ਵਾਹਨ ਐਕਟ 1 ਸਤੰਬਰ, 2019 ਨੂੰ ਲਾਗੂ ਹੋਇਆ ਸੀ। ਇਸਦੇ ਨਾਲ, ਟ੍ਰੈਫਿਕ ਨਿਯਮਾਂ ਦੀ ਉਲੰਘਨਾ ਕਰਨ ਦੇ ਜੁਰਮਾਨੇ ਵਿੱਚ ਕਈ ਗੁਣਾ ਵਾਧਾ ਕੀਤਾ ਗਿਆ।
ਮੁੰਬਈ: ਮੋਟਰ ਵਾਹਨ ਐਕਟ 1 ਸਤੰਬਰ, 2019 ਨੂੰ ਲਾਗੂ ਹੋਇਆ ਸੀ। ਇਸਦੇ ਨਾਲ ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ ਦੇ ਜੁਰਮਾਨੇ ਵਿੱਚ ਕਈ ਗੁਣਾ ਵਾਧਾ ਕੀਤਾ ਗਿਆ। ਸ਼ੁਰੂਆਤੀ ਦਿਨਾਂ ਵਿੱਚ ਚਲਾਨ ਕੱਟਣ ਦੀਆਂ ਖਬਰਾਂ ਵੀ ਸਾਹਮਣੇ ਆਈਆਂ ਸਨ। ਕਈ ਥਾਵਾਂ 'ਤੇ ਮੋਟਰ ਵਹੀਕਲ ਐਕਟ ਦਾ ਵਿਰੋਧ ਵੀ ਹੋਇਆ ਹੈ। ਪਰ ਸਿਰਫ ਮੁੰਬਈ ਪੁਲਿਸ ਨੇ ਟ੍ਰੈਫਿਕ ਨਿਯਮਾਂ ਨੂੰ ਤੋੜਨ ਵਾਲਿਆਂ ਵਿਰੁੱਧ ਇੱਕ ਵੱਖਰੀ ਤਰਕੀਬ ਅਜ਼ਮਾਈ ਹੈ।
file photo
ਦਰਅਸਲ, ਮੁੰਬਈ ਟ੍ਰੈਫਿਕ ਪੁਲਿਸ ਲਾਲ ਬੱਤੀ 'ਤੇ ਬੇਲੋੜੇ ਹਾਰਨ ਵਜਾਉਣ ਵਾਲਿਆਂ ਤੋਂ ਪ੍ਰਸ਼ਾਨ ਸੀ। ਅਕਸਰ ਲੋਕ ਸੜਕ ਤੇ ਥੋੜ੍ਹੇ ਜਿਹੇ ਜਾਮ ਤੋਂ ਬਾਅਦ ਹਾਰਨ ਵਜਾਉਣਾ ਸ਼ੁਰੂ ਕਰ ਦਿੰਦੇ ਸਨ। ਜਿਸ ਕਾਰਨ ਆਮ ਆਦਮੀ ਨੂੰ ਮੁਸ਼ਕਲਾਂ ਪੇਸ਼ ਆਉਂਦੀਆਂ ਸਨ। ਦੇਸ਼ ਦੇ ਬਹੁਤ ਸਾਰੇ ਸਥਾਨਾਂ ਤੇ ਇਹ ਵੀ ਲਿਖਿਆ ਗਿਆ ਹੈ ਕਿ ਇਹ ਨੋ-ਹਾਰਨ ਵਾਲਾ ਖੇਤਰ ਹੈ, ਅਤੇ ਇਥੇ ਬੇਲੋੜਾ ਹਾਰਨ ਵਜਾਉਣ ਤੇ ਪਾਬੰਦੀ ਹੈ, ਫਿਰ ਵੀ ਲੋਕ ਬਿਨ੍ਹਾਂ ਕਿਸੇ ਡਰ ਤੋਂ ਅੰਨ੍ਹੇਵਾਹ ਹਾਰਨ ਵਜਾਉਦੇ ਰਹਿੰਦੇ ਸਨ।
file photo
ਹੁਣ ਮੁੰਬਈ ਪੁਲਿਸ ਇਕ ਨਵੀਂ ਤਕਨੀਕ ਦੀ ਵਰਤੋਂ ਕਰ ਰਹੀ ਹੈ ਜਿਸਦੇ ਤਹਿਤ ਜੇ ਕੋਈ ਬੇਲੋੜਾ ਲਾਲ ਬੱਤੀ 'ਤੇ ਖੜ੍ਹਾ ਹੋ ਕੇ ਹਾਰਨ ਵਜਾਉਂਦਾ ਹੈ, ਤਾਂ ਹਰੀ ਬੱਤੀ ਹੋਣ ਵਿਚ ਹੋਰ ਦੇਰੀ ਹੋਵੇਗੀ। ਹਾਰਨ ਵਜਾਉਣ ਨਾਲ ਲਾਲ ਬੱਤੀ ਦਾ ਸਮਾਂ ਵਧੇਗਾ ਅਤੇ 'ਤੇ ਲੰਮਾ ਇੰਤਜ਼ਾਰ ਕਰਨਾ ਪੈ ਸਕਦਾ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਲੋਕ ਹੁਣ ਬਿਨਾਂ ਵਜ੍ਹਾ ਹਾਰਨ ਨਹੀਂ ਵਜਾਉਣਗੇ, ਕਿਉਂਕਿ ਉਨ੍ਹਾਂ ਨੂੰ ਹਾਰਨ ਵਜਾਉਣ ਵੇਲੇ ਲੰਮਾ ਇੰਤਜ਼ਾਰ ਕਰਨਾ ਪਵੇਗਾ।
