ਕੰਪਨੀ ਨੇ ਦਸੰਬਰ ਵਿੱਚ ਵੇਚੇ ਲਗਭਗ 1.16 ਲੱਖ ਵਾਹਨ
ਨਵੀਂ ਦਿੱਲੀ : ਦੇਸ਼ ਦੀ ਸਭ ਤੋਂ ਵੱਡੀ ਕਾਰ ਕੰਪਨੀ ਮਾਰੂਤੀ ਸੁਜ਼ੂਕੀ ਨੇ ਅੱਜ ਯਾਨੀ 16 ਜਨਵਰੀ ਤੋਂ ਕਾਰਾਂ ਦੀਆਂ ਕੀਮਤਾਂ ਵਧਾ ਦਿੱਤੀਆਂ ਹਨ। ਸਾਰੇ ਮਾਡਲਾਂ ਦੀ ਐਕਸ-ਸ਼ੋਰੂਮ ਕੀਮਤ 1.1% ਵਧਾਈ ਗਈ ਹੈ। ਹਾਲਾਂਕਿ ਇਹ ਵੇਰੀਐਂਟ ਅਤੇ ਮਾਡਲ ਦੇ ਹਿਸਾਬ ਨਾਲ ਹੈ, ਯਾਨੀ ਸਾਰੀਆਂ ਗੱਡੀਆਂ ਦੀਆਂ ਕੀਮਤਾਂ ਵੱਖ-ਵੱਖ ਵਧਾ ਦਿੱਤੀਆਂ ਗਈਆਂ ਹਨ।
ਕੰਪਨੀ ਨੇ ਅਜੇ ਤੱਕ ਇਸ ਬਾਰੇ ਕੋਈ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਹੈ ਕਿ ਕਿਸ ਮਾਡਲ ਦੀ ਕੀਮਤ ਕਿੰਨੀ ਵਧਾਈ ਜਾਵੇਗੀ। ਕੰਪਨੀ ਮੁਤਾਬਕ ਇਨਪੁਟ ਲਾਗਤ ਵਧਣ ਕਾਰਨ ਵਾਹਨਾਂ ਦੀਆਂ ਕੀਮਤਾਂ 'ਚ ਵਾਧਾ ਕੀਤਾ ਗਿਆ ਹੈ।
ਦਿੱਲੀ 'ਚ ਆਲਟੋ ਦੇ ਬੇਸ ਮਾਡਲ ਦੀ ਐਕਸ-ਸ਼ੋਰੂਮ ਕੀਮਤ 3,729 ਰੁਪਏ ਤੱਕ ਵਧ ਸਕਦੀ ਹੈ। ਇਸ ਦੇ ਨਾਲ ਹੀ ਆਰਟਿਕਾ ਦੇ ਬੇਸ ਮਾਡਲ ਦੀ ਐਕਸ-ਸ਼ੋਰੂਮ ਕੀਮਤ 9,251 ਰੁਪਏ ਤੱਕ ਵਧ ਗਈ ਹੈ।
ਕਿਹੜੀ ਗੱਡੀ ਹੋ ਸਕਦੀ ਹੈ ਕਿੰਨੀ ਮਹਿੰਗੀ?
ਗੱਡੀ ਕੀਮਤ (ਅਨੁਮਾਨਤ ਵਾਧਾ)
ਆਲਟੋ 3,729
ਵੈਗਨ ਆਰ 5,989
ਸਵਿਫ਼ਟ 6,510
ਬਲੇਨੋ 7,139
ਅਰਟਿਗਾ 9,251
ਨੋਟ: ਇਹ ਵਾਧਾ ਦਿੱਲੀ ਐਕਸ ਸ਼ੋਅਰੂਮ 'ਚ ਗੱਡੀਆਂ ਦੇ ਬੇਸ ਮਾਡਲ ਦੀਆਂ ਕੀਮਤਾਂ 'ਚ ਹੈ।
ਮਾਰੂਤੀ ਸੁਜ਼ੂਕੀ ਨੇ ਦਸੰਬਰ 2022 ਲਈ ਆਪਣੇ ਆਟੋ ਵਿਕਰੀ ਦੇ ਅੰਕੜੇ ਜਾਰੀ ਕੀਤੇ ਸਨ। ਕੰਪਨੀ ਨੇ ਦਸੰਬਰ ਮਹੀਨੇ 'ਚ ਕੁੱਲ 1,16,662 ਯੂਨਿਟਸ ਵੇਚੇ ਹਨ। ਇਸ ਤੋਂ ਪਹਿਲਾਂ ਨਵੰਬਰ 'ਚ ਕੰਪਨੀ ਨੇ ਕੁੱਲ 1,59,044 ਯੂਨਿਟਸ ਵੇਚੇ ਸਨ।
ਦਸੰਬਰ 'ਚ ਕਰ ਵੇਚਣ ਵਾਲਿਆਂ ਟਾਪ-10 ਕੰਪਨੀਆਂ
ਕੰਪਨੀ ਯੂਨਿਟ
ਮਾਰੂਤੀ ਸੁਜ਼ੂਕੀ 1,16,662
ਹਾਉਂਡਈ 41,287
ਟਾਟਾ 36,826
ਮਹਿੰਦਰਾ ਐਂਡ ਮਹਿੰਦਰਾ 26,777
ਕੀਆ ਮੋਟਰਜ਼ 18,126
ਟੋਯੋਟਾ 10,125
ਹਾਂਡਾ ਕਾਰਸ ਇੰਡੀਆ 6,816
ਸਕੌਡਾ ਆਟੋ ਫੋਕਸਵੈਗਨ ਗਰੁੱਪ 6,826
ਰੇਨੋ ਇੰਡੀਆ 5,877
ਐਮਜੀ ਮੋਟਰ ਇੰਡੀਆ 3,060
ਆਟੋ ਐਕਸਪੋ 'ਚ ਮਾਰੂਤੀ ਨੇ ਆਪਣੀ ਆਫ ਰੋਡਰ SUV ਜਿਮਨੀ ਨੂੰ ਲਾਂਚ ਕੀਤਾ ਹੈ। ਜਿਮਨੀ ਦਾ 4 ਵ੍ਹੀਲ ਡਰਾਈਵ ਅਤੇ 5 ਡੋਰ ਵਰਜ਼ਨ ਭਾਰਤ 'ਚ ਲਿਆਂਦਾ ਗਿਆ ਹੈ। ਮਾਰੂਤੀ ਨੇ ਜਿਮਨੀ ਦੀ ਬੁਕਿੰਗ ਵੀ ਸ਼ੁਰੂ ਕਰ ਦਿੱਤੀ ਹੈ। ਕੰਪਨੀ ਇਸ ਨੂੰ ਆਪਣੀ ਪ੍ਰੀਮੀਅਮ ਡੀਲਰਸ਼ਿਪ Nexa ਰਾਹੀਂ ਵੇਚੇਗੀ। ਗਾਹਕ ਇਸ ਨੂੰ 11,000 ਰੁਪਏ ਦਾ ਭੁਗਤਾਨ ਕਰਕੇ ਬੁੱਕ ਕਰ ਸਕਦੇ ਹਨ। ਮਾਰੂਤੀ ਦਾ ਕਹਿਣਾ ਹੈ ਕਿ ਜਿਮਨੀ ਇਸ ਸਾਲ ਦੀ ਪਹਿਲੀ ਤਿਮਾਹੀ 'ਚ ਸੜਕਾਂ 'ਤੇ ਦਿਖਾਈ ਦੇਵੇਗੀ।
