ਬਦਬੂ ਦਾ ਇਲਾਜ ਕਰਨ ਲਈ ਦੰਦਾਂ ਦੀ ਸਫ਼ਾਈ ਚੰਗੀ ਤਰ੍ਹਾਂ ਕਰੋ
Health News: ਮੋਤੀਆਂ ਵਾਂਗ ਚਮਕਦੇ ਹੋਏ ਦੰਦ ਸਾਡੇ ਵਿਅਕੀਤਵ ਦੀ ਪਛਾਣ ਹੁੰਦੇ ਹਨ। ਅਸੀ ਸਾਰੇ ਚਾਹੁੰਦੇ ਹਾਂ ਕਿ ਲੋਕ ਸਾਡੇ ਨਾਲ ਗੱਲ ਕਰਦੇ ਸਮੇਂ ਖ਼ੁਸ਼ ਹੋਣ, ਅਪਣਾ ਨੱਕ ਬੰਦ ਨਾ ਕਰਨ। ਕਦੀ ਕਦੀ ਸਾਡੇ ਮੂੰਹ ਵਿਚੋਂ ਬਦਬੂ ਆਉਂਦੀ ਹੈ ਜਿਸ ਕਾਰਨ ਲੋਕ ਅਪਣੇ ਆਪ ਸਾਡੇ ਤੋਂ ਦੂਰ ਚਲੇ ਜਾਂਦੇ ਹਨ। ਪਰ ਕਈ ਲੋਕ ਅਪਣੇ ਮੂੰਹ ਤੋਂ ਆ ਰਹੀ ਇਸ ਬਦਬੂ ’ਤੇ ਧਿਆਨ ਹੀ ਨਹੀਂ ਦਿੰਦੇ। ਉਨ੍ਹਾਂ ਨੂੰ ਬਹੁਤ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
ਰੋਜ਼ ਦੰਦਾਂ ਦੀ ਸਫ਼ਾਈ ਨਾ ਕਰਨ ’ਤੇ ਦੰਦਾਂ ਵਿਚਾਲੇ ਖਾਣੇ ਦੇ ਕਣ ਜਮ੍ਹਾਂ ਹੋ ਜਾਂਦੇ ਹਨ ਜਿਸ ਵਿਚ ਮੌਜੂਦ ਬੈਕਟੀਰੀਆ, ਸਲਫ਼ਯੂਰਸ ਗੈਸ ਪੈਦਾ ਹੁੰਦੀ ਹੈ ਤੇ ਮੂੰਹ ਦੀ ਬਦਬੂ ਦਾ ਕਾਰਨ ਬਣਦੀ ਹੈ। ਜਿਨ੍ਹਾਂ ਦੇ ਦੰਦ ਟੇਢੇ ਹੁੰਦੇ ਹਨ, ਉਨ੍ਹਾਂ ਨੂੰ ਇਸ ਪੇ੍ਰਸ਼ਾਨੀ ਦਾ ਸਾਹਮਣਾ ਜ਼ਿਆਦਾ ਕਰਨਾ ਪੈਂਦਾ ਹੈ।ਪੇਟ ਦੀਆਂ ਬੀਮਾਰੀਆਂ ਕਾਰਨ ਵੀ ਮੂੰਹ ’ਚੋਂ ਬਦਬੂ ਆਉਣ ਲੱਗ ਜਾਂਦੀ ਹੈ।
ਨੱਕ, ਕੰਨ ਅਤੇ ਗਲੇ ਦੀਆਂ ਬੀਮਾਰੀਆਂ ਜਿਵੇਂ ਮੂੰਹ ਵਿਚ ਛਾਲੇ, ਸਾਈਨੋਸਾਈਟਿਸ, ਟਾਂਸਿਲਾਇਟਿਸ ਆਦਿ ਬੀਮਾਰੀਆਂ ਤੋਂ ਮੁੱਖ ਵਿਚ ਬੈਕਟੀਰੀਆ ਦੀ ਗਿਣਤੀ, ਜਿਸ ਕਾਰਨ ਮੂੰਹ ਵਿਚ ਬਦਬੂ ਦੀ ਸਮੱਸਿਆ ਵੱਧ ਜਾਂਦੀ ਹੈ।
ਬਦਬੂ ਦਾ ਇਲਾਜ ਕਰਨ ਲਈ ਦੰਦਾਂ ਦੀ ਸਫ਼ਾਈ ਚੰਗੀ ਤਰ੍ਹਾਂ ਕਰੋ। ਸਵੇਰੇ ਅਤੇ ਸ਼ਾਮ ਨੂੰ ਬਰੱਸ਼ ਜ਼ਰੂਰ ਕਰੋ।
ਜੇ ਦੰਦ ਟੇਢੇ ਹਨ ਤਾਂ ਡਾਕਟਰ ਤੋਂ ਇਲਾਜ ਜ਼ਰੂਰ ਕਰਵਾਉ। ਦੰਦਾਂ ਦੇ ਨਾਲ ਜੀਭ ਵੀ ਸਾਫ਼ ਕਰੋ। ਵੱਧ ਮਾਤਰਾ ਵਿਚ ਪਾਣੀ ਪੀਉ। ਦੰਦਾਂ ਵਿਚ ਆਲਪਿਨ ਜਾਂ ਸੂਈ ਦਾ ਇਸਤੇਮਾਲ ਨਾ ਕਰੋ। ਲੋੜ ਹੋਣ ’ਤੇ ਟੁਥ ਪਿਕ ਵਰਤੋ। ਲੋੜ ਪੈਣ ’ਤੇ ਡਾਕਟਰ ਨਾਲ ਸਲਾਹ ਵੀ ਕਰੋ।
