ਉਤਰੀ ਗੁਜਰਾਤ ਦੇ ਚਾਰ ਜਿਲ੍ਹਿਆਂ ਦੀ ਪੁਲਿਸ ਨੇ ਬੀਤੇ ਦੋ ਦਿਨ 'ਚ 100 ਤੋਂ ਜ਼ਿਆਦਾ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਹ ਗ੍ਰਿਫ਼ਤਾਰੀਆਂ ਸਾਬਰਕਾਂਠਾ ਜਿਲ੍ਹੇ ਵਿਚ ਇਕ...
ਸਾਬਰਕਾਂਠਾ : ਉਤਰੀ ਗੁਜਰਾਤ ਦੇ ਚਾਰ ਜਿਲ੍ਹਿਆਂ ਦੀ ਪੁਲਿਸ ਨੇ ਬੀਤੇ ਦੋ ਦਿਨ 'ਚ 100 ਤੋਂ ਜ਼ਿਆਦਾ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਹ ਗ੍ਰਿਫ਼ਤਾਰੀਆਂ ਸਾਬਰਕਾਂਠਾ ਜਿਲ੍ਹੇ ਵਿਚ ਇਕ 14 ਮਹੀਨੇ ਦੀ ਬੱਚੀ ਦੇ ਬਲਾਤਕਾਰ ਤੋਂ ਬਾਅਦ ਹੋਏ ਹਿੰਸਕ ਪ੍ਰਦਰਸ਼ਨਾਂ ਤੋਂ ਬਾਅਦ ਹੋਈਆਂ ਹਨ। ਪ੍ਰਦਰਸ਼ਨਕਾਰੀਆਂ ਨੇ ਦੂਜੇ ਰਾਜ ਤੋਂ ਆਏ ਮਜਦੂਰਾਂ ਦੇ ਘਰਾਂ ਨੂੰ ਨਿਸ਼ਾਨਾ ਬਣਾਇਆ। ਉਨ੍ਹਾਂ ਦੀ ਮੰਗ ਹੈ ਕਿ ਆਰੋਪੀ ਨੂੰ ਫ਼ਾਂਸੀ ਦੀ ਸਜ਼ਾ ਦਿਤੀ ਜਾਵੇ। ਦਰਅਸਲ, ਬਲਾਤਕਾਰ ਦੇ ਇਸ ਮਾਮਲੇ ਵਿਚ ਆਰੋਪੀ ਬਿਹਾਰ ਦਾ ਇਕ ਮਜਦੂਰ ਹੈ।
rape
ਪੁਲਿਸ ਦੇ ਮੁਤਾਬਕ, ਗਾਂਧੀਨਗਰ, ਮੇਹਸਾਣਾ, ਸਾਬਰਕਾਂਠਾ ਅਤੇ ਅਰਾਵਲੀ ਜਿਲ੍ਹੇ ਵਿਚ 11 ਮੁਕੱਦਮੇ ਦਰਜ ਕੀਤੇ ਗਏ ਹਨ ਅਤੇ 100 ਤੋਂ ਜ਼ਿਆਦਾ ਲੋਕਾਂ ਨੂੰ ਗੈਰਕਾਨੂਨੀ ਢੰਗ ਨਾਲ ਇੱਕਠੇ ਹੋਣ, ਜਾਇਦਾਦ ਨੂੰ ਨੁਕਸਾਨ ਪਹੁੰਚਾਉਣ ਅਤੇ ਹੋਰ ਇਲਜ਼ਾਮਾਂ 'ਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਦੱਸ ਦਈਏ ਕਿ ਬੀਤੇ ਦੋ ਦਿਨ ਤੋਂ ਸਥਾਨਕ ਲੋਕ ਦੂਜੇ ਰਾਜ ਤੋਂ ਆਏ ਮਜਦੂਰਾਂ ਦੇ ਵਿਰੁਧ ਪ੍ਰਦਰਸ਼ਨ ਕਰ ਰਹੇ ਹਨ। ਲੋਕਾਂ ਨੇ ਕੈਂਡਲ ਮਾਰਚ ਕਢਿਆ ਅਤੇ ਬੰਦ ਵੀ ਬੁਲਾਇਆ। ਪਿਛਲੇ ਮਹੀਨੇ 28 ਸਤੰਬਰ ਨੂੰ ਸਾਬਰਕਾਂਠਾ ਵਿਚ ਕਥਿਤ ਤੌਰ 'ਤੇ ਇਕ 14 ਮਹੀਨੇ ਦੀ ਬੱਚੀ ਦਾ ਇਕ ਮਜਦੂਰ ਨੇ ਬਲਾਤਕਾਰ ਕੀਤਾ ਸੀ।
