀ ਭੱਤਾ ਸਿਰਫ 50 ਰੁਪਏ ਪ੍ਰਤੀ ਮਹੀਨਾ ਹੀ ਮਿਲ ਰਿਹਾ ਹੈ। ਇਸ ਤੋਂ ਬਾਅਦ ਏਡੀਜੀ ਨੇ ਇਸ ਨੂੰ ਵਧਾ ਕੇ 250 ਰੁਪਏ ਪ੍ਰਤੀ ਮਹੀਨਾ ਕਰਨ ਦਾ ਫ਼ੈਸਲਾ ਕਰ ਲਿਆ।
Big Moustache
ਯੂਪੀ ਪੁਲਿਸ ਵਿਚ 1982 ਵਿਚ ਲਖਨਊ ਦੇ ਉਸ ਵੇਲ੍ਹੇ ਦੇ ਮੋਜੂਦਾ ਐਸਐਸਪੀ ਬੀਐਸ ਬੇਦੀ ਨੇ ਸੱਭ ਤੋਂ ਪਹਿਲਾਂ ਨਿਜੀ ਫੰਡ ਤੋਂ 20 ਰੁਪਏ ਮੁੱਛ ਭੱਤਾ ਦਿਤਾ ਸੀ। ਇਹ ਭੱਤਾ ਕੁਝ ਸਾਲ ਰਿਹਾ, ਪਰ ਬਾਅਦ ਵਿਚ ਮਿਲਣਾ ਬੰਦ ਹੋ ਗਿਆ। ਹੁਣ ਇਹ ਵਾਧਾ ਪੀਏਸੀ ਦੇ ਏਡੀਜੀ ਵਿਨੇਦ ਕੁਮਾਰ ਸਿੰਘ ਦੀ ਪਹਿਲ 'ਤੇ ਹੋਇਆ। ਕੁੰਭ ਦੌਰਾਨ ਏਡੀਜੀ ਨੇ ਮੁੱਛਾਂ ਰੱਖਣ ਵਾਲੇ ਜਵਾਨਾਂ ਨਾਲ ਗੱਲਬਾਤ ਕੀਤੀ 'ਤੇ ਮੁੱਛ ਭੱਤੇ ਵਿਚ ਵਾਧੇ ਦਾ ਫ਼ੈਸਲਾ ਲਿਆ।
