ਤਕਨੀਕੀ ਕਾਰਨਾਂ ਤੇ ਖ਼ਰਾਬ ਮੌਸਮ ਕਾਰਨ ਲਿਆ ਫ਼ੈਸਲਾ

 Air India Flights Cancel: ਏਅਰ ਇੰਡੀਆ ਨੇ ਰੱਖ-ਰਖਾਅ ਅਤੇ ਸੰਚਾਲਨ ਕਾਰਨਾਂ ਕਰ ਕੇ ਸ਼ੁੱਕਰਵਾਰ ਨੂੰ ਚਾਰ ਅੰਤਰਰਾਸ਼ਟਰੀ ਉਡਾਣਾਂ ਸਮੇਤ ਅੱਠ ਉਡਾਣਾਂ ਰੱਦ ਕਰ ਦਿੱਤੀਆਂ।

ਏਅਰ ਇੰਡੀਆ ਨੇ ਕਿਹਾ ਕਿ ਉਸ ਦੀਆਂ ਟੀਮਾਂ ਯਾਤਰੀਆਂ ਨੂੰ ਜਲਦੀ ਤੋਂ ਜਲਦੀ ਉਨ੍ਹਾਂ ਦੀ ਮੰਜ਼ਿਲ 'ਤੇ ਪਹੁੰਚਾਉਣ ਲਈ ਵਿਕਲਪਿਕ ਪ੍ਰਬੰਧ ਕਰ ਰਹੀਆਂ ਹਨ।

ਏਅਰਲਾਈਨ ਨੇ ਕਿਹਾ ਕਿ ਉਨ੍ਹਾਂ ਨੇ ਟਿਕਟਾਂ ਰੱਦ ਕਰਨ 'ਤੇ ਯਾਤਰੀਆਂ ਨੂੰ ਪੂਰੀ ਰਿਫੰਡ ਜਾਂ ਪੂਰਕ ਪ੍ਰਬੰਧ ਦੀ ਵੀ ਪੇਸ਼ਕਸ਼ ਕੀਤੀ ਹੈ।
ਰੱਦ ਕੀਤੀਆਂ ਗਈਆਂ ਅੰਤਰਰਾਸ਼ਟਰੀ ਉਡਾਣਾਂ ਵਿੱਚ ਦੁਬਈ ਤੋਂ ਚੇਨਈ ਲਈ AI906, ਦਿੱਲੀ ਤੋਂ ਮੈਲਬੌਰਨ ਲਈ AI308, ਮੈਲਬੌਰਨ ਤੋਂ ਦਿੱਲੀ ਲਈ AI309 ਅਤੇ ਦੁਬਈ ਤੋਂ ਹੈਦਰਾਬਾਦ ਲਈ AI2204 ਸ਼ਾਮਲ ਹਨ।

ਏਅਰ ਇੰਡੀਆ ਨੇ ਕਿਹਾ ਕਿ ਚਾਰ ਘਰੇਲੂ ਉਡਾਣਾਂ - ਪੁਣੇ ਤੋਂ ਦਿੱਲੀ ਲਈ AI 874, ਅਹਿਮਦਾਬਾਦ ਤੋਂ ਦਿੱਲੀ ਲਈ AI 456, ਹੈਦਰਾਬਾਦ ਤੋਂ ਮੁੰਬਈ ਲਈ AI 2872 ਅਤੇ ਚੇਨਈ ਤੋਂ ਮੁੰਬਈ ਲਈ AI 571 - ਰੱਦ ਕਰ ਦਿੱਤੀਆਂ ਗਈਆਂ ਹਨ।