SBI Fined News : ਨਿਯਮਾਂ ਦੀ ਪਾਲਣਾ ਨਾ ਕਰਨ ’ਤੇ ਲਗਾਇਆ 1.72 ਕਰੋੜ ਦਾ ਜੁਰਮਾਨਾ
Country's Largest Bank SBI Fined Crores Latest News in Punjabi : ਦਿੱਲੀ : ਭਾਰਤੀ ਰਿਜ਼ਰਵ ਬੈਂਕ ਦੇ ਅਧੀਨ ਦੇਸ਼ ਦੇ ਸਾਰੇ ਬੈਂਕ ਆਉਂਦੇ ਹਨ। ਆਰਬੀਆਈ ਹੀ ਸਾਰੇ ਬੈਂਕਾਂ ਅਤੇ ਐਨਬੀਐਫ਼ਸੀ ਦੇ ਕੰਮਕਾਜ 'ਤੇ ਨਜ਼ਰ ਰੱਖਦਾ ਹੈ। ਇਸ ਦੇ ਨਾਲ ਹੀ, ਸਾਰੇ ਬੈਂਕਾਂ ਲਈ ਆਰਬੀਆਈ ਦੇ ਨਿਯਮਾਂ ਦੀ ਪਾਲਣਾ ਕਰਨਾ ਵੀ ਜ਼ਰੂਰੀ ਹੈ। ਆਰਬੀਆਈ ਸਮੇਂ-ਸਮੇਂ 'ਤੇ ਨਿਯਮਾਂ ਦੀ ਉਲੰਘਣਾ ਕਰਨ 'ਤੇ ਬੈਂਕਾਂ 'ਤੇ ਜੁਰਮਾਨਾ ਵੀ ਲਗਾਉਂਦਾ ਹੈ। ਹੁਣ ਆਰਬੀਆਈ ਨੇ ਦੇਸ਼ ਦੇ ਸੱਭ ਤੋਂ ਵੱਡੇ ਸਰਕਾਰੀ ਬੈਂਕ 'ਤੇ ਨਿਯਮਾਂ ਦੀ ਉਲੰਘਣਾ ਕਰਨ 'ਤੇ ਭਾਰੀ ਜੁਰਮਾਨਾ ਲਗਾਇਆ ਹੈ। ਇਹ ਬੈਂਕ ਦੇਸ਼ ਦਾ ਸੱਭ ਤੋਂ ਵੱਡਾ ਸਰਕਾਰੀ ਬੈਂਕ ਐਸਬੀਆਈ ਹੈ।
ਆਰਬੀਆਈ ਨੇ ਸਟੇਟ ਬੈਂਕ ਆਫ਼ ਇੰਡੀਆ (ਐਸਬੀਆਈ) 'ਤੇ 1.72 ਕਰੋੜ ਰੁਪਏ ਦਾ ਜੁਰਮਾਨਾ ਲਗਾਇਆ ਹੈ। ਆਰਬੀਆਈ ਨੇ ਇਹ ਜੁਰਮਾਨਾ ਐਸਬੀਆਈ 'ਤੇ ਕੁੱਝ ਨਿਯਮਾਂ ਦੀ ਪਾਲਣਾ ਨਾ ਕਰਨ ਕਾਰਨ ਲਗਾਇਆ ਹੈ।
ਆਰਬੀਆਈ ਨੇ ਐਸਬੀਆਈ 'ਤੇ ਇਹ ਜੁਰਮਾਨਾ ਉਧਾਰ ਦੇਣ, ਪੇਸ਼ਗੀ, ਕਾਨੂੰਨੀ ਅਤੇ ਹੋਰ ਪਾਬੰਦੀਆਂ, ਗਾਹਕ ਸੁਰੱਖਿਆ, ਅਣਅਧਿਕਾਰਤ ਇਲੈਕਟ੍ਰਾਨਿਕ ਬੈਂਕਿੰਗ ਲੈਣ-ਦੇਣ ਵਿਚ ਗਾਹਕਾਂ ਦੀ ਜ਼ਿੰਮੇਵਾਰੀ ਨੂੰ ਸੀਮਤ ਕਰਨ ਅਤੇ ਬੈਂਕਾਂ ਦੁਆਰਾ ਚਾਲੂ ਖਾਤੇ ਖੋਲ੍ਹਣ ਵਿਚ ਅਨੁਸ਼ਾਸਨ ਦੀ ਘਾਟ ਕਾਰਨ ਲਗਾਇਆ ਹੈ।
ਆਰਬੀਆਈ ਨੇ ਐਸਬੀਆਈ ਤੋਂ ਇਲਾਵਾ, ਜਨ ਸਮਾਲ ਫ਼ਾਈਨੈਂਸ ਬੈਂਕ 'ਤੇ ਵੀ ਨਿਯਮਾਂ ਦੀ ਉਲੰਘਣਾ ਕਰਨ ਲਈ 1 ਕਰੋੜ ਰੁਪਏ ਦਾ ਜੁਰਮਾਨਾ ਲਗਾਇਆ ਹੈ। ਇਹ ਜੁਰਮਾਨਾ ਬੈਂਕਿੰਗ ਰੈਗੂਲੇਸ਼ਨ ਐਕਟ, 1949 ਦੇ ਨਿਯਮਾਂ ਦੀ ਪਾਲਣਾ ਨਾ ਕਰਨ ਲਈ ਲਗਾਇਆ ਗਿਆ ਹੈ।
ਦੱਸ ਦਈਏ ਕਿ ਆਰਬੀਆਈ ਵਲੋਂ ਲਗਾਏ ਇਸ ਜੁਰਮਾਨੇ ਦਾ ਬੈਂਕ ਦੇ ਗਾਹਕਾਂ 'ਤੇ ਕੋਈ ਅਸਰ ਨਹੀਂ ਪਵੇਗਾ। ਗਾਹਕ ਅਪਣੇ ਬੈਂਕਾਂ ਨਾਲ ਆਮ ਵਾਂਗ ਲੈਣ-ਦੇਣ ਕਰ ਸਕਦੇ ਹਨ।
