ਨਿੱਜੀ ਕਾਰਨਾਂ ਦਾ ਹਵਾਲਾ ਦਿੰਦਿਆਂ ਡਾ. ਅਜੈ ਚੌਟਾਲਾ ਨੂੰ ਭੇਜਿਆ ਅਸਤੀਫ਼ਾ
Haryana News: ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਸਿਆਸੀ ਆਗੂਆਂ ਵਲੋਂ ਦਲ-ਬਦਲੀਆਂ ਦਾ ਦੌਰ ਜਾਰੀ ਹੈ। ਇਸ ਵਿਚਾਲੇ ਹਰਿਆਣਾ ਵਿਚ ਜੇਜੇਪੀ ਨੂੰ ਇਕ ਹੋਰ ਝਟਕਾ ਲੱਗਿਆ ਹੈ, ਜਿਥੇ ਅੰਬਾਲਾ ਤੋਂ ਆਗੂ ਹਰਪਾਲ ਸਿੰਘ ਕੰਬੋਜ ਨੇ ਪਾਰਟੀ ਛੱਡਣ ਦਾ ਐਲਾਨ ਕੀਤਾ ਹੈ। 2019 ਵਿਚ ਵਿਧਾਨ ਸਭਾ ਚੋਣ ਲੜ ਚੁੱਕੇ ਹਰਪਾਲ ਕੰਬੋਜ ਨੇ ਨਿੱਜੀ ਕਾਰਨਾਂ ਦਾ ਹਵਾਲਾ ਦਿੰਦਿਆਂ ਡਾ. ਅਜੈ ਚੌਟਾਲਾ ਨੂੰ ਅਸਤੀਫ਼ਾ ਭੇਜਿਆ ਹੈ।
ਹਰਪਾਲ ਕੰਬੋਜ ਇਸ ਸਮੇਂ ਪਾਰਟੀ ਦੇ ਸੂਬਾ ਜਰਨਲ ਸਕੱਤਰ ਹਨ। ਹਰਪਾਲ ਕੰਬੋਜ ਨੇ ਅੰਬਾਲਾ ਵਿਚ ਪ੍ਰੈਸ ਕਾਨਫਰੰਸ ਕਰਕੇ ਇਹ ਐਲਾਨ ਕੀਤਾ। ਉਨ੍ਹਾਂ ਦਸਿਆ ਕਿ ਉਨ੍ਹਾਂ ਅਪਣਾ ਅਸਤੀਫਾ ਪਾਰਟੀ ਸੁਪਰੀਮੋ ਡਾਕਟਰ ਅਜੈ ਚੌਟਾਲਾ ਨੂੰ ਭੇਜ ਦਿਤਾ ਹੈ। ਪਾਰਟੀ ਛੱਡਣ ਦੇ ਬਾਰੇ ਜਾਣਕਾਰੀ ਦਿੰਦਿਆਂ ਹਰਪਾਲ ਕੰਬੋਜ ਨੇ ਦਸਿਆ ਕਿ ਉਹ ਦੇਵੀ ਲਾਲ ਪਰਿਵਾਰ ਨਾਲ ਪਿਛਲੇ 20 ਤੋਂ 25 ਸਾਲਾਂ ਤੋਂ ਜੁੜੇ ਹੋਏ ਹਨ ਅਤੇ ਜੇਜੇਪੀ ਦੇ ਗਠਨ ਤੋਂ ਬਾਅਦ ਉਹ ਅਜੇ ਚੌਟਾਲਾ ਅਤੇ ਦੁਸ਼ਯੰਤ ਦੇ ਨਾਲ ਸਨ।
(For more Punjabi news apart from Harpal Kamboj left JJP Haryana News, stay tuned to Rozana Spokesman)
