GST
ਸਰਕਾਰ ਗੁੱਡਜ਼ ਤੇ ਸਰਵਿਸ ਟੈਕਸ (GST) ਦਰਾਂ 'ਚ ਹੌਲੀ-ਹੌਲੀ ਵਾਧਾ ਕਰਨ ਦੀ ਯੋਜਨਾ...
ਨਵੀਂ ਦਿੱਲੀ: ਸਰਕਾਰ ਗੁੱਡਜ਼ ਤੇ ਸਰਵਿਸ ਟੈਕਸ (GST) ਦਰਾਂ 'ਚ ਹੌਲੀ-ਹੌਲੀ ਵਾਧਾ ਕਰਨ ਦੀ ਯੋਜਨਾ ਬਣਾ ਰਹੀ ਹੈ, ਤਾਂ ਜੋ ਗਾਹਕਾਂ ਦੀ ਜੇਬ 'ਤੇ ਇਕਦਮ ਬੋਝ ਨਾ ਪਵੇ। ਜੀ. ਐੱਸ. ਟੀ. ਰੈਵੇਨਿਊ ਵਧਾਉਣ ਲਈ ਕਈ ਚੀਜ਼ਾਂ ਨੂੰ ਛੋਟ ਦੇ ਦਾਇਰੇ 'ਚੋਂ ਹਟਾ ਕੇ ਟੈਕਸ ਦੇ ਦਾਇਰੇ 'ਚ ਲਿਆਂਦਾ ਜਾ ਸਕਦਾ ਹੈ।
GST
ਫਿਲਹਾਲ ਸੂਬਾ ਸਰਕਾਰਾਂ ਤੇ ਕੇਂਦਰ ਦੇ ਅਧਿਕਾਰੀ ਜੀ. ਐੱਸ. ਟੀ. ਦੇ ਮੌਜੂਦਾ ਢਾਂਚੇ ਦੀ ਸਮੀਖਿਆ ਕਰ ਰਹੇ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਦਰਾਂ 'ਚ ਵਾਧਾ ਇਸ ਢੰਗ ਨਾਲ ਕੀਤਾ ਜਾਵੇਗਾ ਜਿਸ ਨਾਲ ਕਿਸੇ ਨੂੰ ਨੁਕਸਾਨ ਨਾ ਹੋਵੇ।
gst
ਇਸ ਲਈ ਜਾਂ ਤਾਂ ਹੇਠਲੀਆਂ ਦਰਾਂ ਨੂੰ ਵਧਾਇਆ ਜਾਵੇਗਾ ਜਾਂ ਕੁਝ ਚੀਜ਼ਾਂ ਨੂੰ ਹੇਠਲੀ ਸਲੈਬ 'ਚੋਂ ਚੁੱਕ ਕੇ ਉਪਰੀ ਸਲੈਬ 'ਚ ਪਾਇਆ ਜਾ ਸਕਦਾ ਹੈ। ਤਕਰੀਬਨ 150 ਚੀਜ਼ਾਂ ਜੀ. ਐੱਸ. ਟੀ. ਦੀ ਛੋਟ ਲਿਸਟ 'ਚ ਹਨ। ਇਨ੍ਹਾਂ 'ਚੋਂ ਕੁਝ ਨੂੰ ਜੀ. ਐੱਸ. ਟੀ. ਦੇ ਦਾਇਰੇ 'ਚ ਲਿਆਉਣ 'ਤੇ ਵਿਚਾਰ ਕੀਤਾ ਜਾ ਸਕਦਾ ਹੈ।
