ਦੇਸ਼ ਦਾ ਸਭ ਤੋਂ ਵੱਡਾ ਸਰਕਾਰੀ ਬੈਂਕ ਭਾਰਤੀ ਸਟੇਟ ਬੈਂਕ 1 ਅਕਤੂਬਰ 2019 ਤੋਂ ਅਪਣੇ ਸਰਵਿਸ ਚਾਰਜ ਵਿਚ ਬਦਲਾਅ ਕਰਨ ਜਾ ਰਿਹਾ ਹੈ।
ਨਵੀਂ ਦਿੱਲੀ: ਦੇਸ਼ ਦਾ ਸਭ ਤੋਂ ਵੱਡਾ ਸਰਕਾਰੀ ਬੈਂਕ ਭਾਰਤੀ ਸਟੇਟ ਬੈਂਕ 1 ਅਕਤੂਬਰ 2019 ਤੋਂ ਅਪਣੇ ਸਰਵਿਸ ਚਾਰਜ ਵਿਚ ਬਦਲਾਅ ਕਰਨ ਜਾ ਰਿਹਾ ਹੈ। ਇਸ ਵਿਚ ਬੈਂਕ ‘ਚ ਪੈਸੇ ਜਮਾਂ ਕਰਵਾਉਣ, ਪੈਸੇ ਕਢਵਾਉਣ, ਚੈੱਕ ਦੀ ਵਰਤੋਂ, ਏਟੀਐਮ ਟ੍ਰਾਜ਼ੈਕਸ਼ਨ ਨਾਲ ਜੁੜੇ ਸਰਵਿਸ ਚਾਰਜ ਸ਼ਾਮਲ ਹਨ। ਸਰਵਿਸ ਚਾਰਜ ਵਿਚ ਬਦਲਾਅ ਦੇ ਸਬੰਧ ਵਿਚ ਐਸਬੀਆਈ ਨੇ ਅਪਣੀ ਵੈੱਬਸਾਈਟ ‘ਤੇ ਇਕ ਸਰਕੂਲਰ ਵੀ ਜਾਰੀ ਕਰ ਦਿੱਤਾ ਹੈ।
SBI
1 ਅਕਤੂਬਰ ਤੋਂ ਬਾਅਦ ਤੁਸੀਂ ਅਪਣੇ ਖ਼ਾਤੇ ਵਿਚ ਸਿਰਫ਼ 3 ਵਾਰ ਹੀ ਮੁਫ਼ਤ ਵਿਚ ਪੈਸੇ ਜਮਾਂ ਕਰਵਾ ਸਕਦੇ ਹੋ। ਜੇਕਰ ਇਸ ਤੋਂ ਜ਼ਿਆਦਾ ਵਾਰ ਪੈਸੇ ਜਮਾਂ ਕਰਵਾਏ ਗਏ ਤਾਂ ਪ੍ਰਤੀ ਟ੍ਰਾਜ਼ੈਕਸ਼ਨ 50 ਰੁਪਏ ਦਾ ਚਾਰਜ ਦੇਣਾ ਹੋਵੇਗਾ। ਬੈਂਕ ਸਰਵਿਸ ਚਾਰਜ ‘ਤੇ 12 ਫੀਸਦੀ ਜੀਐਸਟੀ ਵਸੂਲਦਾ ਹੈ। ਇਸ ਤਰ੍ਹਾਂ ਜਦੋਂ ਤੁਸੀਂ ਚੌਥੀ, ਪੰਜਵੀਂ ਜਾਂ ਜ਼ਿਆਦਾ ਵਾਰ ਪੈਸੇ ਜਮਾਂ ਕਰਵਾਓਗੇ ਤਾਂ ਤੁਹਾਨੂੰ ਹਰ ਵਾਰ 56 ਰੁਪਏ ਜ਼ਿਆਦਾ ਦੇਣੇ ਹੋਣਗੇ। ਹਾਲੇ ਤੱਕ ਕਿਸੇ ਵੀ ਬੈਂਕ ਵਿਚ ਖਾਤੇ ‘ਚ ਪੈਸੇ ਜਮਾਂ ਕਰਵਾਉਣ ਸਬੰਧੀ ਕੋਈ ਰੋਕ ਨਹੀਂ ਹੈ।
SBI
ਇਸ ਦੇ ਨਾਲ ਹੀ ਐਸਬੀਆਈ ਨੇ ਚੈੱਕ ਰਿਟਰਨ ਦੇ ਨਿਯਮਾਂ ਨੂੰ ਵੀ ਸਖ਼ਤ ਕਰ ਦਿੱਤਾ ਹੈ। ਬੈਂਕ ਦੇ ਸਰਕੂਲਰ ਅਨੁਸਾਰ 1 ਅਕਤੂਬਰ ਤੋਂ ਬਾਅਦ ਕੋਈ ਵੀ ਚੈੱਕ ਕਿਸੇ ਤਕਨੀਕੀ ਕਾਰਨ (ਬਾਊਂਸ ਤੋਂ ਇਲਾਵਾ) ਵਾਪਸ ਆਉਂਦਾ ਹੈ ਤਾਂ ਚੈੱਕ ਜਾਰੀ ਕਰਨ ਵਾਲੇ ‘ਤੇ 150 ਰੁਪਏ ਅਤੇ ਜੀਐਸਟੀ ਦਾ ਚਾਰਜ ਦੇਣਾ ਹੋਵੇਗਾ। ਜੀਐਸਟੀ ਨੂੰ ਮਿਲਾ ਕੇ ਇਹ ਚਾਰਜ 168 ਰੁਪਏ ਹੋਵੇਗਾ। ਇਸ ਦੇ ਨਾਲ ਹੀ ਐਸਬੀਆਈ ਨੇ ਰਿਅਲ ਟਾਇਮ ਗ੍ਰੋਸ ਸੈਟਲਮੈਂਟ (ਆਰਟੀਜੀਐਸ) ‘ਤੇ ਲਗਾਏ ਜਾਣ ਵਾਲੇ ਚਾਰਜ ਵਿਚ ਰਾਹਤ ਦਿੱਤੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
