ਦੇਸ਼ ਦੇ ਕਈ ਹਿੱਸੀਆਂ ਵਿਚ ਲਗਾਤਾਰ ਕਿਸਾਨ ਅੰਦੋਲਨ.....
ਨਾਸਿਕ (ਭਾਸ਼ਾ): ਦੇਸ਼ ਦੇ ਕਈ ਹਿੱਸੀਆਂ ਵਿਚ ਲਗਾਤਾਰ ਕਿਸਾਨ ਅੰਦੋਲਨ ਹੈ। ਫਸਲ ਦੀ ਠੀਕ ਕਮਾਈ ਨਾ ਹੋਣ ਦੇ ਕਾਰਨ ਕਿਸਾਨ ਪ੍ਰੇਸ਼ਾਨ ਹੈ। ਇਨ੍ਹਾਂ ਵਿਚੋਂ ਇਕ ਨਾਸਿਕ ਦੇ ਕਿਸਾਨ ਨੇ ਨਰਾਜ ਹੋ ਕੇ ਅਪਣੀ ਪੂਰੀ ਕਮਾਈ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੂੰ ਹੀ ਭੇਜ ਦਿਤੀ ਸੀ। ਜਿਸ ਤੋਂ ਬਾਅਦ ਇਹ ਚਰਚਾ ਦਾ ਵਿਸ਼ਾ ਬਣ ਗਈ ਸੀ ਅਤੇ ਹੁਣ ਨਰਾਜ ਕਿਸਾਨ ਸੰਜੈ ਸਾਠੇ ਦਾ ਹਾਲ ਜਾਨਣ ਦੇ ਲਈ ਉਨ੍ਹਾਂ ਦੇ ਦਰ ਉਤੇ ਪ੍ਰਧਾਨ ਮੰਤਰੀ ਦਫ਼ਤਰ (PMO) ਦੇ ਕਰਮਚਾਰੀ ਪੁੱਜੇ ਹਨ। ਦੱਸ ਦਈਏ ਕਿ ਨਾਸੀਕ ਜਿਲ੍ਹੇ ਦੇ ਨਿਫਾਡ ਤਹਸੀਲ ਦੇ ਰਹਿਣ ਵਾਲੇ ਸੰਜੈ ਸਾਠੇ ਨੇ ਨਰਾਜ ਹੋ ਕੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੂੰ ਅਪਣੀ ਪੂਰੀ
PM Modi
ਕਮਾਈ 1064 ਰੁਪਏ ਮਨੀ ਆਰਡਰ ਨਾਲ ਭੇਜ ਦਿਤੀ ਸੀ। ਜਿਸ ਤੋਂ ਬਾਅਦ ਪੀ.ਐਮ.ਓ ਹਰਕਤ ਵਿਚ ਆਇਆ। ਪੀ.ਐਮ.ਓ ਨੇ ਨਾਸੀਕ ਕਲੇਕਟਰ ਦੇ ਜਰੀਏ ਕਿਸਾਨ ਨਾਲ ਗੱਲ ਕੀਤੀ ਅਤੇ ਉਨ੍ਹਾਂ ਦੀ ਸਮੱਸਿਆ ਪੁੱਛੀ। ਪੀ.ਐਮ.ਓ ਨੇ ਇਹ ਜਾਨਣ ਦੀ ਕੋਸ਼ਿਸ਼ ਕੀਤੀ ਅਖੀਰ ਅਜਿਹਾ ਕੀ ਹੋਇਆ ਜੋ ਉਹ ਇੰਨਾ ਨਰਾਜ ਹੋਏ ਅਤੇ ਪ੍ਰਧਾਨ ਮੰਤਰੀ ਨੂੰ ਹੀ ਅਪਣੀ ਪੂਰੀ ਕਮਾਈ ਭੇਜੀ। ਇਲਾਕੇ ਦੇ ਡਿਪਟੀ ਕਲੈਕਟਰ ਸ਼ਸ਼ੀਕਾਂਤ ਮੰਗਰੁਲੇ ਨੇ ਕਿਸਾਨ ਨਾਲ ਫੋਨ ਉਤੇ ਗੱਲ ਕੀਤੀ ਅਤੇ ਛੇਤੀ ਹੀ ਉਹ ਉਨ੍ਹਾਂ ਨਾਲ ਮੁਲਾਕਾਤ ਵੀ ਕਰਨਗੇ। ਕਿਸਾਨ ਨਾਲ ਗੱਲ ਕਰਕੇ ਕਲੈਕਟਰ ਇਲਾਕੇ ਵਿਚ ਪਿਆਜ ਦੀ ਜੁੜੀ ਸਮੱਸਿਆ ਨੂੰ ਜਾਨਣਗੇ।
