ਛੋਟੇ ਕਮਰੇ ਵਿਚ ਜ਼ਿਆਦਾ ਸਮਾਨ ਰੱਖਣ ਨਾਲ ਕਮਰੇ ਦੀ ਦਿੱਖ ਵਿਚ ਫ਼ਰਕ ਪੈ ਜਾਂਦਾ ਹੈ ਅਤੇ ਹੋਰ ਛੋਟਾ ਲੱਗਣ ਲੱਗਦਾ ਹੈ।
ਘਰ ਦੀਆਂ ਸਾਰੀਆਂ ਚੀਜ਼ਾਂ ਨੂੰ ਛੋਟੀ ਥਾਂ ‘ਤੇ ਸਹੀ ਢੰਗ ਨਾਲ ਰੱਖਣਾ ਬਹੁਤ ਮੁਸ਼ਕਿਲ ਹੈ। ਚਾਹੇ ਤੁਸੀਂ ਸਟੂਡੀਓ -ਅਪਾਰਟਮੈਂਟ ਰਹਿ ਰਹੇ ਹੋਵੋ। ਛੋਟੇ ਕਮਰੇ ਵਿਚ ਜ਼ਿਆਦਾ ਸਮਾਨ ਸੈਟ ਕਰਨਾ ਔਖਾ ਕੰਮ ਹੈ। ਛੋਟੇ ਕਮਰੇ ਵਿਚ ਜ਼ਿਆਦਾ ਸਮਾਨ ਰੱਖਣ ਨਾਲ ਕਮਰੇ ਦੀ ਦਿੱਖ ਵਿਚ ਫ਼ਰਕ ਪੈ ਜਾਂਦਾ ਹੈ ਅਤੇ ਹੋਰ ਛੋਟਾ ਲੱਗਣ ਲੱਗਦਾ ਹੈ। ਇਸ ਲਈ ਅਸੀਂ ਤੁਹਾਨੂੰ ਕੁਝ ਅਜਿਹੇ ਤਰੀਕੇ ਦੱਸਣ ਜਾ ਰਹੇ ਹਾਂ, ਜਿਨ੍ਹਾਂ ਦੀ ਵਰਤੋਂ ਨਾਲ ਛੋਟੀ ਥਾਂ ‘ਤੇ ਜ਼ਿਆਦਾ ਸਮਾਨ ਵਧੀਆ ਤਰੀਕੇ ਨਾਲ ਟਿਕਾਇਆ ਜਾ ਸਕਦਾ ਹੈ।
Dining Table
ਖਾਣੇ ਦੇ ਟੇਬਲ ਨੂੰ ਕਰੋ ਛੋਟਾ
ਘਰ ਵਿਚ ਵੱਡੇ ਟੇਬਲ ਜ਼ਿਆਦਾ ਥਾਂ ਘੇਰਦੇ ਹਨ ਅਤੇ ਇਹ ਦਿਖਣ ਵਿਚ ਵੀ ਕੁਝ ਜ਼ਿਆਦਾ ਸਹੀ ਨਹੀਂ ਲੱਗਦੇ। ਇਸ ਲਈ ਵੱਡੇ ਟੇਬਲ ਦੀ ਥਾਂ ‘ਤੇ ਛੋਟੇ ਟੇਬਲ ਦੀ ਵਰਤੋਂ ਕਰ ਕੇ ਜ਼ਿਆਦਾ ਥਾਂ ਬਚਾਈ ਜਾ ਸਕਦੀ ਹੈ ਅਤੇ ਕਮਰੇ ਨੂੰ ਵਧੀਆ ਦਿੱਖ ਦਿੱਤੀ ਜਾ ਸਕਦੀ ਹੈ।
TV on the wall
ਦੀਵਾਰ ‘ਤੇ ਲਗਾਓ ਟੈਲੀਵਿਜ਼ਨ
ਮੇਜ਼ ‘ਤੇ ਰੱਖੇ ਜਾਣ ਵਾਲੇ ਟੀਵੀ ਵੀ ਘਰ ਵਿਚ ਜ਼ਿਆਦਾ ਥਾਂ ਘੇਰਦੇ ਹਨ। ਇਸ ਲਈ ਛੋਟੇ ਕਮਰੇ ਵਿਚ ਟੀਵੀ ਨੂੰ ਦੀਵਾਰ ‘ਤੇ ਲਗਾ ਕੇ ਵੀ ਜਗ੍ਹਾ ਨੂੰ ਬਚਾਇਆ ਜਾ ਸਕਦਾ ਹੈ।
Wall Desk
ਘਰ ਵਿਚ ਲਿਆਓ ਕੰਧ ‘ਤੇ ਲੱਗਣ ਵਾਲਾ ਡੈਸਕ
ਜੇਕਰ ਤੁਹਾਡੇ ਕੋਲ ਕੋਈ ਦਫ਼ਤਰ ਨਹੀਂ ਹੈ ਫਿਰ ਵੀ ਤੁਸੀਂ ਛੋਟੇ ਘਰ ਵਿਚ ਕੰਮ ਕਰ ਸਕਦੇ ਹੋ। ਇਸ ਦੇ ਲਈ ਘਰ ਦੀ ਕੰਧ ‘ਤੇ ਹੀ ਡੈਸਕ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ। ਇਹ ਡੈਸਕ ਘਰ ਵਿਚ ਬਿਲਕੁਲ ਵੀ ਥਾਂ ਨਹੀਂ ਘੇਰਦੇ।
Day Bed
ਫੋਲਡਿੰਗ ਬੈੱਡ ਦੀ ਕਰੋ ਵਰਤੋਂ
ਫੋਲਡਿੰਗ ਬੈੱਡ ਦੀ ਵਰਤੋਂ ਕਰ ਕੇ ਵੀ ਕਮਰੇ ਦੀ ਜਗ੍ਹਾ ਨੂੰ ਵਧਾਇਆ ਜਾ ਸਕਦਾ ਹੈ। ਜੇਕਰ ਘਰ ਵਿਚ ਕੋਈ ਗੈਸਟ ਰੂਮ ਨਹੀਂ ਹੈ ਤਾਂ ਫੋਲਡਿੰਗ ਬੈੱਡ ਦੀ ਵਰਤੋਂ ਨਾਲ ਡਰਾਇੰਗ ਰੂਮ ਨੂੰ ਹੀ ਗੈਸਟ ਰੂਮ ਬਣਾਇਆ ਜਾ ਸਕਦਾ ਹੈ।
Create Zones
ਜ਼ੋਨ ਬਣਾਓ
ਘਰ ਦੇ ਹਰੇਕ ਸਮਾਨ ਲਈ ਵੱਖਰੇ ਵੱਖਰੇ ਜ਼ੋਨ ਬਣਾਓ । ਇਹ ਜ਼ੋਨ ਖਾਣ-ਪੀਣ, ਕੱਪੜੇ, ਜੁੱਤੀਆਂ ਆਦਿ ਦੇ ਅਧਾਰ ‘ਤੇ ਬਣਾਏ ਜਾ ਸਕਦੇ ਹਨ।
Mirror at home
ਘਰ ਵਿਚ ਲਗਾਓ ਸ਼ੀਸ਼ੇ
ਘਰ ਵਿਚ ਸ਼ੀਸ਼ੇ ਲਗਾਉਣ ਨਾਲ ਵੀ ਘਰ ਵੱਡਾ ਅਤੇ ਹਵਾਦਾਰ ਲੱਗਦਾ ਹੈ।
