ਕੇਂਦਰੀ ਮੰਤਰੀ ਪੀਪੀ ਚੌਧਰੀ ਨੇ ਕਿਹਾ ਕਿ ਸ਼ੱਕੀ ਗਤੀਵਿਧੀਆਂ ਬਾਰੇ ਜਾਣਕਾਰੀ ਦੇਣ ਲਈ ਵਹਿਸਲ ਬਲੋਅਰ ਨੂੰ ਉਤਸ਼ਾਹਿਤ ਕਰਨ ਲਈ ਸਰਕਾਰ ਦੀ ਯੋਜਨਾ ਹੈ। ਉਨ੍ਹਾਂ ਨੇ...
ਨਵੀਂ ਦਿੱਲੀ : ਕੇਂਦਰੀ ਮੰਤਰੀ ਪੀਪੀ ਚੌਧਰੀ ਨੇ ਕਿਹਾ ਕਿ ਸ਼ੱਕੀ ਗਤੀਵਿਧੀਆਂ ਬਾਰੇ ਜਾਣਕਾਰੀ ਦੇਣ ਲਈ ਵਹਿਸਲ ਬਲੋਅਰ ਨੂੰ ਉਤਸ਼ਾਹਿਤ ਕਰਨ ਲਈ ਸਰਕਾਰ ਦੀ ਯੋਜਨਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਸਰਕਾਰ ਕੰਪਨੀ ਕਾਨੂੰਨ ਤਹਿਤ ਜਾਣਕਾਰੀ ਨਾਲ ਸਬੰਧਤ ਪੱਖਾਂ ਦੇ ਅਧਾਰ ਵੇਰਵੇ ਨੂੰ ਜੋੜਨ ਦੀ ਦਿਸ਼ਾ 'ਚ ਵੀ ਕੰਮ ਕਰ ਰਹੀ ਹੈ।
Corporate frauds
ਕਾਰਪੋਰੇਟ ਮਾਮਲਿਆਂ ਦੇ ਮੰਤਰਾਲੇ ਨੇ ਗ਼ੈਰਕਾਨੂੰਨੀ ਢੰਗ ਨਾਲ ਪੈਸਿਆਂ 'ਤੇ ਕਾਰਵਾਈ ਕਰਨ ਲਈ ਕਈ ਕਦਮ ਚੁਕੇ, ਜਿਸ ਨਾਲ ਸਰਕਾਰੀ ਰਿਕਾਰਡ 'ਚੋਂ 2.26 ਲੱਖ ਕੰਪਨੀਆਂ ਨੂੰ ਹਟਾ ਦਿਤਾ ਗਿਆ ਹੈ। ਲਮੇਂ ਸਮੇਂ ਤੋਂ ਕਾਰੋਬਾਰੀ ਗਤੀਵਿਧੀਆਂ ਨਾ ਕਰਨ ਕਾਰਨ ਇਹ ਕਦਮ ਚੁਕਿਆ ਗਿਆ ਹੈ। ਨਾਲ ਹੀ ਅਜਿਹੀ ਕਈ ਇਕਾਈਆਂ ਦੇ ਮਾਮਲੇ 'ਚ ਜਾਂਚ ਦੇ ਆਦੇਸ਼ ਦਿਤੇ ਹਨ। ਚੌਧਰੀ ਨੇ ਹਾਲ 'ਚ ਗਲਬਾਤ ਦੌਰਾਨ ਕਿਹਾ ਕਿ ਅਸੀਂ ਵਹਿਸਲ ਬਲੋਅਰ ਨੂੰ ਉਤਸ਼ਾਹਿਤ ਕਰਾਂਗੇ ਤਾਕਿ ਉਨ੍ਹਾਂ ਨੂੰ ਜੇਕਰ ਕਿਸੇ ਵੀ ਸ਼ੱਕੀ ਗਤੀਵਿਧੀਆਂ ਬਾਰੇ ਜਾਣਕਾਰੀ ਮਿਲਦੀ ਹੈ ਤਾਂ ਉਹ ਉਸ ਬਾਰੇ ਸਰਕਾਰ ਜਾਂ ਫਿਰ ਸਬੰਧਤ ਅਧਿਕਾਰੀ ਨੂੰ ਸੂਚਨਾ ਦੇਣ।
Corporate frauds
ਕਾਰਪੋਰੇਟ ਮਾਮਲਿਆਂ ਦੇ ਰਾਜਮੰਤਰੀ ਨੇ ਕਿਹਾ ਕਿ ਕੰਪਨੀ ਦੀ ਫ਼ਾਈਲਿੰਗ ਨਾਲ ਆਧਾਰ ਨੂੰ ਜੋੜਨ ਨਾਲ ਸਬੰਧਤ ਵਿਅਕਤੀਆਂ ਦੀ ਅਸਲੀਅਤ ਦਾ ਪਤਾ ਲਗਾਉਣ 'ਚ ਮਦਦ ਮਿਲੇਗੀ। ਕੰਪਨੀ ਕਾਨੂੰਨ ਤਹਿਤ ਮੰਤਰਾਲਾ ਨੂੰ ਸੂਚਨਾ ਐਮਸੀਏਏ 21 ਪੋਰਟਲ ਜ਼ਰੀਏ ਦਿਤੀ ਜਾਂਦੀ ਹੈ। ਚੌਧਰੀ ਮੁਤਾਬਕ ਮੰਤਰਾਲਾ ਨੇ ਸਬੰਧਤ ਪੱਖਾਂ ਤੋਂ ਜਲਦੀ ਤੋਂ ਜਲਦੀ ਆਧਾਰ ਹਾਸਲ ਕਰਨ ਅਤੇ ਉਸ ਨੂੰ ਐਮਸੀਏ 21 'ਚ ਉਪਲਬਧ ਅਪਣੇ ਵੇਰਵੇ ਨਾਲ ਜੋੜਨ ਨੂੰ ਕਿਹਾ ਹੈ।
