ਮਹਿਲਾ ਯੋਗਿਤਾ ਸਾਤਵ ਹੋਰ ਔਰਤਾਂ ਅਤੇ ਬੱਚਿਆਂ ਨਾਲ ਪੁਣੇ ਕੋਲ ਸ਼ਿਰੂਰ ’ਚ ਇਕ ਸੈਲਾਨੀ ਇਲਾਕੇ ’ਤੇ ਪਿਕਨਿਕ ਮਨਾਉਣ ਦੇ ਬਾਅਦ ਪਰਤ ਰਹੇ ਸਨ
ਪੁਣੇ : ਮਹਾਰਾਸ਼ਟਰ ਦੇ ਪੁਣੇ ਜ਼ਿਲ੍ਹੇ ’ਚ ਮਹਿਲਾਵਾਂ ਅਤੇ ਬੱਚਿਆਂ ਨੂੰ ਲੈ ਜਾ ਰਹੀ ਇਕ ਮਿਨੀ ਬੱਸ ਦੇ ਡਰਾਈਵਰ ਨੂੰ ਅਚਾਨਕ ਦੌਰਾ ਪੈ ਗਿਆ ਜਿਸ ਦੇ ਬਾਅਦ ਬੱਸ ’ਚ ਸਵਾਰ 42 ਸਾਲਾ ਇਕ ਮਹਿਲਾ ਨੇ 10 ਕਿਲੋਮੀਟਰ ਤਕ ਬੱਸ ਚਲਾ ਕੇ ਡਰਾਈਵਰ ਨੂੰ ਇਕ ਹਸਪਤਾਲ ’ਚ ਦਾਖ਼ਲ ਕਰਵਾਇਆ। ਮਹਿਲਾ ਯੋਗਿਤਾ ਸਾਤਵ ਹੋਰ ਔਰਤਾਂ ਅਤੇ ਬੱਚਿਆਂ ਨਾਲ ਪੁਣੇ ਕੋਲ ਸ਼ਿਰੂਰ ’ਚ ਇਕ ਸੈਲਾਨੀ ਇਲਾਕੇ ’ਤੇ ਪਿਕਨਿਕ ਮਨਾਉਣ ਦੇ ਬਾਅਦ ਪਰਤ ਰਹੇ ਸਨ। ਉਸੇ ਸਮੇਂ ਬੱਸ ਚਾਲਕ ਨੂੰ ਦੌਰਾ ਪੈਣ ਲਗਾ ਅਤੇ ਉਸ ਨੇ ਇਕ ਸੁਨਸਾਨ ਸੜਕ ’ਤੇ ਗੱਡੀ ਰੋਕ ਦਿਤੀ। ਬੱਸ ’ਚ ਮੌਜੂਦ ਬੱਚਿਆਂ ਅਤੇ ਮਹਿਲਾਵਾਂ ਨੂੰ ਘਬਰਾਇਆ ਹੋਇਆ ਦੇਖ ਕੇ
ਸਾਤਵ ਨੇ ਬੱਸ ਦਾ ਸਟੇਰਿੰਗ ਅਪਣੇ ਹੱਥਾਂ ਵਿਚ ਲੈ ਲਿਆ ਅਤੇ ਕਰੀਬ 10 ਕਿਲੋਮੀਟਰ ਤਕ ਬੱਸ ਚਲਾ ਕੇ ਡਰਾਈਵਰ ਨੂੰ ਇਕ ਹਸਪਤਾਲ ਵਿਚ ਦਾਖ਼ਲ ਕਰਾਇਆ।
ਮਹਿਲਾ ਸਾਤਵ ਨੇ ਕਿਹਾ, ‘‘ਕਿਉਂਕਿ ਮੈਨੂੰ ਕਾਰ ਚਲਾਉਣੀ ਆਉਂਦੀ ਹੈ, ਮੈਂ ਬੱਸ ਚਲਾਉਣ ਦਾ ਫ਼ੈਸਲਾ ਕੀਤਾ। ਪਹਿਲਾ ਜ਼ਰੂਰੀ ਕੰਮ ਬੱਸ ਡਰਾਈਵਰ ਨੂੰ ਇਲਾਜ ਮੁਹਈਆ ਕਰਾਉਣ ਦਾ ਸੀ ਇਸ ਲਈ ਮੈਂ ਉਸ ਨੂੰ ਲੈ ਕੇ ਹਸਪਤਾਲ ਗਈ ਜਿਥੇ ਉਸ ਨੂੰ ਦਾਖ਼ਲ ਕਰਾਇਆ ਗਿਆ।’’ ਇਸ ਦੇ ਬਾਅਦ ਉਸ ਨੇ ਬੱਸ ਦੇ ਹੋਰ ਯਾਤਰੀਆਂ ਨੂੰ ਵੀ ਉਨ੍ਹਾਂ ਦੇ ਘਰ ਛੱਡਿਆ।
