ਮਾਲਕ ਨੇ ਸਾਰੀਆਂ ਰਸਮਾਂ ਨਾਲ ਕਿਹਾ ਕਾਰ ਨੂੰ ਅਲਵਿਦਾ, 4 ਲੱਖ ਰੁਪਏ ਖਰਚ ਕੀਤੇ

ਅਮਰੇਲੀ : ਗੁਜਰਾਤ ਦੇ ਇਕ ਕਿਸਾਨ ਪਰਵਾਰ ਨੇ ਅਪਣੀ ‘ਲੱਕੀ’ ਕਾਰ ਨੂੰ ਕਬਾੜ ’ਚ ਵੇਚਣ ਕਰਨ ਦੀ ਬਜਾਏ ਦਫਨਾਉਣ ਦਾ ਫੈਸਲਾ ਕੀਤਾ ਹੈ। ਇਸ ਲਈ ਉਸ ਨੇ ਕਾਰ ਨੂੰ ਫੁੱਲਾਂ ਨਾਲ ਸਜਾਇਆ ਅਤੇ ਅੰਤਿਮ ਯਾਤਰਾ ਵੀ ਕੱਢੀ। ਇਸ ਨੂੰ ਡੀ.ਜੇ. ਅਤੇ ਸੰਗੀਤ ਨਾਲ ਦਫ਼ਨਾਉਣ ਵਾਲੀ ਥਾਂ ਤਕ ਲਿਜਾਇਆ ਗਿਆ। 

ਇਹ ਘਟਨਾ ਗੁਜਰਾਤ ਦੇ ਅਮਰੇਲੀ ਜ਼ਿਲ੍ਹੇ ਦੇ ਪਦਰਾਸਿੰਗਾ ਪਿੰਡ ਦੀ ਹੈ। ਇੱਥੇ ਇਕ ਕਿਸਾਨ ਸੰਜੇ ਪੋਰਲਾ ਨੇ 7 ਨਵੰਬਰ ਨੂੰ ਅਪਣੀ ਕਾਰ ਨੂੰ ਅਨੋਖੇ ਅੰਦਾਜ਼ ’ਚ ਵਿਦਾਈ ਦਿਤੀ। 10 ਫੁੱਟ ਤੋਂ ਵੱਧ ਡੂੰਘਾ ਖੱਡਾ ਖੋਦਿਆ। ਇਸ ’ਤੇ  4 ਲੱਖ ਰੁਪਏ ਤੋਂ ਵੱਧ ਖਰਚ ਕੀਤੇ ਗਏ ਸਨ। 

ਸੰਜੇ ਪੋਰਲਾ ਨੇ ਮੀਡੀਆ ਨੂੰ ਦਸਿਆ, ‘‘ਮੈਂ ਪਿਛਲੇ ਦਸ ਸਾਲਾਂ ਤੋਂ ਇਹ ਕਾਰ ਚਲਾ ਰਿਹਾ ਹਾਂ। ਇਸ ਨੂੰ 2014 ’ਚ ਸੈਕੰਡ ਹੈਂਡ ਖਰੀਦਿਆ ਗਿਆ ਸੀ। ਕਾਰ ਖਰੀਦਣ ਤੋਂ ਬਾਅਦ ਮੇਰੀ ਵਿੱਤੀ ਹਾਲਤ ਦਿਨੋ-ਦਿਨ ਸੁਧਰਨ ਲੱਗੀ। ਪਿੰਡ ’ਚ ਖੇਤੀ ਦੇ ਨਾਲ-ਨਾਲ ਉਨ੍ਹਾਂ ਦਾ ਕਾਰੋਬਾਰ ਵੀ ਵਧਿਆ।’’

ਸਮਾਧ ਤੋਂ ਪਹਿਲਾਂ ਬੁਧਵਾਰ ਰਾਤ ਨੂੰ ਰਾਤ ਦਾ ਖਾਣਾ ਵੀ ਖੁਆਇਆ ਗਿਆ ਸੀ। ਸੰਜੇਭਾਈ ਪੋਲਾਰਾ ਨੇ ਪੂਰੇ ਪਿੰਡ ਦੇ ਲੋਕਾਂ ਨੂੰ ਸੱਦਾ ਦਿਤਾ। ਮਹਿਮਾਨਾਂ ਅਤੇ ਪਿੰਡ ਵਾਸੀਆਂ ਸਮੇਤ ਲਗਭਗ 1,500 ਲੋਕ ਇਸ ਦਾਅਵਤ ’ਚ ਸ਼ਾਮਲ ਹੋਏ। 

ਸਮਾਧੀ ਪ੍ਰੋਗਰਾਮ ’ਚ ਸ਼ਾਮਲ ਹੋਣ ਲਈ ਸੂਰਤ ਤੋਂ ਆਏ ਹਰੇਸ਼ ਕਰਕ ਨੇ ਕਿਹਾ, ‘‘ਮੈਂ ਅਪਣੀ ਜ਼ਿੰਦਗੀ ’ਚ ਅਜਿਹੀ ਚੀਜ਼ ਕਦੇ ਨਹੀਂ ਦੇਖੀ ਜਾਂ ਸੁਣੀ ਨਹੀਂ।’’ ਸੰਜੇ ਨੇ ਅੱਗੇ ਕਿਹਾ ਕਿ ਅਪਣੀ ਖੁਸ਼ਕਿਸਮਤ ਕਾਰ ਦੀ ਯਾਦ ਨੂੰ ਹਮੇਸ਼ਾ ਲਈ ਜਿਉਂਦਾ ਰੱਖਣ ਲਈ, ਉਸ ਨੇ  ਉਸ ਜਗ੍ਹਾ ’ਤੇ  ਇਕ  ਰੁੱਖ ਲਗਾਉਣ ਦਾ ਵੀ ਫੈਸਲਾ ਕੀਤਾ ਹੈ ਜਿੱਥੇ ਕਾਰ ਦਫਨਾਈ ਗਈ ਹੈ।