ਓਡਿਸਾ ‘ਚ ਫਾਨੀ ਤੂਫਾਨ ਨੇ ਜੋ ਤਬਾਹੀ ਮਚਾਈ ਹੈ ਉਸ ਤੋਂ ਬਾਅਦ ਪੀਐਮ ਨੇ ਪਹਿਲਾਂ...
ਨਵੀਂ ਦਿੱਲੀ : ਓਡਿਸਾ ‘ਚ ਫਾਨੀ ਤੂਫਾਨ ਨੇ ਜੋ ਤਬਾਹੀ ਮਚਾਈ ਹੈ ਉਸ ਤੋਂ ਬਾਅਦ ਪੀਐਮ ਨੇ ਪਹਿਲਾਂ ਹੀ ਓਡਿਸਾ ਨੂੰ ਮਦਦ ਦਾ ਭਰੋਸਾ ਦਿੱਤਾ ਸੀ। ਲੇਕਿਨ ਅੱਜ ਪੀਐਮ ਮੋਦੀ ਆਪਣੇ ਆਪ ਓਡਿਸਾ ਦੇ ਹਾਲਾਤ ਦਾ ਜਾਇਜ਼ਾ ਲੈਣ ਪੁੱਜੇ ਹਨ। ਓਡਿਸਾ ‘ਚ ਦੋ ਦਿਨ ਪਹਿਲਾਂ ਆਏ ਚੱਕਰਵਾਤੀ ਤੂਫਾਨ ਫਾਨੀ ਤੋਂ ਬਾਅਦ ਅੱਜ ਯਾਨੀ ਸੋਮਵਾਰ ਨੂੰ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਹਾਲਾਤ ਦਾ ਜਾਇਜਾ ਲੈਣ ਭੁਵਨੇਸ਼ਵਰ ਪੁੱਜੇ। ਇਸ ਦੌਰਾਨ ਸੀਐਮ ਨਵੀਨ ਪਟਨਾਇਕ ਨੇ ਉਨ੍ਹਾਂ ਦਾ ਸਵਾਗਤ ਕੀਤਾ। ਪੀਐਮ ਮੋਦੀ ਨੇ ਹਵਾਈ ਦੌਰਾ ਕਰਕੇ ਨੁਕਸਾਨ ਦੇਖਦੇ ਹੋਏ ਵੱਡਾ ਐਲਾਨ ਕੀਤਾ।
Cyclone Fani
ਉਨ੍ਹਾਂ ਨੇ ਤੂਫਾਨ ਨਾਲ ਹੋਈ ਤਬਾਹੀ ਲਈ ਮਦਦ ਲਈ ਇੱਕ ਹਜਾਰ ਕਰੋੜ ਰੁਪਏ ਦੀ ਤੁਰੰਤ ਮਦਦ ਦਾ ਐਲਾਨ ਕੀਤਾ ਹੈ। ਇਸ ਦੌਰਾਨ ਮੀਡੀਆ ਨਾਲ ਗੱਲ ਕਰਦੇ ਹੋਏ ਪੀਐਮ ਮੋਦੀ ਨੇ ਕਿਹਾ ਕਿ ਤੂਫਾਨ ਦੇ ਦੌਰਾਨ ਨਵੀਨ ਪਟਨਾਇਕ ਜੀ ਨੇ ਚੰਗਾ ਕੰਮ ਕੀਤਾ ਹੈ। ਤੂਫਾਨ ਦੇ ਦੌਰਾਨ ਓਡਿਸਾ ਦੇ ਲੋਕਾਂ ਨੇ ਸਮਝਦਾਰੀ ਵਿਖਾਈ। ਇਸ ਕਾਰਨ ਘੱਟ ਜਾਨੀ ਨੁਕਸਾਨ ਹੋਇਆ ਹੈ। ਮੈਂ ਨੁਕਸਾਨ ਦਾ ਐਲਾਨ ਕੀਤਾ ਹੈ। ਕੇਂਦਰ ਸਰਕਾਰ ਹਰ ਕਦਮ ‘ਤੇ ਓਡਿਸਾ ਦੇ ਨਾਲ ਹੈ। ਅਧਿਕਾਰੀ ਨੇ ਕਿਹਾ ਕਿ ਤੂਫਾਨ ਤੋਂ ਪ੍ਰਭਾਵਿਤ ਲੋਕਾਂ ਦੀ ਗਿਣਤੀ ਵੀ ਘੱਟ ਤੋਂ ਘੱਟ 11 ਜ਼ਿਲ੍ਹਿਆਂ ਦੇ 14,835 ਪਿੰਡਾਂ ਵਿਚ ਲਗਭਗ 1.08 ਕਰੋੜ ਹੋ ਗਈ ਹੈ।
Cyclone Fani
