ਰਿਜ਼ਰਵ ਬੈਂਕ ਦੀ ਮਾਨਿਟਰੀ ਪਾਲਿਸੀ ਨੇ ਵੀਰਵਾਰ ਨੂੰ ਵਿਆਜ ਦਰਾਂ ਦਾ ਐਲਾਨ ਕੀਤਾ।
ਮੁੰਬਈ: ਰਿਜ਼ਰਵ ਬੈਂਕ ਦੀ ਮਾਨਿਟਰੀ ਪਾਲਿਸੀ ਨੇ ਵੀਰਵਾਰ ਨੂੰ ਵਿਆਜ ਦਰਾਂ ਦਾ ਐਲਾਨ ਕੀਤਾ। ਰੈਪੋ ਰੇਟ ਵਿਚ 0.25 ਫੀਸਦੀ ਕਟੌਤੀ ਕੀਤੀ ਗਈ ਹੈ। ਇਹ 6 ਫੀਸਦੀ ਤੋਂ ਘਟ ਕੇ 5.75 ਫੀਸਦੀ ਹੋ ਗਿਆ ਹੈ। ਰੈਪੋ ਰੇਟ ਵਿਚ ਕਮੀ ਨਾਲ ਹਰ ਤਰ੍ਹਾਂ ਦੇ ਕਰਜ਼ੇ ਸਸਤੇ ਹੋ ਜਾਣਗੇ। ਹਾਲਾਂਕਿ ਇਹ ਬੈਂਕਾਂ ‘ਤੇ ਨਿਰਭਰ ਕਰਦਾ ਹੈ ਕਿ ਉਹ ਰੈਪੋ ਰੇਟ ਵਿਚ ਕਮੀ ਦਾ ਫਾਇਦਾ ਗਾਹਕਾਂ ਨੂੰ ਕਦੋਂ ਤੱਕ ਅਤੇ ਕਿੰਨਾ ਦਿੰਦੇ ਹਨ।
Repo Rate
ਰੈਪੋ ਰੇਟ ਉਹ ਦਰ ਹੈ ਜਿਸ ‘ਤੇ ਆਰਬੀਆਈ ਵਪਾਰਕ ਬੈਂਕਾਂ ਨੂੰ ਕਰਜ਼ਾ ਦਿੰਦਾ ਹੈ। ਆਰਥਕ ਵਿਕਾਸ ਦੀ ਰਫ਼ਤਾਰ ਸੁਸਤ ਪੈਣ ਨਾਲ ਆਰਬੀਆਈ ‘ਤੇ ਵਿਆਜ ਦਰ ਵਿਚ ਕਟੌਤੀ ਦਾ ਦਬਾਅ ਵਧ ਗਿਆ ਸੀ। ਮਾਰਚ ਤਿਮਾਹੀ ਵਿਚ ਜੀਡੀਪੀ ਵਿਕਾਸ ਦਰ ਘਟ ਕੇ 5.8 ਫੀਸਦੀ ਰਹਿ ਗਈ। ਪੂਰੇ ਵਿੱਤੀ ਸਾਲ (2018-19) ਵਿਚ ਵਿਕਾਸ ਦਰ 6.8 ਫੀਸਦੀ ਰਹੀ। ਇਹ ਦਰ ਪੰਜ ਸਾਲਾਂ ਵਿਚ ਸਭ ਤੋਂ ਘੱਟ ਹੈ।
RBI
ਅਜਿਹੇ ਵਿਚ ਕੇਂਦਰੀ ਬੈਂਕ ਦੀ ਕੋਸ਼ਿਸ਼ ਹੈ ਕਿ ਸਸਤੇ ਕਰਜ਼ੇ ਦੇ ਜ਼ਰੀਏ ਬਜ਼ਾਰ ਵਿਚ ਨਗਦੀ ਵਧਾ ਕੇ ਅਰਥ ਵਿਵਸਥਾ ਦੀ ਰਫ਼ਤਾਰ ਤੇਜ਼ ਕੀਤੀ ਜਾਵੇ। ਮਾਨਿਟਰੀ ਪਾਲਿਸੀ ਕਮੇਟੀ ਦੀ ਬੈਠਕ ਦਾ ਬਿਓਰਾ 20 ਜੂਨ 2019 ਨੂੰ ਜਾਰੀ ਕੀਤਾ ਜਾਵੇਗਾ। ਕਮੇਟੀ ਦੀ ਅਗਲੀ ਬੈਠਕ 5-7 ਅਗਸਤ 2019 ਨੂੰ ਹੋਵੇਗੀ।
