ਉਨਾਵ ਸਮੂਹਕ ਬਲਾਤਕਾਰ ਕੇਸ ਵਿਚ ਮੁਲਜ਼ਮ ਵਿਧਾਇਕ ਕੁਲਦੀਪ ਸੈਂਗਰ ਵਿਰੁਧ ਐਫਆਈਆਰ ਦਰਜ ਕਰ ਲਈ ਗਈ ਹੈ। ਵਿਧਾਇਕ ਵਿਰੁਧ ...
ਨਵੀਂ ਦਿੱਲੀ : ਉਨਾਵ ਸਮੂਹਕ ਬਲਾਤਕਾਰ ਕੇਸ ਵਿਚ ਮੁਲਜ਼ਮ ਵਿਧਾਇਕ ਕੁਲਦੀਪ ਸੈਂਗਰ ਵਿਰੁਧ ਐਫਆਈਆਰ ਦਰਜ ਕਰ ਲਈ ਗਈ ਹੈ। ਵਿਧਾਇਕ ਵਿਰੁਧ ਆਈਪੀਸੀ ਦੀ ਧਾਰਾ 363 (ਅਗਵਾ), 366 (ਅਗਵਾ ਕਰ ਕੇ ਵਿਆਹ ਲਈ ਦਬਾਅ ਪਾਉਣਾ), 376 (ਜ਼ਬਰ ਜਨਾਹ), 506 (ਧਮਕਾਉਣਾ) ਅਤੇ ਪੋਸਕੋ ਐਕਟ ਤਹਿਤ ਮਾਮਲਾ ਦਰਜ ਕੀਤਾ ਹੈ। ਐਸਆਈਟੀ ਦੀ ਸ਼ੁਰੂਆਤੀ ਰਿਪੋਰਟ ਤੋਂ ਬਾਅਦ ਕੁਲਦੀਪ ਸਿੰਘ ਸੈਂਗਰ ਵਿਰੁਧ ਐਫਆਈਆਰ ਦਾ ਫ਼ੈਸਲਾ ਲਿਆ ਗਿਆ ਹੈ।
unnao rape case fir ragister against bjp mla kuldeep sanger
ਇਸ ਤੋਂ ਇਲਾਵਾ ਉਨਾਵ ਜ਼ਿਲ੍ਹਾ ਹਸਪਤਾਲ ਦੇ ਸੀਐਮਐਸ ਅਤੇ ਈਐਮਓ ਭਾਵ ਐਮਰਜੈਂਸੀ ਮੈਡੀਕਲ ਅਫ਼ਸਰ ਨੂੰ ਵੀ ਸਸਪੈਂਡ ਕਰ ਦਿਤਾ ਗਿਆ ਹੈ। ਠੀਕ ਤਰ੍ਹਾਂ ਇਲਾਜ ਨਾ ਕਰਨ ਦੇ ਦੋਸ਼ ਵਿਚ ਤਿੰਨ ਡਾਕਟਰਾਂ ਵਿਰੁਧ ਅਨੁਸ਼ਾਸਨਾਤਮਕ ਕਾਰਵਾਈ ਸ਼ੁਰੂ ਕੀਤੀ ਜਾਵੇਗੀ। ਇਸ ਮਾਮਲੇ ਵਿਚ ਚੀਫ਼ ਮੈਡੀਕਲ ਸਰਜਨ ਡਾ. ਡੀ.ਕੇ. ਦਿਵੇਦੀ ਅਤੇ ਸਫ਼ੀਪੁਰ ਦੇ ਸੀਓ ਕੁੰਵਰ ਬਹਾਦੁਰ ਨੂੰ ਸਸਪੈਂਡ ਕਰ ਦਿਤਾ ਗਿਆ ਹੈ।
unnao rape case fir ragister against bjp mla kuldeep sanger