Farmer
ਜਿਸ ਦੀ ਰਿਪੋਰਟ ਪੀ.ਐਮ.ਓ ਨੂੰ ਪਹੁੰਚਾਈ ਜਾਵੇਗੀ। ਦੱਸ ਦਈਏ ਕਿ ਸੰਜੈ ਸਾਠੇ ਨੇ ਕੁਲ 750 KG ਪਿਆਜ ਉਪਜਿਆ, ਪਰ ਜਦੋਂ ਉਹ ਮੰਡੀ ਵਿਚ ਇਨ੍ਹਾਂ ਨੂੰ ਵੇਚਣ ਗਿਆ ਤਾਂ ਇਨ੍ਹਾਂ ਦਾ ਮੁੱਲ ਸਿਰਫ 1 ਰੁਪਏ ਪ੍ਰਤੀ ਕਿੱਲੋਗ੍ਰਾਮ ਮਿਲਣ ਲੱਗਿਆ। ਹਾਲਾਂਕਿ, ਉਨ੍ਹਾਂ ਨੇ 1.40 ਰੁਪਏ ਪ੍ਰਤੀ ਕਿੱਲੋਗ੍ਰਾਮ ਦੇ ਹਿਸਾਬ ਨਾਲ ਕੁਲ 1064 ਰੁਪਏ ਵਿਚ ਵੇਚੇ। ਇਸ ਗੱਲ ਤੋਂ ਨਰਾਜ਼ ਹੋ ਕੇ 29 ਨਵੰਬਰ ਨੂੰ ਉਨ੍ਹਾਂ ਨੇ PMO ਦੇ ਰਾਹਤ ਕੋਸ਼ ਵਿਚ ਹੀ ਸਾਰੀ ਰਾਸ਼ੀ ਦਾਨ ਕਰ ਦਿਤੀ। ਇਹ ਭੇਜਣ ਲਈ ਕੁਲ 54 ਰੁਪਏ ਉਨ੍ਹਾਂ ਨੂੰ ਵੱਖ ਤੋਂ ਵੀ ਦੇਣੇ ਪਏ ਸਨ।
Farmer
ਦੱਸ ਦਈਏ ਕਿ ਸੰਜੈ ਸਾਠੇ ਉਨ੍ਹਾਂ ਕੁਝ ਚੁਣੇ ਪ੍ਰਗਤੀਸ਼ੀਲ ਕਿਸਾਨਾਂ ਵਿਚੋਂ ਇਕ ਹਨ ਜਿਨ੍ਹਾਂ ਨੂੰ ਕੇਂਦਰੀ ਖੇਤੀਬਾੜੀ ਮੰਤਰਾਲਾ ਨੇ ਅਮਰੀਕਾ ਦੇ ਤਤਕਾਲੀਨ ਰਾਸ਼ਟਰਪਤੀ ਬਰਾਕ ਓਬਾਮਾ ਵਲੋਂ 2010 ਵਿਚ ਉਨ੍ਹਾਂ ਦੀ ਭਾਰਤ ਯਾਤਰਾ ਦੇ ਦੌਰਾਨ ਸੰਵਾਦ ਲਈ ਚੁਣਿਆ ਸੀ। ਉਨ੍ਹਾਂ ਨੇ ਕਿਹਾ ਕਿ ਮੈਂ ਕਿਸੇ ਰਾਜਨੀਤਕ ਪਾਰਟੀ ਦਾ ਤਰਜਮਾਨੀ ਨਹੀਂ ਕਰਦਾ, ਪਰ ਮੈਂ ਅਪਣੀਆਂ ਦਿੱਕਤਾਂ ਦੇ ਪ੍ਰਤੀ ਸਰਕਾਰ ਦੀ ਬੇਰਹਿਮੀ ਦੇ ਕਾਰਨ ਨਰਾਜ਼ ਹਾਂ। ਦੱਸ ਦਈਏ, ਪੂਰੇ ਭਾਰਤ ਵਿਚ ਜਿਨ੍ਹਾਂ ਪਿਆਜ ਹੁੰਦਾ ਹੈ, ਉਸ ਵਿਚੋਂ 50 ਫੀਸਦੀ ਤੋਂ ਜਿਆਦਾ ਮਹਾਰਾਸ਼ਟਰ ਦੇ ਨਾਸਿਕ ਜਿਲ੍ਹੇ ਤੋਂ ਆਉਂਦਾ ਹੈ।
