ਡੈਕਲਾਰੇਸ਼ਨ ਸਕੀਮ (I.D.S.) ਦੇ ਤਹਿਤ ਗੁਜ਼ਰਾਤੀਆਂ ਨੇ ਸਾਲ 2016 ‘ਚ 4 ਮਹੀਨੇ ਦੇ ਵਿਚ 18,000 ਕਰੋੜ ਰੁਪਏ ਦੇ ਕਾਲੇ ਧਨ...
ਨਵੀਂ ਦਿੱਲੀ : ਇਨਕਮ ਡੈਕਲਾਰੇਸ਼ਨ ਸਕੀਮ (I.D.S.) ਦੇ ਤਹਿਤ ਗੁਜ਼ਰਾਤੀਆਂ ਨੇ ਸਾਲ 2016 ‘ਚ 4 ਮਹੀਨੇ ਦੇ ਵਿਚ 18,000 ਕਰੋੜ ਰੁਪਏ ਦੇ ਕਾਲੇ ਧਨ ਦਾ ਐਲਾਨ ਕੀਤਾ। ਇਸ ਦਾ ਖੁਲਾਸਾ ਇਕ ਆਰ.ਟੀ.ਆਈ. ਦੁਆਰਾ ਹੋਇਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਵੱਡੀ ਧਨ ਰਾਸ਼ੀ ਉਸ ਸਮੇਂ ਦੌਰਾਨ ਦੇਸ਼ ਭਰ ਵਿਚ ਪਤਾ ਲੱਗੇ ਕੁੱਲ ਕਾਲੇ ਧਨ ਦਾ 29 ਪ੍ਰਤੀਸ਼ਤ ਹੈ। ਆਈ.ਡੀ.ਐੱਸ ਦੁਆਰਾ ਨੋਟਬੰਦੀ ਤੋਂ ਪਹਿਲਾਂ ਜੂਨ ਤੋਂ ਸਤੰਬਰ 2016 ਦੇ ਵਿਚ ਇਸ ਕਾਲੇ ਧਨ ਦੇ ਬਾਰੇ ਵਿਚ ਐਲਾਨ ਕੀਤਾ ਗਿਆ ਸੀ।
Black money declared by Gujarat peoplesਇਕ ਆਰ.ਟੀ.ਆਈ ਦੇ ਜਵਾਬ ਵਿਚ ਆਮਦਨ ਵਿਭਾਗ ਦੁਆਰਾ ਕਿਹਾ ਗਿਆ ਹੈ ਕਿ ਆਈ.ਡੀ.ਐੱਸ. ਦੇ ਦੁਆਰਾ ਗੁਜਰਾਤ ਵਿਚ 18,000 ਕਰੋੜ ਦਾ ਕਾਲਾ ਧਨ ਐਲਾਨ ਕੀਤਾ ਗਿਆ ਜਿਹੜਾ ਕਿ ਦੇਸ਼ ਭਰ ਵਿਚ ਪਤਾ ਲੱਗੇ 65,250 ਕਰੋੜ ਦੇ ਕਾਲੇ ਧਨ ਦਾ 29 ਪ੍ਰਤੀਸ਼ਤ ਹੈ। ਆਮਦਨ ਵਿਭਾਗ ਨੂੰ ਇਸ ਦਾ ਜਵਾਬ ਦੇਣ ਵਿਚ ਦੋ ਸਾਲ ਲੱਗ ਗਏ। ਅਹਿਮਦਾਬਾਦ ਦੇ ਪ੍ਰਾਪਰਟੀ ਡੀਲਰ ਮਹੇਸ਼ ਸ਼ਾਹ ਦੇ ਆਈ.ਈ.ਐੱਸ. ਦੇ ਦੁਆਰਾ 13,860 ਕਰੋੜ ਦੀ ਆਮਦਨ ਐਲਾਨ ਕਰਨ ਦੇ ਬਾਅਦ ਇਹ ਆਰ.ਟੀ.ਆਈ. ਦਰਜ ਕੀਤੀ ਗਈ ਸੀ।
