ਹਸਪਤਾਲ-ਮੈਡੀਕਲ ਸਟੋਰ ਦੀ ਨਕਦੀ ਵਿਚ ਵਧੇਰੇ ਜ਼ੋਖ਼ਮ
Notes are Dirty, Dangerous Fungus, Risk of TB in 10 to 100 Rupees Latest News in Punjabi ਜੈਪੁਰ : ਸਾਡੀ ਜੇਬ ਜਾਂ ਪਰਸ ਵਿਚ ਰੱਖੀ ਨਕਦੀ (ਭਾਰਤੀ ਕਰੰਸੀ) ਦੀ ਵਰਤੋਂ ਕੁੱਝ ਇਨਫੈਕਸ਼ਨ ਜਾਂ ਬਿਮਾਰੀ ਦਾ ਕਾਰਨ ਬਣ ਸਕਦੀ ਹੈ। ਉਹ ਵੀ, ਜੋ ਅਕਸਰ ਸਾਹਮਣੇ ਵੀ ਨਹੀਂ ਆਉਂਦੀ। ਇਹ ਗੱਲ ਨੋਟਾਂ ਦੇ ਅਧਿਐਨ ਤੋਂ ਸਾਹਮਣੇ ਆਈ ਹੈ। ਰਿਪੋਰਟ ਅਨੁਸਾਰ ਦੁੱਧ ਵਾਲਿਆਂ, ਪਾਣੀਪੁਰੀ ਗੱਡੀਆਂ, ਦੁਕਾਨਾਂ, ਹਸਪਤਾਲਾਂ, ਮੈਡੀਕਲ ਸਟੋਰਾਂ ਅਤੇ ਪੈਟਰੋਲ ਪੰਪਾਂ ਤੋਂ ਨਕਦੀ ਇਕੱਠੀ ਕੀਤੀ ਗਈ, ਜਿੱਥੇ ਇਸ ਦਾ ਲੈਣ-ਦੇਣ ਜ਼ਿਆਦਾ ਹੁੰਦਾ ਹੈ। ਇਸ ਤੋਂ ਬਾਅਦ, ਇਕ ਸੀਨੀਅਰ ਪ੍ਰੋਫ਼ੈਸਰ ਦੀ ਅਗਵਾਈ ਹੇਠ ਰਾਜਸਥਾਨ ਦੀ ਕੇਂਦਰੀ ਯੂਨੀਵਰਸਿਟੀ (ਕਿਸ਼ਨਗੜ੍ਹ) ਦੀ ਬਾਇਓਟੈਕਨਾਲੋਜੀ ਲੈਬ ਵਿਚ ਪੂਰੀ ਨਕਦੀ ਦੀ ਜਾਂਚ ਕੀਤੀ ਗਈ।
ਟੀਮ ਨੇ ਇਨਫੈਕਸ਼ਨ ਲਈ ਇਨ੍ਹਾਂ ਨੋਟਾਂ ਦੀ ਜਾਂਚ ਕਰਵਾਈ। ਟੈਸਟ ਦੇ ਨਤੀਜਿਆਂ ਵਿਚ, 10 ਰੁਪਏ ਤੋਂ ਲੈ ਕੇ 100 ਰੁਪਏ ਤਕ ਦੇ ਨੋਟਾਂ 'ਤੇ ਪੰਜ ਕਿਸਮਾਂ ਦੇ ਖਤਰਨਾਕ ਫੰਗਸ ਪੈਨਿਸਿਲੀਅਮ, ਵੈਲਾਡੋਸਪੋਰੀਅਮ, ਫੁਸਾਰੀਅਮ, ਐਸਪਰਗਿਲਸ, ਟ੍ਰਾਈਕੋਡਰਮਾ ਪਾਏ ਗਏ ਹਨ। ਇਸ ਤੋਂ ਇਲਾਵਾ 4 ਕਿਸਮਾਂ ਦੇ ਬੈਕਟੀਰੀਆ ਈ. ਕੋਲੀ, ਸਟੈਫਾਈਲੋਕੋਕਸ, ਕਲੇਬਸੀਏਲਾ, ਸੂਡੋਮੋਨਾਸ ਦੀ ਮੌਜੂਦਗੀ ਵੀ ਪਾਈ ਗਈ ਹੈ।
6 ਪੱਧਰਾਂ 'ਤੇ ਪ੍ਰਕਿਰਿਆ: ਕਾਰਬਨ-ਨਾਈਟ੍ਰੋਜਨ ਸਰੋਤਾਂ ਵਾਲਾ ਵਿਸ਼ੇਸ਼ ਮਾਧਿਅਮ ਮਿਆਰੀ ਮਾਈਕ੍ਰੋਬਾਇਓਲੋਜੀਕਲ ਵਿਧੀ ਦੁਆਰਾ ਤਿਆਰ ਕੀਤਾ ਗਿਆ ਸੀ। ਜਾਂਚ ਲਈ ਕੁਝ ਬੇਤਰਤੀਬ ਨਕਦੀ ਰੱਖੀ ਗਈ ਸੀ। ਨੋਟਾਂ ਨੂੰ ਸੈਨੀਟਾਈਜ਼ਡ ਕਪਾਸ ਨਾਲ ਪੂੰਝਿਆ ਗਿਆ ਸੀ। ਬਾਹਰੀ ਗੰਦਗੀ ਦੇ ਪ੍ਰਭਾਵ ਤੋਂ ਬਚਣ ਲਈ, ਇਹ ਪ੍ਰਕਿਰਿਆ ਇਕ ਲੈਮੀਨਰ ਫਲੋਹੁੱਡ (ਵਿਸ਼ੇਸ਼ ਉਪਕਰਣ) ਵਿਚ ਕੀਤੀ ਗਈ ਸੀ। ਕਪਾਸ ਦੇ ਟੁਕੜਿਆਂ ਤੋਂ ਲਏ ਗਏ ਸਵੈਬ ਨੂੰ ਇੱਕ ਠੋਸ ਪਲੇਟ 'ਤੇ ਸਟ੍ਰੀਕ ਕੀਤਾ ਗਿਆ ਸੀ ਤਾਂ ਜੋ ਇਸ ਵਿਚ ਮੌਜੂਦ ਬੈਕਟੀਰੀਆ ਮਾਧਿਅਮ 'ਤੇ ਆ ਜਾਣ। ਪਲੇਟਾਂ ਨੂੰ 9 ਘੰਟਿਆਂ ਲਈ 37 ਡਿਗਰੀ 'ਤੇ ਇਕ ਇਨਕਿਊਬੇਟਰ ਵਿਚ ਰੱਖਿਆ ਗਿਆ ਸੀ। ਕੁੱਝ ਸਮੇਂ ਬਾਅਦ, ਬੈਕਟੀਰੀਆ ਦੀ ਗਿਣਤੀ ਵਿਚ ਵੱਡਾ ਵਾਧਾ ਦੇਖਿਆ ਗਿਆ।
ਜੇ ਕਿਸੇ ਨੂੰ ਟੀਬੀ ਹੈ, ਤਾਂ ਨੋਟ 'ਤੇ ਬੈਕਟੀਰੀਆ 24 ਤੋਂ 48 ਘੰਟਿਆਂ ਤਕ ਰਹਿੰਦੇ ਹਨ ਸਰਗਰਮ
ਐਸੋਸੀਏਟ ਪ੍ਰੋਫ਼ੈਸਰ ਡਾ. ਜੈਕਾਂਤ ਯਾਦਵ ਅਤੇ ਸਹਾਇਕ ਪ੍ਰੋਫ਼ੈਸਰ ਡਾ. ਜਨਮੇਜਯ ਨੇ ਕਿਹਾ, 'ਨੋਟਾਂ ਦੀ ਸਮੱਗਰੀ ਸੂਤੀ ਕਾਗਜ਼ ਦੀ ਹੁੰਦੀ ਹੈ, ਇਸ ਲਈ ਇਹ ਨਮੀਦਾਰ ਅਤੇ ਚਿਪਚਿਪੀ ਹੁੰਦੀ ਹੈ। ਇਸ ਵਿਚ ਬੈਕਟੀਰੀਆ-ਫੰਗਸ ਵਧਦੇ ਹਨ। ਇਕ ਵਾਰ ਬੈਕਟੀਰੀਆ ਪੈਦਾ ਹੋ ਜਾਣ ਤਾਂ ਇਹ 3-4 ਸਾਲਾਂ ਤਕ ਖ਼ਤਮ ਨਹੀਂ ਹੁੰਦੇ।' ਦੂਜੇ ਪਾਸੇ, ਸਾਡੀ ਜੀਭ, ਨੱਕ, ਅੱਖਾਂ ਦੇ ਸੰਪਰਕ ਵਿਚ ਆਉਣ 'ਤੇ ਕੀਟਾਣੂ ਸਰਗਰਮ ਹੋ ਜਾਂਦੇ ਹਨ। ਆਮ ਤੌਰ 'ਤੇ, ਕੋਈ ਵੀ ਨਕਦੀ ’ਤੇ ਕੀਟਾਣੂਨਾਸ਼ਕ ਦੀ ਵਰਤੋਂ ਨਹੀਂ ਕਰਦਾ। ਹਸਪਤਾਲਾਂ ਅਤੇ ਮੈਡੀਕਲ ਸਟੋਰਾਂ ਤੋਂ ਨਕਦੀ ਜ਼ਿਆਦਾ ਖ਼ਤਰਨਾਕ ਹੁੰਦੀ ਹੈ। ਜੇ ਕਿਸੇ ਨੂੰ ਟੀਬੀ ਹੈ, ਤਾਂ ਇਸ ਦੇ ਬੈਕਟੀਰੀਆ 24-48 ਘੰਟਿਆਂ ਲਈ ਨਕਦੀ 'ਤੇ ਰਹਿੰਦੇ ਹਨ।
(For more news apart from Notes are Dirty, Dangerous Fungus, Risk of TB in 10 to 100 Rupees Latest News in Punjabi stay tuned to Rozana Spokesman.)
