ਫੁੱਲ ਗੋਭੀ ਇਕ ਕਿਲੋ, ਥੋੜਾ ਲੱਸਣ, ਲੂਣ ਸੁਆਦ ਅਨੁਸਾਰ, ਰੀਫ਼ਾਈਂਡ ਤੇਲ, ਲਾਲ ਮਿਰਚ 1 ਵੱਡਾ ਚੱਮਚ, ਗਰਮ ਮਸਾਲਾ ਇਕ ਚੱਮਚ, ਹਲਦੀ ਇਕ ਛੋਟਾ ਚੱਮਚ...
ਸਮੱਗਰੀ : ਫੁੱਲ ਗੋਭੀ ਇਕ ਕਿਲੋ, ਥੋੜਾ ਲੱਸਣ, ਲੂਣ ਸੁਆਦ ਅਨੁਸਾਰ, ਰੀਫ਼ਾਈਂਡ ਤੇਲ, ਲਾਲ ਮਿਰਚ 1 ਵੱਡਾ ਚੱਮਚ, ਗਰਮ ਮਸਾਲਾ ਇਕ ਚੱਮਚ, ਹਲਦੀ ਇਕ ਛੋਟਾ ਚੱਮਚ, ਪਨੀਰ 100 ਗ੍ਰਾਮ, ਅਦਰਕ 20 ਗ੍ਰਾਮ, ਟਮਾਟਰ 2, ਪਿਆਜ਼ 2, ਪੀਸੀ ਹੋਈ ਕਾਲੀ ਮਿਰਚ ਇਕ ਚੱਮਚ।
Cabbage Cheese Masala
ਬਣਾਉਣ ਦਾ ਢੰਗ : ਪਨੀਰ ਦੇ ਇਕ ਇੰਚ ਲੰਮੇ ਤੇ ਅੱਧਾ ਇੰਚ ਚੌੜੇ ਟੁਕੜੇ ਕੱਟ ਲਉ। ਗੋਭੀ ਅਤੇ ਹਰੇ ਮਟਰਾਂ ਨੂੰ ਪਹਿਲਾਂ ਉਬਾਲ ਕੇ ਰੱਖ ਲਉ। 4 ਟਮਾਟਰਾਂ ਦਾ ਪੇਸਟ ਬਣਾ ਲਉ। ਬਰੀਕ ਪਿਆਜ਼ ਕੱਟ ਲਉ। ਪਿਆਜ਼, ਬਦਾਮ, ਨਾਰੀਅਲ ਨੂੰ ਭੁੰਨ ਕੇ ਪੀਸ ਲਉ। ਫਿਰ ਕੜਾਹੀ ਵਿਚ ਘਿਉ ਗਰਮ ਕਰ ਕੇ ਪਨੀਰ ਦੇ, ਟੁਕੜਿਆਂ ਨੂੰ ਤਲੋ। ਹੁਣ ਇਸ ਤੇਲ ਵਿਚ ਤੇਜ਼ ਪੱਤਾ ਪਾਉ। ਜਦ ਤੇਜ਼ ਪੱਤਾ ਭੁਰਾ ਹੋ ਜਾਏ ਤਾਂ ਪੂਰਾ ਪੀਸਿਆ ਹੋਇਆ ਮਸਾਲਾ ਵਾਰੀ ਵਾਰੀ ਪਾਉਂਦੇ ਜਾਉ। ਨਾਲ ਹੀ ਪੀਸੇ ਹੋਏ ਬਦਾਮ, ਪਿਆਜ਼ ਨਾਰੀਅਲ ਨੂੰ ਵੀ ਮਿਲਾ ਕੇ ਪਾ ਦਿਉ।
Cabbage Cheese Masala
ਇਹ ਸੱਭ ਕੁੱਝ 10 ਮਿੰਟ ਤਕ ਭੁੰਨਦੇ ਰਹੋ, ਜਦ ਇਹ ਚੰਗੀ ਤਰ੍ਹਾਂ ਭੁੰਨਿਆ ਜਾਏ ਤਾਂ ਇਸ 'ਚ ਟਮਾਟਰ ਪੇਸਟ, ਫੁੱਲ ਗੋਭੀ, ਮਟਰ ਅਤੇ ਲੂਣ ਪਾ ਕੇ ਥੋੜੀ ਦੇਰ ਹਿਲਾਉਂਦੇ ਰਹੋ। ਫਿਰ ਹਲਕੀ ਅੱਗ 'ਤੇ ਢਕ ਕੇ ਥੋੜੀ ਦੇਰ ਲਈ ਰੱਖੋ। ਬਸ ਪੰਜ-ਸੱਤ ਮਿੰਟ ਤੋਂ ਬਾਅਦ ਪਨੀਰ ਕੋਰਮਾ ਤਿਆਰ ਹੈ। ਇਸ ਨੂੰ ਹੇਠਾਂ ਉਤਾਰ ਕੇ ਹਰਾ ਧਨੀਆ ਪਾਉ ਅਤੇ ਪਰੋਸੋ।