ਉਨ੍ਹਾਂ ਨੇ ਕਿਹਾ ਕਿ 24 ਘੰਟੇ ਪਹਿਲਾਂ 13.41 ਲੱਖ ਤੋਂ ਜ਼ਿਆਦਾ ਲੋਕਾਂ ਨੂੰ ਕੱਢਿਆ ਗਿਆ ਸੀ। ਸੀਐਮ ਨਵੀਨ ਪਟਨਾਇਕ ਨੇ ਅਪਣੇ ਵਲੋਂ ਪ੍ਰਭਾਵਿਤ ਲੋਕਾਂ ਲਈ ਰਾਹਤ ਪੈਕੇਜ ਦਾ ਐਲਾਨ ਕਰਦੇ ਹੋਏ ਕਿਹਾ ਕਿ ਬੇਹਦ ਗੰਭੀਰ ਰੂਪ ਤੋਂ ਪ੍ਰਭਾਵਿਤ ਖੁਰਦੇ ਦੇ ਕੁਝ ਹਿੱਸਿਆਂ ‘ਚ ਸਾਰੇ ਪਰਵਾਰਾਂ ਨੂੰ 50 ਕਿੱਲੋਗ੍ਰਾਮ ਚਾਵਲ, 2,000 ਰੁਪਏ ਨਕਦ ਅਤੇ ਪਾਲੀਥੀਨ ਸ਼ੀਟਾਂ ਮਿਲਣਗੀਆਂ ਜੇਕਰ ਉਹ ਖਾਦ ਸੁਰੱਖਿਆ ਕਾਨੂੰਨ (ਐਫਐਸਏ) ਦੇ ਅਧੀਨ ਆਉਂਦੇ ਹੋਣਗੇ। ਖੁਰਦਾ ਜ਼ਿਲ੍ਹੇ ਦੇ ਬਾਕੀ ਹਿੱਸਿਆਂ ਲਈ ਜੋ ਗੰਭੀਰ ਰੂਪ ਤੋਂ ਪ੍ਰਭਾਵਿਤ ਹੋਏ ਐਫਐਸਏ ਪਰਵਾਰਾਂ ਨੂੰ ਇੱਕ ਮਹੀਨੇ ਦੇ ਚਾਵਲ, 1,000 ਰੁਪਏ ਨਕਦ ਅਤੇ ਪਾਲੀਥੀਨ ਸ਼ੀਟ ਮਿਲੇਗੀ।
Fani Cyclone
ਪਟਨਾਇਕ ਨੇ ਕਿਹਾ ਕਿ ਕਟਕ, ਕੇਂਦਰਪਾੜਾ ਅਤੇ ਜਗਤਸਿੰਘਪੁਰ ਦੇ ਮੱਧ ਰੂਪ ਤੋਂ ਪ੍ਰਭਾਵਿਤ ਜ਼ਿਲ੍ਹਿਆਂ ਦੇ ਲੋਕਾਂ ਨੂੰ ਇੱਕ ਮਹੀਨੇ ਦੇ ਚਾਵਲ ਦਾ ਕੋਟਾ ਅਤੇ 500 ਰੁਪਏ ਨਕਦ ਦਿੱਤੇ ਜਾਣਗੇ ਨਾਲ ਹੀ ਸੀਐਮ ਨੇ ਸਾਰੇ ਹਾਦਸਾਗ੍ਰਸਤ ਘਰਾਂ ਲਈ 95,100 ਰੁਪਏ ਦੀ ਮਦਦ ਨਾਲ ਹਾਦਸਾਗ੍ਰਸਤ ਘਰਾਂ ਲਈ 52, 000 ਰੁਪਏ ਅਤੇ ਹਲਕਾ-ਫੁਲਕਾ ਨੁਕਸਾਨ ਝੇਲਣ ਵਾਲੇ ਘਰਾਂ ਲਈ 3,200 ਰੁਪਏ ਦੀ ਆਰਥਕ ਮਦਦ ਦਾ ਐਲਾਨ ਵੀ ਕੀਤਾ। ਨਵੀਨ ਪਟਨਾਇਕ ਨੇ ਦਾਅਵਾ ਕੀਤਾ ਕਿ ਸਭ ਤੋਂ ਜ਼ਿਆਦਾ ਪ੍ਰਭਾਵਿਤ ਪੁਰੀ ਨਗਰ ਦੇ 70 ਫੀਸਦੀ ਇਲਾਕਿਆਂ ਅਤੇ ਰਾਜਧਾਨੀ ਭੁਵਨੇਸ਼ਵਰ ਦੇ 40 ਫੀਸਦੀ ਸਥਾਨਾਂ ‘ਚ ਪਾਣੀ ਦੀ ਘਾਟ ਨੂੰ ਬਹਾਲ ਕੀਤਾ ਹੈ।
PM Narendra Modi: Govt of India had announced Rs 381 crore earlier, a further Rs 1000 crore will be released now. #cycloneFani pic.twitter.com/mqFNvBUuB1
— ANI (@ANI) May 6, 2019
ਸੀਐਮ ਨਵੀਨ ਪਟਨਾਇਕ ਨੇ ਕਿਹਾ ਕਿ ਮੈਨੂੰ ਉਮੀਦ ਹੈ ਕਿ ਭੁਵਨੇਸ਼ਵਰ ‘ਚ ਛੇਤੀ ਹੀ ਅਤੇ ਪੁਰੀ ਨਗਰ ਦੇ ਘੱਟ ਤੋਂ ਘੱਟ 90 ਫੀਸਦੀ ਇਲਾਕਿਆਂ ‘ਚ ਪਾਣੀ ਦੀ ਘਾਟ ਨੂੰ ਬਹਾਲ ਕੀਤਾ ਜਾਵੇਗਾ। ਅਸੀ ਮਿਸ਼ਨ ਪੱਧਰ ‘ਤੇ ਪੌਧਾ ਰੋਪਣ ਪ੍ਰੋਗਰਾਮ ਚਲਵਾਂਗੇ।
