ਸਥਾਨਕ ਓਲਡ ਸਿਟੀ ਵਿਚ ਸ਼ੁਕਰਵਾਰ ਨੂੰ ਟਕਰਾਅ ਦੌਰਾਨ ਇਕ ਵਿਅਕਤੀ ਦੀ ਮੌਤ ਨੂੰ ਲੈ ਕੇ ਪੁਲਿਸ ਨੇ ਅਣਪਛਾਤੇ ਪੱਥਰਬਾਜ਼ਾਂ ਵਿਰੁਧ ਦੰਗਾ ....
ਸ੍ਰੀਨਗਰ : ਸਥਾਨਕ ਓਲਡ ਸਿਟੀ ਵਿਚ ਸ਼ੁਕਰਵਾਰ ਨੂੰ ਟਕਰਾਅ ਦੌਰਾਨ ਇਕ ਵਿਅਕਤੀ ਦੀ ਮੌਤ ਨੂੰ ਲੈ ਕੇ ਪੁਲਿਸ ਨੇ ਅਣਪਛਾਤੇ ਪੱਥਰਬਾਜ਼ਾਂ ਵਿਰੁਧ ਦੰਗਾ ਅਤੇ ਹੱਤਿਆ ਦੇ ਯਤਨ ਅਤੇ ਸੀਆਰਪੀਐਫ ਡਰਾਈਵਰ ਵਿਰੁਧ ਲਾਪ੍ਰਵਾਹੀ ਦਾ ਕੇਸ ਦਰਜ ਕੀਤਾ ਹੈ। ਇਕ ਪੁਲਿਸ ਅਧਿਕਾਰੀ ਨੇ ਦਸਿਆ ਕਿ ਨੌਹੱਟਾ ਘਟਨਾ ਨੂੰ ਲੈ ਕੇ ਦੋ ਕੇਸ ਦਰਜ ਕੀਤੇ ਗਏ ਹਨ।
crpf driver and unidentified stone pelters bookedਉਨ੍ਹਾਂ ਦਸਿਆ ਕਿ ਅਣਪਛਾਤੇ ਲੋਕਾਂ ਵਿਰੁਧ ਰਣਬੀਰ ਪੈਨਲ ਕੋਡ (ਆਈਪੀਸੀ) ਦੀਆਂ ਵੱਖ ਵੱਖ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ, ਜਦਕਿ ਇਕ ਹੋਰ ਕੇਸ ਸੀਆਰਪੀਐਫ ਡਰਾਈਵਰ ਵਿਰੁਧ ਵੀ ਦਰਜ ਕੀਤਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਅੱਗੇ ਦੀ ਵਿਸਥਾਰ ਨਾਲ ਜਾਂਚ ਕੀਤੀ ਜਾ ਰਹੀ ਹੈ।
crpf driver and unidentified stone pelters booked
ਜ਼ਿਕਰਯੋਗ ਹੈ ਕਿ ਸ਼ੁਕਰਵਾਰ ਨੂੰ ਸ੍ਰੀਨਗਰ ਦੀ ਜਾਮਾ ਮਸਜਿਦ ਕੋਲ ਪੱਥਰਬਾਜ਼ਾਂ ਦੀ ਇਕ ਭੀੜ ਵਲੋਂ ਕੀਤੇ ਹਮਲੇ ਤੋਂ ਬਾਅਦ ਉਥੋਂ ਬਚ ਕੇ ਨਿਕਲੀਆਂ ਸੀਆਰਪੀਐਫ ਦੀਆਂ ਗੱਡੀਆਂ ਦੇ ਹੇਠਾਂ ਆਉਣ ਨਾਲ ਇਕ ਵਿਅਕਤੀ ਦੀ ਮੌਤ ਹੋ ਗਈ ਜਦਕਿ ਦੂਜਾ ਜ਼ਖ਼ਮੀ ਹੋ ਗਿਆ।
crpf driver and unidentified stone pelters booked
ਸੀਆਰਪੀਐਫ ਦੀ ਗੱਡੀ ਨਾਲ ਯੂਨਿਸ ਅਹਿਮਦ ਅਤੇ ਕੈਸਰ ਅਹਿਮਦ ਦੇ ਗੱਡੀ ਨਾਲ ਟਕਰਾਉਣ ਤੋਂ ਬਾਅਦ ਦੋਹਾਂ ਨੂੰ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ ਪਰ ਬੇਹੱਦ ਗੰਭੀਰ ਹਾਲਤ ਵਿਚ ਕੈਸਰ ਦੀ ਅੱਧੀ ਰਾਤ ਨੂੰ ਮੌਤ ਹੋ ਗਈ।