Rape
ਇਸ ਤੋਂ ਬਾਅਦ ਬੱਚੀ ਨੂੰ ਅਹਿਮਦਾਬਾਦ ਦੇ ਸਰਕਾਰੀ ਹਸਪਤਾਲ ਵਿਚ ਭਰਤੀ ਕਰਾਇਆ ਗਿਆ ਸੀ। ਹੁਣ ਉਸ ਦੀ ਹਾਲਤ ਸਥਿਰ ਦੱਸੀ ਜਾ ਰਹੀ ਹੈ। ਪੁਲਿਸ ਨੇ ਕਿਹਾ ਕਿ ਆਰੋਪੀ ਦੀ ਪਹਿਚਾਣ ਰਵੀਂਦਰ ਦੇ ਤੌਰ 'ਤੇ ਹੋਈ ਹੈ ਜੋ ਬਿਹਾਰ ਦਾ ਰਹਿਣ ਵਾਲਾ ਹੈ ਅਤੇ ਇਕ ਫੈਕਟਰੀ ਵਿਚ ਕੰਮ ਕਰਦਾ ਸੀ। ਪ੍ਰਦਰਸ਼ਨਕਾਰੀਆਂ ਦੇ ਸਮਰਥਨ ਵਿਚ ਠਾਕੁਰ ਫੌਜ ਸਮੇਤ ਕਈ ਸੰਗਠਨ ਉਤਰ ਆਏ ਹਨ। ਬੁੱਧਵਾਰ ਨੂੰ ਸਰਦਾਰ ਪਟੇਲ ਗਰੁਪ ਨੇ ਵੀ ਇਹਨਾਂ ਪ੍ਰਦਰਸ਼ਨਾਂ ਦਾ ਸਮਰਥਨ ਕੀਤਾ। ਇਸ ਵਿਚ, ਪੁਲਿਸ ਨੇ ਸਾਰੇ ਚਾਰ ਜਿਲ੍ਹਿਆਂ ਦੇ ਸੰਵੇਦਨਸ਼ੀਲ ਇਲਾਕਿਆਂ ਵਿਚ ਸੁਰੱਖਿਆ ਪ੍ਰਬੰਧ ਵਧੀਆ ਕਰ ਦਿਤੇ ਹਨ।
Minor Rape
ਇਥੇ ਰਿਜ਼ਰਵ ਪੁਲਿਸ ਬਲਾਂ ਦੀ ਨਿਯੁਕਤੀ ਕੀਤੀ ਗਈ ਹੈ। ਪੁਲਿਸ ਨੇ ਨੇਤਾਵਾਂ, ਕਾਰੋਬਾਰੀਆਂ ਅਤੇ ਪਿੰਡ ਦੇ ਸਰਪੰਚਾਂ ਦੇ ਨਾਲ ਕਈ ਬੈਠਕਾਂ ਕਰ ਕੇ ਲੋਕਾਂ ਦੇ ਗੁੱਸੇ ਨੂੰ ਘੱਟ ਕਰਨ ਦੀ ਕੋਸ਼ਿਸ਼ ਕੀਤੀ। ਗਾਂਧੀਨਗਰ ਰੇਂਜ ਦੇ ਆਈਜੀ ਮਹੇਂਦਰ ਸਿੰਘ ਚਾਵੜਾ ਨੇ ਦੱਸਿਆ ਕਿ ਚਾਰ ਜਿਲ੍ਹਿਆਂ ਵਿਚ ਕੁੱਲ 11 ਮੁਕੱਦਮੇ ਦਰਜ ਕੀਤੇ ਗਏ ਹਨ ਅਤੇ ਆਖਰੀ ਦੋ ਦਿਨ ਵਿਚ 105 ਲੋਕ ਗ੍ਰਿਫ਼ਤਾਰ ਕੀਤੇ ਗਏ ਹਨ। ਅਫ਼ਸਰ ਨੇ ਦੱਸਿਆ ਕਿ ਪੁਲਿਸ ਸਥਾਨਕ ਨੇਤਾਵਾਂ ਦੇ ਸੰਪਰਕ ਵਿਚ ਹਨ। ਕਾਰੋਬਾਰੀਆਂ ਦੇ ਨਾਲ ਵੀ ਬੈਠਕਾਂ ਕੀਤੀਆਂ ਗਈਆਂ ਹਨ। ਇਸ ਤੋਂ ਇਲਾਵਾ, ਸੀਸੀਟੀਵੀ ਕੈਮਰੇ ਲਗਾਏ ਜਾਣ ਸਮੇਤ ਵੱਖਰੇ ਮੁੱਦਿਆਂ 'ਤੇ ਵੀ ਚਰਚਾ ਹੋਈ ਹੈ।
