ਪਿਛਲੇ ਹਫਤੇ ਆਈ.ਐੱਮ.ਐੱਫ ਨੇ ਅਧਿਕਾਰਕ ਤੌਰ 'ਤੇ ਪਾਕਿਸਤਾਨ ਨੂੰ 6 ਅਰਬ ਡਾਲਰ ਦਾ ਕਰਜ਼ਾ ਦੇਣ ਦੀ ਮਨਜ਼ੂਰੀ ਦਿਤੀ
ਵਾਸ਼ਿੰਗਟਨ : ਅੰਤਰਰਾਸ਼ਟਰੀ ਮੁਦਰਾ ਫੰਡ (ਆਈ.ਐੱਮ.ਐੱਫ) ਦਾ ਕਹਿਣਾ ਹੈ ਕਿ ਕਮਜ਼ੋਰ ਅਤੇ ਅਸੰਤੁਲਿਤ ਵਾਧੇ ਕਾਰਨ ਪਕਿਸਤਾਨ 'ਸਖ਼ਤ ਆਰਥਕ ਚੁਣੌਤੀਆਂ' ਦਾ ਸਾਹਮਣਾ ਕਰ ਰਿਹਾ ਹੈ। ਉਸਦੀ ਅਰਥਵਿਵਸਥਾ ਅਜਿਹੇ ਮੋੜ 'ਤੇ ਆ ਕੇ ਖੜ੍ਹੀ ਹੋ ਗਈ ਹੈ ਜਿਥੇ ਉਸਨੂੰ ਅਭਿਲਾਸ਼ੀ ਅਤੇ ਮਜ਼ਬੂਤ ਸੁਧਾਰਾਂ ਦੀ ਜ਼ਰੂਰਤ ਹੈ। ਨਕਦੀ ਸੰਕਟ ਦਾ ਸਾਹਮਣਾ ਕਰ ਰਹੇ ਪਾਕਿਸਤਾਨ ਨੇ ਅਗਸਤ 2018 ਵਿਚ ਆਈ.ਐੱਮ.ਐੱਫ ਨਾਲ ਰਾਹਤ ਪੈਕੇਜ ਲਈ ਸੰਪਰਕ ਕੀਤਾ ਸੀ। ਦੇਸ਼ ਕੋਲ ਵਰਤਮਾਨ 'ਚ 8 ਅਰਬ ਡਾਲਰ ਤੋਂ ਵੀ ਘੱਟ ਦਾ ਵਿਦੇਸ਼ੀ ਮੁਦਰਾ ਭੰਡਾਰ ਹੈ ਜਿਹੜਾ ਕਿ ਸਿਰਫ 1.7 ਮਹੀਨੇ ਦਾ ਆਯਾਤ ਕਰਨ ਦੇ ਯੋਗ ਹੋ ਸਕਦਾ ਹੈ।
IMF
ਪਿਛਲੇ ਹਫਤੇ ਆਈ.ਐੱਮ.ਐੱਫ ਨੇ ਅਧਿਕਾਰਕ ਤੌਰ 'ਤੇ ਪਾਕਿਸਤਾਨ ਨੂੰ 6 ਅਰਬ ਡਾਲਰ ਦਾ ਕਰਜ਼ਾ ਦੇਣ ਦੀ ਮਨਜ਼ੂਰੀ ਦੇ ਦਿਤੀ। ਇਸ ਵਿਚੋਂ ਇਕ ਅਰਬ ਡਾਲਰ ਦੀ ਰਾਸ਼ੀ ਤੁਰੰਤ ਪਾਕਿਸਤਾਨ ਨੂੰ ਮੁਹੱਈਆ ਕਰਵਾਈ ਗਈ। ਬਾਕੀ ਦੀ ਰਾਸ਼ੀ ਉਸਨੂੰ ਤਿੰਨ ਦਿਨ ਅੰਦਰ ਦਿਤੇ ਜਾਣ ਲਈ ਤੈਅ ਹੋਇਆ ਹੈ। ਇਹ 1980 ਦੇ ਬਾਅਦ ਹੁਣ ਤਕ ਪਾਕਿਸਤਾਨ ਨੂੰ ਦਿਤਾ ਗਿਆ 13ਵਾਂ ਰਾਹਤ ਪੈਕੇਜ ਹੈ। ਆਈ.ਐੱਮ.ਐੱਫ ਦੇ ਕਾਰਜਕਾਰੀ ਬੋਰਡ ਦੇ ਚੇਅਰਮੈਨ ਅਤੇ ਪਹਿਲੇ ਡਿਪਟੀ ਮੈਨੇਜਿੰਗ ਡਾਇਰੈਕਟਰ ਡੇਵਿਡ ਲਿਪਟਨ ਨੇ ਕਿਹਾ, 'ਪਾਕਿਸਤਾਨ ਵੱਡੀ ਫਿਸਕਲ ਅਤੇ ਵਿੱਤੀ ਜ਼ਰੂਰਤਾਂ ਦੇ ਨਾਲ ਅਸੰਤੁਲਿਤ ਵਾਧੇ ਦੇ ਕਾਰਨ ਵੱਡੀਆਂ ਸਖ਼ਤ ਆਰਥਕ ਚੁਣੌਤੀਆਂ ਦਾ ਸਾਹਮਣਾ ਕਰ ਰਿਹਾ ਹੈ।"
IMF
ਉਨ੍ਹਾਂ ਕਿਹਾ ਕਿ ਜਨਤਕ ਕਰਜ਼ੇ ਨੂੰ ਘੱਟ ਕਰਨ ਅਤੇ ਹੋਰ ਲਚੀਲਾਪਨ ਲਿਆਉਣ ਲਈ ਪ੍ਰਭਾਵਸ਼ਾਲੀ ਢੰਗ ਨਾਲ ਵਿੱਤੀ ਘਾਟੇ ਨੂੰ ਘੱਟ ਕਰਨ ਅਹਿਮ ਉਪਾਅ ਹੈ ਅਤੇ ਵਿੱਤੀ ਸਾਲ 2020 ਦੇ ਬਜਟ ਇਸ ਦਿਸ਼ 'ਚ ਸ਼ੁਰੂਆਤੀ ਕਦਮ ਚੁੱਕਣ ਲਈ ਮਹੱਤਵਪੂਰਣ ਹੈ। ਉਨ੍ਹਾਂ ਨੇ ਕਿਹਾ ਕਿ ਵਿੱਤੀ ਟੀਚਿਆਂ ਨੂੰ ਹਾਸਲ ਕਰਨ ਲਈ ਇਕ ਮਲਟੀ ਸਾਲ ਮਾਲੀਆ ਕਲੈਕਸ਼ਨ ਰਣਨੀਤੀ, ਟੈਕਸ ਦਾਇਰਾ ਅਤੇ ਟੈਕਸ ਮਾਲੀਆ ਵਧਾਉਣ ਦੀ ਜ਼ਰੂਰਤ ਹੈ। ਇਹ ਸਾਰਾ ਕੰਮ ਇਕ ਸਟੀਕ ਸੰਤੁਲਨ ਅਤੇ ਜਾਇਜ਼ ਤਰੀਕੇ ਨਾਲ ਹੋਣਾ ਚਾਹੀਦਾ ਹੈ।
