ਪਹਿਲਾਂ ਭਾਰਤ ਨੂੰ ਪਹਿਲ ਦੇਣ ਦੀ ਕੀਤੀ ਅਪੀਲ
ਨਵੀਂ ਦਿੱਲੀ - ਅੱਜ ਯਾਨੀ 11 ਅ੍ਰਪੈਲ ਤੋਂ ਟੀਕਾ ਉਸਤਵ ਸ਼ੁਰੂ ਕੀਤਾ ਜਾ ਰਿਹਾ ਹੈ ਤੇ ਇਹ ਉਸਤਵ 14 ਅ੍ਰਪੈਲ ਤੱਕ ਚੱਲੇਗਾ। ਉੱਤੇ ਹੀ ਭਾਰਤ ਵਿਚ ਕੋਰੋਨਾ ਵੈਕਸੀਨ ਦੀ ਕਮੀ ਹੈ ਅਤੇ ਸਿਰਫ਼ 4-5 ਦਿਨਾਂ ਦਾ ਹੀ ਸਟਾਕ ਬਚਿਆ ਹੈ। ਇਸ ਨੂੰ ਲੈ ਕੇ ਪੰਜਾਬ ਦੇ ਮੁੱਖ ਮੰਤਰੀ ਨੇ ਵੀ ਚਿੰਤਾ ਜਤਾਈ ਸੀ। ਇਸ ਦੇ ਨਾਲ ਹੀ ਹੁਣ 'ਆਪ' ਰਾਸ਼ਟਰੀ ਬੁਲਾਰੇ ਰਾਘਵ ਚੱਢਾ ਨੇ ਪੀਐੱਮ ਮੋਦੀ ਨੂੰ ਟੀਕਾਕਰਨ ਅਤੇ ਟੀਕਾਕਰਨ ਰਾਸ਼ਟਰਵਾਦ ਫੌਰੀ ਜ਼ਰੂਰਤ ਸਬੰਧੀ ਪੱਤਰ ਲਿਖਿਆ ਹੈ।
Corona vaccine
ਉਹਨਾਂ ਪੱਤਰ ਵਿਚ ਲਿਖਿਆ ਕਿ ਕਈ ਰਾਜ਼ਾਂ ਵਿਚ ਤਾਂ ਵੈਕਸੀਨ ਦਾ ਸਟਾਕ ਖ਼ਤਮ ਵੀ ਹੋ ਗਿਆ ਹੈ ਤੇ ਕਈ ਰਾਜਾਂ ਵਿਚ ਸਿਰਫ਼ 3 ਤੋਂ 5 ਦਿਨਾਂ ਦਾ ਹੀ ਸਟਾਕ ਹੈ। ਉਹਨਾਂ ਕਿਹਾ ਕਿ ਮੋਦੀ ਨੂੰ ਪਹਿਲਾਂ ਭਾਰਤ ਨੂੰ ਪਹਿਲ ਦੇਣੀ ਚਾਹੀਦੀ ਹੈ ਕਿਉਂਕਿ ਭਾਰਤ ਵਿਚ ਵੀ ਕਾਫ਼ੀ ਹੱਦ ਤੱਕ ਮੌਤਾਂ ਹੋ ਰਹੀਆਂ ਹਨ। ਇਸ ਤੋਂ ਅੱਗੇ ਰਾਘਵ ਚੱਢਾ ਨੇ ਲਿਖਿਆ ਕਿ ਕੋਰੋਨਾ ਵੈਕਸੀਨ ਖ਼ਤਮ ਹੋਣ ਕਰ ਕੇ ਕਈ ਵੈਕਸੀਨ ਸੈਂਟਰ ਬੰਦ ਹੋ ਚੁੱਕੇ ਹਨ, ਇਸ ਤੋਂ ਅੱਗੇ ਉਹਨਾਂ ਕਿਹਾ ਕਿ ਮੋਦੀ ਨੇ ਇਕ ਨਾਅਰਾ ਦਿੱਤਾ ਸੀ 'ਜਦੋਂ ਤੱਕ ਦਵਾਈ ਨਹੀਂ ਉਦੋਂ ਤੱਕ ਢਲਾਈ ਨਹੀਂ'।
PM Modi
ਹੁਣ ਜਦੋਂ ਭਾਰਤ ਨੇ ਵੈਕਸੀਨ ਬਣਾਉਣਾ ਸ਼ੁਰੂ ਕਰ ਦਿੱਤਾ ਹੈ ਤਾਂ ਭਾਰਤ ਸਰਕਾਰ 64 ਮਿਲੀਅਨ ਡੋਜ਼ ਹੋਰ ਦੇਸ਼ਾਂ ਨੂੰ ਦੇਣਾ ਸਹੀ ਸਮਝਿਆ ਜਦੋਂ ਕਿ ਭਾਰਤੀ ਨਾਗਰਿਕ ਵੈਕਸੀਨੇਸ਼ਨ ਕੇਂਦਰ 'ਤੇ ਟੀਕਾ ਲਗਵਾਉਣ ਲਈ ਇੰਤਜ਼ਾਰ ਕਰ ਰਹੇ ਹਨ। ਮੈਂ ਪੁੱਛਣਾ ਚਾਹੁੰਦਾ ਹਾਂ ਕਿ ਬਾਰਤ ਸਰਕਾਰ ਦੇ ਲਈ ਪਹਿਲ ਕਿਸ ਨੂੰ ਹੈ ਮਹਾਰਸ਼ਟਰ ਜਾਂ ਮਾਰੀਸ਼ਾਸ? ਬੰਗਾਲ ਜਾਂ ਬੰਗਲਾਦੇਸ਼? ਗੁਜਰਾਤ ਜਾਂ ਗੁਯਾਨਾ? ਉਡੀਸ਼ਾ ਜਾਂ ਉਮਾਨ? ਕੇਰਲਾ ਜਾਂ ਕੇਨਯਾ?
ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਕੱਲ੍ਹ ਇੱਕ ਪ੍ਰੈਸ ਕਾਨਫਰੰਸ ਵਿੱਚ ਵੀ ਰਾਘਵ ਚੱਢਾ ਨੇ ਕੇਂਦਰ ਸਰਕਾਰ 'ਤੇ ਨਿਸ਼ਾਨ ਸਾਧਿਆ ਸੀ ਤੇ ਕਿਹਾ ਸੀ ਕਿ ਕੇਂਦਰ ਸਰਕਾਰ ਦੱਸੇ ਕਿ ਕੀ ਪਹਿਲਾਂ ਦੇਸ਼ਵਾਸੀਆਂ ਦੀ ਜਾਨ ਬਚਾਉਣੀ ਜ਼ਰੂਰੀ ਹੈ ਜਾਂ ਕੋਰੋਨਾ ਵੈਕਸੀਨ ਨੂੰ ਪਾਕਿਸਤਾਨ ਨੂੰ ਦੇਣਾ ਜ਼ਿਆਦਾ ਜ਼ਰੂਰੀ ਹੈ।
As Tika Utsav begins, I appeal to Modi Govt to shun it’s diplomatic adventurism and follow India-first rule, with Indians being given priority over vaccine exports. Govt should not be exporting doses while Indians are dying by thousands -with a cure within grasp, but out of reach https://t.co/AlcUJiYFce
— Raghav Chadha (@raghav_chadha) April 11, 2021
ਉਹਨਾਂ ਕਿਹਾ ਕਿ ਇਕ ਪਾਸੇ ਅਸੀਂ ਕਹਿੰਦੇ ਹਾਂ ਕਿ ਪਾਕਿਸਤਾਨ ਭਾਰਤ ਨੂੰ ਅਤਿਵਾਦੀ ਨਿਰਯਾਤ ਕਰਦਾ ਹੈ ਅਤੇ ਦੂਜੇ ਪਾਸੇ ਟੀਕਾ ਦੇਸ਼ ਤੋਂ ਪਾਕਿਸਤਾਨ ਵਿਚ ਨਿਰਯਾਤ ਕੀਤਾ ਜਾ ਰਿਹਾ ਹੈ। ਰਤ ਪਾਕਿਸਤਾਨ ਨੂੰ 60 ਮਿਲੀਅਨ ਵੈਕਸੀਨ ਡੋਜ਼ ਨਿਰਯਾਤ ਕਰਨ ਜਾ ਰਿਹਾ ਹੈ। ਦੇਸ਼ ਭਰ ਵਿੱਚ ਟੀਕਿਆਂ ਦੀ ਘਾਟ ਹੈ, ਫਿਰ ਵੀ ਕੇਂਦਰ ਸਰਕਾਰ ਨੇ ਹੁਣ ਤੱਕ 84 ਦੇਸ਼ਾਂ ਨੂੰ 645 ਲੱਖ ਖੁਰਾਕਾਂ ਦਾ ਨਿਰਯਾਤ ਕੀਤਾ ਹੈ। ਇਸ ਦੇ ਨਾਲ ਹੀ ‘ਆਪ’ ਨੇਤਾ ਅਤਿਸ਼ੀ ਨੇ ਦਿੱਲੀ ਮਾਡਲ ਨੂੰ ਦੇਸ਼ ਦਾ ਸਰਬੋਤਮ ਮਾਡਲ ਦੱਸਿਆ ਹੈ।
