ਚੋਣ ਪ੍ਰਚਾਰ ਦੌਰਾਨ ਭੀੜ ਦੇ ਉਲਟੇ ਜਵਾਬਾਂ ਦਾ ਕਰਨਾ ਪਿਆ ਸਾਹਮਣਾ

ਚੰਡੀਗੜ੍ਹ : ਦਿੱਲੀ ਵਿਚ ਆਮ ਆਦਮੀ ਪਾਰਟੀ ਦੇ ਮਜਬੂਤ ਕਿਲੇ 'ਚ ਸੰਨ੍ਹ ਲਾਉਣ ਦੇ ਮਕਸਦ ਨਾਲ ਵਿਰੋਧੀਆਂ ਵਲੋਂ ਹਰ ਹਥਿਆਰ ਅਜਮਾਇਆ ਜਾ ਰਿਹਾ ਹੈ। ਖ਼ਾਸ ਕਰ ਕੇ ਭਾਜਪਾ ਲਈ ਦਿੱਲੀ ਚੋਣਾਂ ਮੁੱਛ ਦਾ ਸਵਾਲ ਬਣੀਆਂ ਹੋਈਆਂ ਹਨ।

Photo

ਚੋਣਾਂ ਵਿਚ ਜਿੱਥੇ ਦੇ ਭਾਜਪਾ ਦੇ ਦਿਗਜ਼ ਆਗੂ ਦਿਨ-ਰਾਤ ਮਿਹਨਤ ਕਰ ਰਹੇ ਹਨ ਉਥੇ ਹੀ ਵੋਟਰਾਂ ਦਾ ਮੰਨ ਬਦਲਣ ਲਈ ਕਲਾਕਾਰਾਂ ਨੂੰ ਵੀ ਮੈਦਾਨ 'ਚ ਉਤਾਰਿਆ ਗਿਆ ਹੈ। ਹਰਿਆਣਵੀਂ ਡਾਂਸਰ ਕਲਾਕਾਰ ਤੋਂ ਨੇਤਾ ਬਣੀ ਸਪਨਾ ਚੌਧਰੀ ਵੀ ਚੋਣਾਂ ਦੌਰਾਨ ਖ਼ੂਬ ਪਸੀਨਾ ਵਹਾ ਰਹੀ ਹੈ।

Photo

ਇੰਨਾ ਹੀ ਨਹੀਂ ਸਪਨਾ ਚੌਧਰੀ ਦੇ ਚੋਣ ਪ੍ਰਚਾਰ ਦੌਰਾਨ ਵੱਡੀਆਂ ਭੀੜਾਂ ਵੀ ਵੇਖਣ ਨੂੰ ਮਿਲ ਰਹੀਆਂ ਹਨ। ਸਪਨਾ ਚੌਧਰੀ ਵਲੋਂ ਵੀ ਮੋਦੀ-ਸ਼ਾਹ ਜੋੜੀ ਦੇ ਅੰਦਾਜ਼ 'ਚ ਵੋਟਰਾਂ ਨੂੰ ਭਰਮਾਉਣ ਦੇ ਯਤਨ ਕੀਤੇ ਜਾ ਰਹੇ ਹਨ। ਸੋਸ਼ਲ ਮੀਡੀਆ 'ਤੇ ਤੇਜੀ ਨਾਲ ਵਾਇਰਲ ਹੋ ਰਹੀ ਇਕ ਵੀਡੀਓ 'ਚ ਉਨ੍ਹਾਂ 'ਤੇ ਮੋਦੀ-ਸ਼ਾਹ ਦਾ ਇਹ ਅੰਦਾਜ਼ ਭਾਰੂ ਪੈਂਦਾ ਜਾਪ ਰਿਹੈ।।

Photo

ਪ੍ਰਚਾਰ ਦੌਰਾਨ ਵੱਡੀ ਗਿਣਤੀ ਵਿਚ ਜੁੜੀ ਭੀੜ ਨੂੰ ਮੁਖਾਤਿਬ ਹੁੰਦਿਆਂ ਸਪਨਾ ਚੌਧਰੀ ਕਹਿੰਦੀ ਸੁਣਾਈ ਦਿੰਦੀ ਹੈ, ''ਵੋਟ ਕਿਸ ਨੂੰ ਦੇਣੀ ਹੈ'' ਅੱਗੋਂ ਭੀੜ 'ਚ ਆਵਾਜ਼ ਆਉਂਦੀ ਹੈ, ''ਕੇਜਰੀਵਾਲ ਨੂੰ''! ਸਪਨਾ ਚੌਧਰੀ ਨੂੰ ਅਪਣੇ ਕੰਨਾਂ 'ਤੇ ਇਤਬਾਰ ਨਹੀਂ ਆਉਂਦਾ ਤੇ ਉਹ ਮੁੜ ਭੀੜ ਨੂੰ ਮੁਖਾਤਬ ਹੁੰਦੀ ਹੈ, ''ਵੋਟ ਕਿਸ ਨੂੰ ਪਾਉਣੀ ਹੈ'', ਭੀੜ ਵਿਚੋਂ ਕਈ ਆਵਾਜ਼ ਆਉਂਦੀਆਂ ਹਨ, ''ਕੇਜਰੀਵਾਲ ਨੂੰ, ਕੇਜਰੀਵਾਲ ਨੂੰ''!

घोंडा विधानसभा में भाजपा रैली

भाजपा स्टार प्रचारक सपना चौधरी - किस को जिताना चाहिए इस बार

जनता - केजरीवाल को ??? pic.twitter.com/U9ANLNLLDa

— Jitender Singh Khalsa (@jitenderkhalsa) February 5, 2020

ਸਪਨਾ ਚੌਧਰੀ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। 30 ਸੈਕਿੰਡ ਦੀ ਇਸ ਵੀਡੀਓ ਵਿਚ ਸਪਨਾ ਚੌਧਰੀ ਦਰਸ਼ਕਾਂ ਦੇ ਜਵਾਬ ਸੁਣ 'ਕਲੀਨ ਬੋਲਡ' ਹੁੰਦੀ ਵਿਖਾਈ ਦਿੰਦੀ ਹੈ। ਇਕੱਠੇ ਹੋਏ ਲੋਕਾਂ ਵਲੋਂ ਵੀ ਸਪਨਾ ਚੌਧਰੀ ਦੇ ਚੋਣ ਪ੍ਰਚਾਰ ਤੋਂ ਸਟੇਜ਼ ਸ਼ੋਅ ਵਾਂਗ ਮਨੋਰੰਜਨ ਕੀਤਾ ਜਾ ਰਿਹਾ ਹੈ।