ਇਹਨਾਂ ਕਾਰਾਂ ਦੀ ਕੁੱਲ ਕੀਮਤ 40 ਕਰੋੜ ਤੋਂ ਵੱਧ ਹੋਣ ਦਾ ਅਨੁਮਾਨ ਹੈ।
ਮੁੰਬਈ: ਪੰਜਾਬ ਐਂਡ ਮਹਾਰਾਸ਼ਟਰ ਕੋਆਪਰੇਟਿਵ ਬੈਂਕ ਮਾਮਲੇ ਵਿਚ ਆਰਥਿਕ ਅਪਰਾਧ ਸ਼ਾਖਾ ਨੇ ਸਾਬਕਾ ਐਮਡੀ ਜਾਇ ਥਾਮਸ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਇਸ ਤੋਂ ਪਹਿਲਾਂ ਪੀਐਮਸੀ ਘੋਟਾਲਾ ਮਾਮਲੇ ਪਰਿਵਰਤਨ ਡਾਇਰੈਕਟੋਰੇਟ ਨੇ 6 ਜਗ੍ਹਾ ਤੇ ਛਾਪੇਮਾਰੀ ਕੀਤੀ ਸੀ। ਇਸ ਛਾਪੇਮਾਰੀ ਦੌਰਾਨ ਈਡੀ ਨੂੰ ਪੀਐਮਸੀ ਬੈਂਕ ਘੁਟਾਲੇ ਦੇ ਆਰੋਪ ਵਿਚ ਹਾਊਸਿੰਗ ਡੈਵਲਪਮੈਂਟ ਇੰਫ੍ਰਾਸਟ੍ਰਕਚਰ ਲਿਮਿਟਡ ਦੇ ਦੋ ਡਾਇਰੈਕਟਰਸ ਦੇ ਘਰ ਤੋਂ ਕਰੋੜਾਂ ਰੁਪਏ ਅਤੇ 12 ਲਗਜ਼ਰੀ ਗੱਡੀਆਂ ਬਰਾਮਦ ਹੋਈਆਂ ਹਨ।
Car
ਦੋਵਾਂ ਆਰੋਪੀਆਂ ਦੇ ਘਰ ਤੋਂ ਜਿਹੜੀਆਂ ਗੱਡੀਆਂ ਬਰਾਮਦ ਕੀਤੀਆਂ ਗਈਆਂ ਹਨ ਉਹਨਾਂ ਵਿਚੋਂ ਰੇਂਜ ਰੋਵਰ, ਰੋਲਸ ਰਾਇਸ, ਬੇਂਟਲੀ, ਬੀਐਮਡਬਲਯੂ, ਬਲੋਨੋ, ਕਵਾਲਿਸ ਅਤੇ ਮਰਸਡੀਜ਼ ਬੇਂਜ ਵਰਗੀਆਂ ਕਾਰਾਂ ਵੀ ਸ਼ਾਮਲ ਹਨ। ਇਹਨਾਂ ਕਾਰਾਂ ਦੀ ਕੁੱਲ ਕੀਮਤ 40 ਕਰੋੜ ਤੋਂ ਵੱਧ ਹੋਣ ਦਾ ਅਨੁਮਾਨ ਹੈ। ਜਾਣਕਾਰੀ ਮੁਤਾਬਕ ਪ੍ਰਰਵਰਤਨ ਡਾਇਰੈਕਟੋਰੇਟ ਨੇ ਜਿਹੜੇ ਛੇ ਸਥਾਨਾਂ ਤੇ ਛਾਪੇਮਾਰੀ ਕੀਤੀ ਹੈ ਉਸ ਵਿਚ ਬਾਂਦਰਾ ਵਿਚ ਐਚਡੀਆਈਐਲ ਦੇ ਮੁੱਖ ਕਾਰਜਕਾਲ ਅਤੇ ਰਾਕੇਸ਼ ਵਧਾਵਨ ਦੇ ਨਿਵਾਸ ਸਥਾਨ ਸ਼ਾਮਲ ਹਨ।
Photo
ਇਸ ਤੋਂ ਇਲਾਵਾ ਸਾਬਕਾ ਪੀਐਮਸੀ ਬੈਂਕ ਦੇ ਚੇਅਰਮੈਨ ਵਰਿਆਮ ਸਿੰਘ ਅਤੇ ਵਰਤਮਾਨ ਐਮਡੀ ਜਾਇ ਥਾਮਸ ਦੇ ਟਿਕਾਣਿਆਂ ਤੇ ਵੀ ਛਾਪਾ ਮਾਰਿਆ। ਛਾਪੇਮਾਰੀ ਦੌਰਾਨ ਐਚਡੀਆਈਐਲ, ਕੋਲਕਾਤਾ ਨਾਈਟ ਰਾਈਡਰਸ ਦੇ ਪ੍ਰਯੋਜਕਾਂ ਵਿਚੋਂ ਇਕ ਸੀ ਜੋ ਕਿ ਆਈਪੀਐਲ ਦੀ ਇਕ ਕ੍ਰਿਕਟ ਟੀਮ ਸੀ। ਇਸ ਦੌਰਾਨ, ਰਿਜ਼ਰਵ ਬੈਂਕ ਨੇ ਗਾਹਕਾਂ ਨੂੰ ਕਿਹਾ ਹੈ ਕਿ ਬੈਂਕਿੰਗ ਪ੍ਰਣਾਲੀ ਦੀ ਸਥਿਤੀ ਬਾਰੇ ਖਦਸ਼ਾ ਦੂਰ ਕਰਨ ਲਈ ਘਬਰਾਉਣ ਦੀ ਕੋਈ ਵਜ੍ਹਾ ਨਹੀਂ ਹੈ।