Disclosure by RTI21 ਦਸੰਬਰ 2016 ਨੂੰ ਭਾਰਤ ਸਿੰਘ ਝਾਲਾ ਨਾਮ ਦੇ ਵਿਅਕਤੀ ਨੇ ਆਰ.ਟੀ.ਆਈ. ਦੇ ਤਹਿਤ ਆਮਦਨ ਵਿਭਾਗ ਤੋਂ ਜਾਣਕਾਰੀ ਮੰਗੀ ਸੀ। ਉਸ ਸਮੇਂ ਇੰਨਸਟਾਲਮੈਂਟ ਦੇ ਭੁਗਤਾਨ ਵਿਚ ਮੁਸ਼ਕਿਲ ਆਉਣ ਦੇ ਕਾਰਨ ਮਹੇਸ਼ ਸ਼ਾਹ ਦਾ ਆਈ.ਡੀ.ਐੱਸ. ਰੱਦ ਕਰ ਦਿੱਤਾ ਗਿਆ ਸੀ। ਉਥੇ ਹੀ ਆਮਦਨ ਵਿਭਾਗ ਦੇ ਨੇਤਾਵਾਂ, ਬਿਊਰੋਕ੍ਰੈਟਿਕਸ ਆਦਿ ਦੁਆਰਾ ਐਲਾਨ ਆਮਦਨ ਉਤੇ ਕੁਝ ਵੀ ਬੋਲਣ ਉਤੇ ਤਿਆਰ ਨਹੀਂ ਸਨ। ਭਾਰਤ ਸਿੰਘ ਦਾ ਕਹਿਣਾ ਹੈ ਕਿ ਵਿਭਾਗ ਪਹਿਲਾਂ ਜਾਣਕਾਰੀ ਦੇਣ ਤੋਂ ਮਨ੍ਹਾ ਕਰਦਾ ਰਿਹਾ, ਗੁਜਰਾਤੀ ਭਾਸ਼ਾ ਵਿਚ ਬੇਨਤੀ ਦਾ ਹਵਾਲਾ ਦਿੰਦੇ ਹੋਏ ਆਮਦਨ ਵਿਭਾਗ ਨੇ ਜਾਣਕਾਰੀ ਦੇਣ ਤੋਂ ਮਨ੍ਹਾਂ ਕਰ ਦਿੱਤਾ ਸੀ।
Declared Black Moneyਜਦੋਂਕਿ 5 ਸਤੰਬਰ ਨੂੰ ਮੁੱਖ ਸੂਚਨਾ ਕਮਿਸ਼ਨਰ ਨੇ ਦਿੱਲੀ ਦੇ ਆਮਦਨ ਵਿਭਾਗ ਨੂੰ ਜਾਣਕਾਰੀ ਦੇਣ ਦਾ ਹੁਕਮ ਦਿੱਤਾ। ਉਹ ਕਹਿੰਦੇ ਹਨ ਕਿ ਦੋ ਸਾਲ ਬਾਅਦ ਉਨ੍ਹਾਂ ਨੂੰ ਇਹ ਜਾਣਕਾਰੀ ਮਿਲ ਸਕੀ ਹੈ। 2016 ‘ਚ ਕੇਂਦਰ ਸਰਕਾਰ ਨੇ ਆਈ.ਡੀ.ਐੱਸ. ਦਾ ਐਲਾਨ ਕੀਤਾ ਸੀ ਜਿਸ ਦੇ ਤਹਿਤ ਜੂਨ-ਸਤੰਬਰ 2016 ਦੇ ਵਿਚ ਲੋਕਾਂ ਨੇ ਆਪਣੀ ਗੁਪਤ ਆਮਦਨ ਐਲਾਨ ਕੀਤੀ ਸੀ।
