ਤੇਜ਼ੀ ਨਾਲ ਫ਼ੈਲਦੀਆਂ ਹਨ Covid-19 ਦੀਆਂ ਨਵੀਆਂ ਕਿਸਮਾਂ
ਮੁੰਬਈ - ਕੋਰੋਨਾ ਵਾਇਰਸ ਦੇ ਓਮਨੀਕਰੋਨ ਉਪ-ਕਿਸਮ ਦੇ ਪੀੜਤਾਂ ਨਾਲ ਮੁੜ ਕਾਰਨ ਵਧ ਰਹੇ ਕੋਵਿਡ-19 ਦੇ ਮਾਮਲਿਆਂ ਦੀ ਵਧਦੀ ਚਿੰਤਾ ਦੇ ਵਿਚਕਾਰ, ਮੁੰਬਈ ਤੋਂ ਆਈ ਇੱਕ ਨਵੀਨਤਮ ਰਿਪੋਰਟ ਵਿੱਚ ਪਹਿਲੀ ਵਾਰ ਸ਼ਹਿਰ ਵਿੱਚ ਦੋ ਬਹੁਤ ਜ਼ਿਆਦਾ ਲਾਗ ਵਾਲੀਆਂ ਉਪ-ਕਿਸਮਾਂ ਐਕਸ.ਬੀ.ਬੀ. (XBB) ਅਤੇ ਐਕਸ.ਬੀ.ਬੀ.1 (XBB.1) ਨਾਲ ਪੀੜਤ ਮਰੀਜ਼ ਮਿਲਿਆ ਹੈ।
ਇਹੀ ਨਹੀਂ, ਇੱਥੇ ਇਹ ਵੀ ਵਰਨਣਯੋਗ ਹੈ ਕਿ ਮਰੀਜ਼ ਕੋਰੋਨਾ ਦੀ ਮਾਰ ਹੇਠ ਪਹਿਲੀ ਜਾਂ ਦੂਜੀ ਵਾਰ ਨਹੀਂ ਆਇਆ, ਬਲਕਿ ਇਹ ਉਸ ਦਾ ਲੰਘੇ 31 ਮਹੀਨਿਆਂ 'ਚ ਚੌਥਾ ਸੰਕਰਮਣ ਹੈ। ਇਸ ਵਾਰ ਸਾਹਮਣੇ ਆਏ 234 ਕੋਰੋਨਾ ਮਾਮਲਿਆਂ ਵਿੱਚੋਂ ਲਗਭਗ 30 ਫ਼ੀਸਦੀ ਕੇਸ ਐਕਸ.ਬੀ.ਬੀ. ਅਤੇ ਐਕਸ.ਬੀ.ਬੀ.1 ਨਾਲ ਸੰਬੰਧਿਤ ਹਨ।
ਇਹਨਾਂ ਵਿੱਚੋਂ ਇੱਕ ਐਕਸਬੀਬੀ ਨਾਲ ਪੀੜਤ ਮਰੀਜ਼ ਦੀ ਪਛਾਣ ਦਿੱਲੀ ਦੀ ਇੱਕ 62 ਸਾਲਾ ਡਾਕਟਰ ਵੀਨਾ ਅਗਰਵਾਲ ਵਜੋਂ ਹੋਈ ਹੈ। ਡਾਕਟਰ ਅਗਰਵਾਲ ਦੇ ਲਏ ਗਏ ਨਮੂਨਿਆਂ ਦਾ ਚਾਰੋਂ ਵਾਰ ਅਧਿਐਨ ਕੀਤਾ ਗਿਆ, ਅਤੇ ਸਬੂਤ ਹਨ ਕਿ ਪਹਿਲਾਂ ਵੁਹਾਨ ਤੋਂ ਆਈ ਲਾਗ, ਫ਼ੇਰ ਯੂਕੇ ਤੋਂ ਆਏ ਅਲਫ਼ਾ ਸੰਕਰਮਣ, ਉਸ ਤੋਂ ਬਾਅਦ ਡੈਲਟਾ ਦੁਆਰਾ ਅਤੇ ਹੁਣ ਐਕਸ.ਬੀ.ਬੀ. ਨਾਲ ਸੰਕਰਮਿਤ ਹੋਈ ਹੈ।