ਰਿਜ਼ਰਵ ਬੈਂਕ ਨੇ ਕਿਹਾ ਕਿ ਉਹ ਸਹਿਕਾਰੀ ਬੈਂਕਾਂ ਲਈ ਰੈਗੂਲੇਟਰੀ ਢਾਂਚੇ ਦੀ ਸਮੀਖਿਆ ਕਰੇਗੀ। ਇਕ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਥਾਮਸ ਨੂੰ ਪੁੱਛਗਿੱਛ ਲਈ ਆਰਥਿਕ ਅਪਰਾਧ ਵਿੰਗ ਦੇ ਦਫਤਰ ਬੁਲਾਇਆ ਗਿਆ ਸੀ। ਪੁੱਛਗਿੱਛ ਤੋਂ ਬਾਅਦ ਉਸ ਨੂੰ ਉਥੇ ਗ੍ਰਿਫਤਾਰ ਕਰ ਲਿਆ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਪੀਐਮਸੀ ਨੇ ਨਿਯਮਾਂ ਦੀ ਅਣਦੇਖੀ ਕੀਤੀ ਅਤੇ ਇਸ ਦੇ ਕਰਜ਼ੇ ਦਾ ਵੱਡਾ ਹਿੱਸਾ ਐਚਡੀਐਲ ਸਮੂਹ ਦੀਆਂ ਕੰਪਨੀਆਂ ਨੂੰ ਦੇ ਦਿੱਤਾ, ਜੋ ਜ਼ਮੀਨ ਦਾ ਨਿਰਮਾਣ ਅਤੇ ਬਿਲਡਿੰਗ ਨਿਰਮਾਣ ਕਰ ਰਹੀ ਹੈ।
ਇਕ ਬੈਂਕ ਅਧਿਕਾਰੀ ਦਾ ਕਹਿਣਾ ਹੈ ਕਿ ਆਰਥਿਕ ਅਪਰਾਧ ਵਿੰਗ ਨੇ ਐਚ.ਡੀ.ਆਈ.ਐੱਲ ਦੀ 3,500 ਕਰੋੜ ਰੁਪਏ ਦੀ ਜਾਇਦਾਦ ਜ਼ਬਤ ਕਰ ਲਈ ਹੈ। ਰਿਜ਼ਰਵ ਬੈਂਕ ਆਫ਼ ਇੰਡੀਆ ਨੂੰ 31 ਮਾਰਚ, 2018 ਨੂੰ ਖ਼ਤਮ ਹੋਏ ਸਾਲ ਲਈ ਜਮ੍ਹਾਂ ਕਰਜ਼ੇ ਦੇ ਵੇਰਵਿਆਂ ਵਿਚ ਪੀਐਮਸੀ ਨੇ ਕਿਹਾ ਗਿਆ ਹੈ ਕਿ ਉਸ ਸਮੂਹ ਦੇ ਐਚਡੀਆਈਐਲ ਅਤੇ 44 ਲੋਨ ਖਾਤਿਆਂ ਨੂੰ 21,049 ਜਾਅਲੀ ਲੋਨ ਖਾਤਿਆਂ ਵਿਚ ਤਬਦੀਲ ਕਰ ਦਿੱਤਾ ਗਿਆ ਹੈ।
ਉਨ੍ਹਾਂ ਕਰਜ਼ਿਆਂ ਦਾ ਵੇਰਵਾ ਕੋਰ ਬੈਂਕਿੰਗ ਪ੍ਰਣਾਲੀ ਵਿਚ ਦਰਜ ਨਹੀਂ ਕੀਤਾ ਗਿਆ ਸੀ। ਇਸ ਵਿਚ ਕਿਹਾ ਗਿਆ ਹੈ ਕਿ ਬੋਰਡ ਦੇ ਡਾਇਰੈਕਟਰ ਅਤੇ ਬੈਂਕ ਦੇ ਅਧਿਕਾਰੀ ਇਸ ਬਾਰੇ ਪੂਰੀ ਤਰ੍ਹਾਂ ਜਾਣੂ ਸਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