file photo
ਲਾਲ ਬੱਤੀ ਤੇ ਹਰਾ ਸੰਕੇਤ ਪਾਉਣ ਲਈ ਅਜੇ ਕੁਝ ਸਕਿੰਟ ਲੱਗਦੇ ਨੇ ਅਤੇ ਲੋਕ ਜਲਦੀ ਜਾਣ ਦੇ ਚੱਕਰ ਚ ਹਾਰਨ ਵਜਾਉਣਾ ਸ਼ੁਰੂ ਕਰ ਦਿੰਦੇ ਹਨ। ਦਰਅਸਲ, ਟ੍ਰੈਫਿਕ ਪੁਲਿਸ ਨੇ ਮੁੰਬਈ ਵਿਚ ਲਾਲ ਬੱਤੀ 'ਤੇ ਹਾਰਨ ਵਜਾਉਣ ਤੇ ਲਗਾਮ ਲਗਾਉਣ ਲਈ ਇਕ ਅਨੋਖੀ ਤਰਕੀਬ ਦਾ ਪ੍ਰਯੋਗ ਕੀਤਾ ਹੈ। ਪੁਲਿਸ ਨੇ ਮੁੰਬਈ ਦੀਆਂ ਸੜਕਾਂ 'ਤੇ ਕੁਝ ਟ੍ਰੈਫਿਕ ਸਿਗਨਲਾਂ' ਤੇ ਡੈਸੀਬਲ ਮੀਟਰ ਲਗਾਏ ਹਨ ਅਤੇ ਇਨ੍ਹਾਂ ਮੀਟਰਾਂ ਨੂੰ ਲਾਲ ਬੱਤੀਆਂ ਨਾਲ ਜੋੜਿਆ ਗਿਆ ਹੈ।
file photo
ਜੇਕਰ ਉਸ ਸਿਗਨਲ 'ਤੇ ਨਿਰਧਾਰਤ ਸੀਮਾ ਤੋਂ ਜ਼ਿਆਦਾ ਡੇਸੀਬਲ ਹੈਕਿੰਗ ਹੁੰਦੀ ਹੈ, ਤਾਂ ਹਰੀ ਬੱਤੀ ਹੋਣ ਵਿਚ ਵਧੇਰੇ ਸਮਾਂ ਲੱਗੇਗਾ। ਪੁਲਿਸ ਅਨੁਸਾਰ, ਜੇਕਰ ਹਾਰਨ 85 ਡੈਸੀਬਲ ਤੋਂ ਵੱਧ ਵਜਾਏਗਾ ਤਾਂ ਹਰੀ ਬੱਤੀ ਹੋਣ ਚ 1.30 ਮਿੰਟ ਦਾ ਇੰਤਜ਼ਾਰ ਵਧੇਗਾ। ਜੇ 85 ਡੈਸੀਬਲ ਤੋਂ ਵੱਧ ਹੈ ਤਾਂ ਲਾਲ ਬੱਤੀ ਦੁਬਾਰਾ ਸ਼ੁਰੂ ਹੋਵੇਗੀ।
file photo
ਮੁੰਬਈ ਪੁਲਿਸ ਨੇ ਇਸ ਮੁਹਿੰਮ ਨੂੰ ਹੋਂਕ ਮੋਰ, ਵੇਟ ਮੋਰ ਨਾਮ ਦਿੱਤਾ ਹੈ। ਯਾਨੀ ਜਿੰਨਾ ਜ਼ਿਆਦਾ ਹਾਰਨ ਵਜਾਏਗਾ, ਓਨੇ ਹੀ ਲੰਬੇ ਸਮੇਂ ਲਈ ਟ੍ਰੈਫਿਕ ਸਿਗਨਲ ਦਾ ਇੰਤਜ਼ਾਰ ਕਰਨਾ ਪਵੇਗਾ। ਮੁੰਬਈ ਪੁਲਿਸ ਦੀ ਇਸ ਪਹਿਲ ਨੂੰ ਬੰਗਲੌਰ ਵਿੱਚ ਵੀ ਲਾਗੂ ਕਰਨ ਦੀ ਗੱਲ ਚੱਲ ਰਹੀ ਹੈ। ਇਸ ਦੇ ਨਾਲ ਹੀ ਮੁੰਬਈ ਪੁਲਿਸ ਨੇ ਟਵਿੱਟਰ 'ਤੇ ਇਕ ਵੀਡੀਓ ਪੋਸਟ ਕੀਤਾ ਹੈ। ਜੋ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਫੈਲ ਰਿਹਾ ਹੈ। ਸੋਸ਼ਲ ਮੀਡੀਆ 'ਤੇ ਮੁੰਬਈ ਪੁਲਿਸ ਦੇ ਇਸ ਸ਼ਲਾਘਾਯੋਗ ਕਦਮ ਦੀ ਵਾਹ-ਵਾਹ ਹੋ ਰਹੀ ਹੈ।
