ਕਰੋਨਾ ਵਾਇਰਸ ਦੇ ਕਾਰਨ ਜਿੱਥੇ ਦੇਸ਼ ਵਿਚ ਲੌਕਡਾਊਨ ਲਗਾਇਆ ਗਿਆ ਹੈ ਉੱਥੇ ਹੀ ਸਾਰੇ ਪਾਸੇ ਅਵਜਾਈ ਨੂੰ ਬੰਦ ਕੀਤਾ ਗਿਆ ਹੈ
ਪਟਨਾ : ਕਰੋਨਾ ਵਾਇਰਸ ਦੇ ਕਾਰਨ ਜਿਥੇ ਦੇਸ਼ ਵਿਚ ਲੌਕਡਾਊਨ ਲਗਾਇਆ ਗਿਆ ਹੈ ਉੱਥੇ ਹੀ ਸਾਰੇ ਪਾਸੇ ਅਵਜਾਈ ਨੂੰ ਬੰਦ ਕੀਤਾ ਗਿਆ ਹੈ ਅਤੇ ਅਜਿਹੇ ਵਿਚ ਹਰ ਰੋਜ ਦੀ ਰੋਟੀ ਕਮਾ ਕੇ ਖਾਣ ਵਾਲੇ ਲੋਕਾਂ ਦਾ ਗੁਜਾਰਾ ਕਰਨਾ ਕਾਫੀ ਮੁਸ਼ਕਿਲ ਹੋਇਆ ਪਿਆ ਹੈ। ਜਿੱਥੇ ਅਜਿਹੇ ਸਮੇਂ ਵਿਚ ਕਈ ਲੋਕ ਇਨ੍ਹਾਂ ਲੋਕਾਂ ਦੀ ਮਦਦ ਕਰਨ ਲਈ ਅੱਗੇ ਆ ਰਹੇ ਹਨ। ਉਥੇ ਹੀ ਅੱਜ ਇਕ ਪੁਲਿਸ ਵਾਲਾ ਬਜੁਰਗ ਜੋੜੇ ਦੇ ਲਈ ਮਸੀਹਾ ਬਣ ਗਿਆ। ਪਟਨਾ ਦੇ ਥਾਣੇਦਾਰ ਨੇ ਕੁਝ ਅਜਿਹਾ ਕਰ ਦਿਖਾਇਆ ਕਿ ਜੋ ਤੁਸੀਂ ਅਕਸਰ ਫਿਲਮਾਂ ਵਿਚ ਦੇਖਦੇ ਹੋ ਅਤੇ ਜਿਸ ਤੋਂ ਬਾਅਦ ਮਨੋਰੰਜਨ ਭਾਰਤੀ ਨਾਂ ਦਾ ਇਹ ਥਾਣੇਦਾਰ ਲੋਕਾਂ ਲਈ ਇਕ ਮਿਸ਼ਾਲ ਬਣ ਗਿਆ।
India lockdown
ਜ਼ਿਕਰਯੋਗ ਹੈ ਕਿ ਪਟਨਾ ਦੇ ਕੰਕੜਬਾਗ ਇਲਾਕੇ ਵਿਚ ਇਕ ਬਜੁਰਗ ਪਤੀ-ਪਤਨੀ ਰਹਿੰਦੇ ਹਨ। ਲੌਕਡਾਊਨ ਦੇ ਇਸ ਮੁਸ਼ਕਿਲ ਸਮੇਂ ਵਿਚ ਜਿੱਥੇ ਲੋਕ ਆਪਣਿਆਂ ਕੋਲ ਜਾ ਰਹੇ ਹਨ ਉਥੇ ਹੀ ਇਨ੍ਹਾਂ ਬਜੁਰਗ ਮਾਤਾ-ਪਿਤਾ ਨੂੰ ਉਨ੍ਹਾਂ ਦੇ ਬੱਚਿਆਂ ਨੇ ਇਕੱਲੇ ਛੱਡ ਦਿੱਤਾ। ਇਨ੍ਹਾਂ ਦੇ ਦੋ ਪੁਤਰ ਅਤੇ ਇਕ ਬੇਟੀ ਹੈ। ਪਰ ਇਸ ਮੁਸ਼ਕਿਲ ਸਮੇਂ ਵਿਚ ਜਦੋਂ ਇਸ ਬਜੁਹਗ ਜੋੜੇ ਦਾ ਆਪਣਿਆਂ ਨੇ ਸਾਥ ਛੱਡ ਦਿੱਤਾ ਤਾਂ ਕਕੜਬਾਗ ਦੇ ਥਾਣੇਦਾਰ ਮਨੋਰੰਜਨ ਭਾਰਤੀ ਇਨ੍ਹਾਂ ਲਈ ਮਸੀਹਾ ਬਣ ਗਿਆ ਅਤੇ ਜਿਹੜਾ ਕਿ ਖਾਣ-ਪੀਣ ਦਾ ਸਮਾਨ ਅਤੇ ਦਵਾਈਆਂ ਇਨ੍ਹਾਂ ਦੇ ਘਰ ਪਹੁੰਚਾਉਦਾ ਹੈ।
