ਨਵੀਂ ਦਿੱਲੀ, 11 ਜਨਵਰੀ: ਅਪਣੀ ਆਯੂਵੈਦਿਕ ਅਤੇ ਹਰਬਲ ਹਾਊਸਹੋਲਡ ਉਤਪਾਦਾਂ ਦੇ ਦਮ 'ਤੇ ਭਾਰਤੀ ਬਾਜ਼ਾਰ 'ਚ ਬਾਬਾ ਰਾਮਦੇਵ ਦੀ ਪਤੰਜਲੀ ਨੇ ਸ਼ਾਨਦਾਰ ਸਫਲਤਾ ਪ੍ਰਾਪਤ ਕੀਤੀ ਹੈ। ਪਤੰਜਲੀ ਦੀ ਸਫ਼ਲਤਾ ਨੂੰ ਦੇਖਦਿਆਂ ਇਕ ਫ਼ਰਾਂਸੀਸੀ ਲਗਜ਼ਰੀ ਗਰੁੱਪ ਐੱਲ.ਵੀ. ਐੱਮ.ਐੱਚ ਨੇ ਪਤੰਜਲੀ ਆਯੂਰਵੈਦ 'ਚ 3250 ਕਰੋੜ ਰੁਪਏ ਦੇ ਨਿਵੇਸ਼ ਦੀ ਪੇਸ਼ਕਸ਼ ਕੀਤੀ ਹੈ। ਐੱਲ ਕੈਟਰਟਨ ਏਸ਼ੀਆ ਦੇ ਮੈਨੇਜਿੰਗ ਪਾਰਟਨਰ ਰਵੀ ਠਕਰਾਨ ਨੇ ਕਿਹਾ ਕਿ ਅਸੀਂ ਜੇਕਰ ਕੋਈ ਮਾਡਲ ਲੱਭ ਸਕੇ ਤਾਂ ਉਨ੍ਹਾਂ ਨਾਲ ਜ਼ਰੂਰ ਵਪਾਸ ਕਰਨਾ ਚਾਹਾਂਗੇ। ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੇ ਮਾਡਲ 'ਚ ਬਹੁਰਾਸ਼ਟਰੀ ਅਤੇ ਵਿਦੇਸ਼ੀ ਨਿਵੇਸ਼ ਦੀ ਗੁੰਜਾਇਸ਼ ਨਹੀਂ ਹੈ, ਅਜਿਹਾ ਮੈਨੂੰ ਲੱਗਦਾ ਹੈ।
ਐੱਲ.ਵੀ.ਐੱਮ.ਐੱਚ ਦੀ ਹਿੱਸੇਦਾਰੀ ਵਾਲਾ ਐੱਲ ਕੈਟਰਟਨ ਪ੍ਰਾਈਵੇਟ ਫੰਡ ਅਪਣੇ ਏਸ਼ੀਆ ਫੰਡ 'ਚ ਬਚੀ ਰਕਮ ਦੇ ਅੱਧੇ ਭਾਵ 50 ਕਰੋੜ ਤੋਂ ਪਤੰਜਲੀ 'ਚ ਹਿੱਸੇਦਾਰੀ ਖਰੀਦਣ ਨੂੰ ਤਿਆਰ ਹੈ। ਪਤੰਜਲੀ ਪਿਛਲੇ ਕੁਝ ਸਾਲਾਂ 'ਚ ਦੇਸ਼ ਦੀ ਵੱਡੀ ਐੱਫ.ਐੱਮ.ਸੀ.ਜੀ. ਕੰਪਨੀਆਂ 'ਚ ਸ਼ਾਮਲ ਹੋ ਗਈ ਹੈ। ਉਸ ਨੇ ਹਿੰਦੋਸਤਾਨ ਯੂਨੀਲੀਵਰ, ਕੋਲਗੇਟ ਪਾਮੋਲਿਵ ਤੇ ਡਾਬਰ ਵਰਗੀਆਂ ਗਲੋਬਲ ਅਤੇ ਲੋਕਲ ਕੰਪਨੀਆਂ ਨੂੰ ਅਪਣੇ ਆਯੂਰਵੈਦਿਕ ਪ੍ਰੋਡਕਟ ਪੋਰਟਫੋਲੀਆ ਨੂੰ ਵਿਸਤਾਰ ਦੇਣ 'ਤੇ ਮਜ਼ਬੂਰ ਕਰ ਦਿਤਾ ਹੈ। ਬਾਲਕ੍ਰਿਸ਼ਨ ਨੇ ਕਿਹਾ ਕਿ ਪਤੰਜਲੀ 'ਚ ਹਿੱਸੇਦਾਰੀ ਨਹੀਂ ਵੇਚੀ ਜਾਵੇਗੀ। ਇਸ ਦੇ ਬਾਵਜੂਦ ਉਨ੍ਹਾਂ ਕਿਹਾ ਕਿ ਉਹ ਐੱਲ ਕੈਟਰਟਨ ਨਾਲ ਗੱਲ ਕਰਨ ਨੂੰ ਤਿਆਰ ਹਨ। (ਏਜੰਸੀ
