ਲੋਕਾਂ ਨੂੰ ਕਾਫ਼ੀ ਪਸੰਦ ਆਇਆ ਅਦਾ ਸ਼ਰਮਾ ਦਾ ਇਹ ਅੰਦਾਜ਼
ਨਵੀਂ ਦਿੱਲੀ- ਹਾਰਰ ਫਿਲਮ '1920' ਤੋਂ ਬਾਲੀਵੁੱਡ ਵਿਚ ਐਂਟਰੀ ਕਰਨ ਵਾਲੀ ਅਦਾ ਸ਼ਰਮਾ ਦਾ ਇਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋ ਰਿਹਾ ਹੈ ਦਰਅਸਲ ਸ਼ਰਮਾ ਇਸ ਵੀਡੀਓ ਵਿਚ ਦੌੜ ਲਗਾਉਂਦੀ ਨਜ਼ਰ ਆ ਰਹੀ ਹੈ। ਤੁਸੀਂ ਸੋਚਦੇ ਹੋਵੋਗੇ ਕਿ ਦੌੜ ਲਗਾਉਣਾ ਤਾਂ ਆਮ ਗੱਲ ਹੈ ਇਸ ਵਿਚ ਖ਼ਾਸ ਕੀ ਹੈ। ਦੱਸ ਦਈਏ ਕਿ ਦਰਅਸਲ ਇਸ ਵੀਡੀਓ ਵਿਚ ਅਦਾ ਸ਼ਰਮਾ ਇਕ ਕੱਛੂ ਨਾਲ ਰੇਸ ਲਗਾਉਂਦੀ ਨਜ਼ਰ ਆ ਰਹੀ ਹੈ।
Adha Sharma
ਵੀਡੀਓ ਵਿਚ ਅਦਾ ਸ਼ਰਮਾ ਦਾ ਇਹ ਅੰਦਾਜ਼ ਲੋਕਾਂ ਨੂੰ ਕਾਫ਼ੀ ਪਸੰਦ ਆ ਰਿਹਾ ਹੈ। ਇਸ ਵੀਡੀਓ ਵਿਚ ਇਕ ਖ਼ਾਸ ਗੱਲ ਇਹ ਵੀ ਹੈ ਕਿ ਅਦਾ ਸ਼ਰਮਾ ਜਿਸ ਕੱਛੂਕੁੰਮੇ ਨਾਲ ਦੌੜ ਲਗਾ ਰਹੀ ਹੈ। ਉਸ ਦੀ ਉਮਰ 200 ਸਾਲ ਦੱਸੀ ਜਾ ਰਹੀ ਹ। ਵੀਡੀਓ ਪੋਸਟ ਕਰਦੇ ਹੋਏ ਅਦਾ ਸ਼ਰਮਾ ਨੇ ਲਿਖਿਆ ''ਤੁਸੀਂ ਕੀ ਸੋਚਦੇ ਹੋ ਕਿ ਕੌਣ ਜਿੱਤੇਗਾ? ਇਹ ਰੇਸ ਮੇਰੇ ਇੱਥੋਂ ਦੇ ਵਾਈ ਫਾਈ ਕਨੈਕਸ਼ਨ ਦੀ ਸਪੀਡ ਤੋਂ ਵੀ ਤੇਜ਼ ਹੈ।''
ਅਦਾ ਸ਼ਰਮਾ ਨੇ ਅੱਗੇ ਲਿਖਿਆ ''ਲੋਕ ਮੈਨੂੰ ਦੱਸ ਰਹੇ ਨੇ ਕਿ ਇਸ ਕੱਛੂਕੁੰਮੇ ਦੀ ਉਮਰ ਕਰੀਬ 200 ਸਾਲ ਹੈ। ਕੀ ਤੁਸੀਂ ਕਦੇ ਕਲਪਨਾ ਵੀ ਕਰ ਸਕਦੇ ਹੋ 200 ਸਾਲ ਜਿਉਣ ਦੀ?? ਕੀ ਤੁਸੀਂ 200 ਸਾਲ ਜਿਉਣਾ ਚਾਹੋਗੇ??'' ਦੱਸ ਦਈਏ ਕਿ ਅਦਾ ਸ਼ਰਮਾ ਨੇ ਪੜ੍ਹਾਈ ਖ਼ਤਮ ਕਰਨ ਤੋਂ ਬਾਅਦ ਸਾਲ 2008 ਵਿਚ ਹਾਰਰ ਫਿਲਮ '1920' ਤੋਂ ਬਾਲੀਵੁੱਡ ਵਿਚ ਡੈਬਿਊ ਕੀਤਾ ਸੀ। ਇਸ ਫਿਲਮ ਦੀ ਸਫ਼ਲਤਾ ਮਗਰੋਂ ਉਸ ਨੇ ਕਈ ਫਿਲਮਾਂ ਵਿਚ ਅਪਣਾ ਕਿਰਦਾਰ ਨਿਭਾਇਆ। ਫਿਲਮ 'ਹਸੀ ਤੋ ਫਸੀ' ਤੋਂ ਇਲਾਵਾ ਅਦਾ ਸ਼ਰਮਾ ਫਿਲਮ ਕਮਾਂਡੋ ਵਿਚ ਵੀ ਮੁੱਖ ਭੂਮਿਕਾ ਵਿਚ ਨਜ਼ਰ ਆ ਚੁੱਕੀ ਹੈ।