lockdown
ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ ਉਸ ਬਜੁਰਗ ਜੋੜੇ ਨੇ ਦੱਸਿਆ ਕਿ ਇਹ ਪੁਲਿਸ ਵਾਲਾ ਸਾਡਾ ਪੁੱਤਰ ਨਹੀਂ ਪਰ ਇਹ ਸਾਡੇ ਲਈ ਭਗਵਾਨ ਬਣ ਕੇ ਆਇਆ ਹੈ ਅਤੇ ਨਾਲ ਹੀ ਬਜੁਰਗ ਔਰਤ ਨੇ ਵੀ ਪੁਲਿਸ ਵਾਲੇ ਦੀ ਤਾਰੀਫ਼ ਵਿਚ ਕਿਹਾ ਕਿ ਅਸੀਂ ਇਸ ਨੂੰ ਆਪਣੀ ਕੁੱਖ ਵਿਚੋਂ ਜਨਮ ਤਾਂ ਨਹੀਂ ਦਿੱਤਾ ਪਰ ਇਹ ਸਾਡੇ ਲਈ ਸਰਵਣ ਪੁੱਤਰ ਬਣ ਕੇ ਆਇਆ ਹੈ। ਦੱਸ ਦੱਈਏ ਕਿ ਲੌਕਡਾਊਨ ਹੋਣ ਦੇ ਕਾਰਨ ਦੋਵੇ ਬਜੁਰਗ ਆਪਣੇ ਘਰ ਵਿਚੋਂ ਬਾਹਰ ਨਹੀਂ ਨਿਕਲ ਪਾ ਰਹੇ ਸੀ ਅਤੇ ਨਾਲ ਹੀ ਉਨ੍ਹਾਂ ਦੇ ਘਰ ਦਾ ਰਾਸ਼ਨ ਵੀ ਖਤਮ ਹੋਇਆ ਪਿਆ ਸੀ।
Police
ਜਿਸ ਤੋਂ ਬਾਅਦ ਕਾਨਨ ਬਿਹਾਰ ਨਾਂ ਦੇ ਉਸ ਬਜੁਰਗ ਨੇ ਥਾਣੇ ਵਿਚ ਫੋਨ ਕਰਕੇ ਦੱਸਿਆ ਕਿ ਅਸੀਂ ਤਿੰਨ ਦਿਨ ਤੋਂ ਭੁੱਖੇ ਹਾਂ। ਜਿਸ ਤੋਂ ਬਾਅਦ ਥਾਣੇਦਾਰ ਮਨੋਰੰਜਨ ਭਾਰਤੀ ਆਪਣੀ ਟੀਮ ਨਾਲ ਤੁਰੰਤ ਹੀ ਉਸ ਬਜੁਰਜ ਜੋੜੇ ਦੇ ਘਰ ਪਹੁੰਚੇ ਅਤੇ ਉਨ੍ਹਾਂ ਨੂੰ ਜਰੂਰਤ ਦਾ ਸਾਰਾ ਸਮਾਨ ਦਿੱਤਾ। ਜਿਸ ਤੋਂ ਬਾਅਦ ਉਸ ਬਜੁਰਗ ਅਤੇ ਲਾਚਾਰ ਜੋੜੇ ਨੇ ਪੁਲਿਸ ਮੁਲਾਜ਼ਮ ਨੂੰ ਅਸੀਸਾਂ ਦਿੱਤੀਆਂ।
Photo
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