ਬੁੱਧਵਾਰ ਰਾਤ ਭਾਜਪਾ ਵਿਧਾਇਕ ਕੁਲਦੀਪ ਸੈਂਗਰ ਲਖਨਊ ਵਿਚ ਐਸਐਸਪੀ ਦਫ਼ਤਰ ਅਪਣੇ ਕਈ ਸਮਰਥਕਾਂ ਦੇ ਨਾਲ ਗੱਡੀਆਂ ਦੇ ਪੂਰੇ ਲਾਮ ਲਸ਼ਕਰ ਦੇ ਨਾਲ ਪਹੁੰਚੇ ਸਨ। ਉਨ੍ਹਾਂ ਦੇ ਸਮਰਥਕਾਂ ਦਾ ਕਹਿਣਾ ਸੀ ਕਿ ਉਹ ਸਰੰਡਰ ਕਰਨ ਪਹੁੰਚਣਗੇ, ਪਰ ਵਿਧਾਇਕ ਕੁਲਦੀਪ ਸੈਂਗਰ ਨੇ ਕਿਹਾ ਕਿ ਮੀਡੀਆ ਜਿੱਥੇ ਆਖੇਗਾ, ਉਥੇ ਆਵਾਂਗਾ। ਉਸ ਤੋਂ ਬਾਅਦ ਉਹ ਸਮਰਥਕਾਂ ਦੇ ਨਾਲ ਵਾਪਸ ਚਲੇ ਗਏ।
unnao rape case fir ragister against bjp mla kuldeep sanger
ਵਿਧਾਇਕ ਕਰੀਬ 40 ਗੱਡੀਆਂ ਦੇ ਨਾਲ ਆਏ ਸਨ ਅਤੇ ਸਾਫ਼ ਹੈ ਕਿ ਉਨ੍ਹਾਂ ਨੇ ਐਸਐਸਪੀ ਦਫ਼ਤਰ ਦੇ ਬਾਹਰ ਸ਼ਕਤੀ ਪ੍ਰਦਰਸ਼ਨ ਕੀਤਾ। ਉਨਾਵ ਮਾਮਲੇ 'ਤੇ ਇਲਾਹਾਬਾਦ ਹਾਈਕੋਰਟ ਨੇ ਖ਼ੁਦ ਗੰਭੀਰਤਾ ਦਿਖਾਈ ਹੈ ਅਤੇ ਅੱਜ ਹਾਈਕੋਰਟ ਇਸ ਮਾਮਲੇ ਦੀ ਸੁਣਵਾਈ ਕਰੇਗਾ। ਹਾਈਕੋਰਟ ਨੇ ਇਸ ਮਾਮਲੇ ਵਿਚ ਐਮਿਕਸ ਕਿਊਰੀ ਵੀ ਨਿਯੁਕਤੀ ਕੀਤਾ ਹੈ। ਉਥੇ ਹੀ ਸੁਪਰੀਮ ਕੋਰਟ ਇਸ ਮਾਮਲੇ 'ਤੇ ਅਗਲੇ ਹਫ਼ਤੇ ਸੁਣਵਾਈ ਕਰੇਗਾ।
unnao rape case fir ragister against bjp mla kuldeep sanger
ਉਧਰ ਮੁਲਜ਼ਮ ਵਿਧਾਇਕ ਦੀ ਪਤਨੀ ਨੇ ਕਿਹਾ ਹੈ ਕਿ ਲੜਕੀ ਝੂਠ ਬੋਲ ਰਹੀ ਹੈ। ਕੋਈ ਜ਼ਬਰਜਨਾਹ ਨਹੀਂ ਹੋਇਆ ਹੈ। ਮੇਰੇ ਪਤੀ ਨਿਰਦੋਸ਼ ਹਨ। ਦੋਵਾਂ ਦਾ ਨਾਰਕੋ ਟੈਸਟ ਕਰਵਾਇਆ ਜਾਵੇ, ਜਿਸ ਨਾਲ ਸੱਚ ਸਾਹਮਣੇ ਆ ਜਾਵੇਗਾ। ਉਥੇ ਹੀ ਬਰੇਲੀ ਦੇ ਬੈਰੀਆ ਤੋਂ ਭਾਜਪਾ ਵਿਧਾਇਕ ਸੁਰਿੰਦਰ ਸਿੰਘ ਨੇ ਇਸ ਮਾਮਲੇ 'ਤੇ ਬੇਹੱਦ ਸ਼ਰਮਨਾਕ ਬਿਆਨ ਦਿੰਦਿਆਂ ਆਖਿਆ ਹੈ ਕਿ ਤਿੰਨ ਬੱਚਿਆਂ ਦੀ ਮਾਂ ਦਾ ਕੋਈ ਬਲਾਤਕਾਰ ਨਹੀਂ ਕਰ ਸਕਦਾ। ਇਹ ਵਿਧਾਇਕ ਕੁਲਦੀਪ ਸੈਂਗਰ ਵਿਰੁਧ ਸਾਜਿਸ਼ ਹੈ।
