ਫ਼ਰਜੀ ਖ਼ਬਰਾਂ ਅਤੇ ਗਲਤ ਸੂਚਨਾਵਾਂ ਦੇ ਖਤਰੇ ਤੋਂ ਨਿਪਟਣ ਲਈ ਫੇਸਬੁੱਕ ਸਥਾਨਿਕ ਮਾਹਿਰਾਂ 'ਤੇ ਧਿਆਨ ਕੇਂਦਰਿਤ ਕਰੇਗਾ। ਸੋਸ਼ਲ ਮੀਡੀਆ ਕੰਪਨੀ ਦੀ ਜਨਤਕ ਨੀਤੀ ਵਿਭਾਗ ...
ਨਵੀਂ ਦਿੱਲੀ : ਫ਼ਰਜੀ ਖ਼ਬਰਾਂ ਅਤੇ ਗਲਤ ਸੂਚਨਾਵਾਂ ਦੇ ਖਤਰੇ ਤੋਂ ਨਿਪਟਣ ਲਈ ਫੇਸਬੁੱਕ ਸਥਾਨਿਕ ਮਾਹਿਰਾਂ 'ਤੇ ਧਿਆਨ ਕੇਂਦਰਿਤ ਕਰੇਗਾ। ਸੋਸ਼ਲ ਮੀਡੀਆ ਕੰਪਨੀ ਦੀ ਜਨਤਕ ਨੀਤੀ ਵਿਭਾਗ ਦੀ ਨਿਦੇਸ਼ਕ ਅੰਖੀ ਦਾਸ ਨੇ ਮੰਗਲਵਾਰ ਨੂੰ ਕਿਹਾ ਕਿ ਪਰਿਵਰਤਨ ਅਤੇ ਤਕਨੀਕੀ ਉਪਰਾਲਿਆਂ ਦੇ ਤਾਲਮੇਲ ਨਾਲ ਫਰਜੀ ਖਬਰਾਂ ਦੇ ਪ੍ਰਸਾਰ ਨੂੰ ਰੋਕਣ ਵਿਚ ਮਦਦ ਮਿਲ ਸਕਦੀ ਹੈ।
Facebook
ਰਾਇਸੀਨਾ ਡਾਇਲਾਗ ਨੂੰ ਸੰਬੋਧਿਤ ਕਰਦੇ ਹੋਏ ਉਨ੍ਹਾਂ ਨੇ ਕਿਹਾ ਮਿਆਂਮਾਰ ਅਤੇ ਸ਼੍ਰੀਲੰਕਾ ਵਿਚ ਫਰਜੀ ਖਬਰਾਂ ਅਤੇ ਗਲਤ ਸੂਚਨਾਵਾਂ ਤੋਂ ਫੈਲੀ ਪਾਗਲ ਭੀੜ ਦੇ ਹਿਸਿਆ ਵਰਗੀਆਂ ਘਟਨਾਵਾਂ ਤੋਂ ਕੰਪਨੀ ਨੇ ਸਬਕ ਸਿੱਖਿਆ ਹੈ। ਇਨ੍ਹਾਂ ਦੇਸ਼ਾਂ ਦੇ ਅਨੁਭਵਾਂ ਤੋਂ ਸਿੱਖਣ ਤੋਂ ਬਾਅਦ ਅਸੀਂ ਅਜਿਹੇ ਦੇਸ਼ਾਂ ਵਿਚ ਜਿੱਥੇ ਉੱਤੇ ਇਸ ਤਰ੍ਹਾਂ ਦੀਆਂ ਘਟਨਾਵਾਂ ਹੁੰਦੀਆਂ ਹਾਂ ਉੱਥੇ ਭਰੋਸਾ ਵਧਾਉਣ ਦੇ ਤੰਤਰ ਨੂੰ ਮਜਬੂਤ ਕੀਤਾ ਹੈ।
ਫ਼ਰਜੀ ਖ਼ਬਰਾਂ 'ਤੇ ਰੋਕ ਲਗਾਉਣ ਦੇ ਸਬੰਧ ਵਿਚ ਚੁੱਕੇ ਗਏ ਕਦਮਾਂ ਦੇ ਬਾਰੇ ਵਿਚ ਉਨ੍ਹਾਂ ਨੇ ਦੱਸਿਆ ਕਿ ਵਟਸਐਪ ਸੰਦੇਸ਼ਾਂ ਦੀ ਗਿਣਤੀ ਨੂੰ ਜਿੱਥੇ ਪੰਜ ਤੱਕ ਸੀਮਿਤ ਕਰ ਦਿਤਾ ਗਿਆ ਹੈ ਉਥੇ ਹੀ ਸਾਮਗਰੀ ਅਤੇ ਸੁਨੇਹੇ ਨੂੰ ਭਾਰਤ ਵਿਚ ਵਾਇਰਲ ਹੋਣ ਤੋਂ ਰੋਕਣ ਲਈ ਕਿਸੇ ਵੀ ਵੀਡੀਓ ਸਾਮਗਰੀ ਦੀ ਫਾਸਟ - ਫਾਰਵਰਡ ਸਹੂਲਤ ਨੂੰ ਰੋਕ ਦਿਤਾ ਗਿਆ ਹੈ। ਦੱਸ ਦਈਏ ਕਿ ਵਟਸਐਪ ਦੀ ਫ਼ਰਜੀ ਖਬਰਾਂ ਤੋਂ ਬਾਅਦ ਪਿਛਲੇ ਸਾਲ ਕਈ ਜਗ੍ਹਾ 'ਤੇ ਹਿਸਿਆ ਦੀਆਂ ਘਟਨਾਵਾਂ ਹੋਈਆਂ ਸਨ ਜਿਸ ਦੇ ਚਲਦੇ ਕੰਪਨੀ ਨੂੰ ਆਲੋਚਨਾਵਾਂ ਦਾ ਸਾਹਮਣਾ ਕਰਨਾ ਪਿਆ ਸੀ।
