ਬਾਲੀਵੁੱਡ ਅਭਿਨੇਤਰੀ ਰਾਖੀ ਸਾਵੰਤ ਵਲੋਂ ਬੀਤੇ ਦਿਨੀਂ ਹਨੀਪ੍ਰੀਤ ਤੇ ਡੇਰਾ ਮੁਖੀ ਸੌਦਾ ਸਾਧ 'ਤੇ ਦਿੱਤੇ ਬਿਆਨਾਂ ਨਾਲ ਉਸ ਦੀਆਂ ਮੁਸ਼ਕਿਲਾਂ ਵਧ ਸਕਦੀਆਂ ਹਨ। ਕਿਉਂਕਿ ਹਨੀਪ੍ਰੀਤ ਦੀ ਮਾਂ ਆਸ਼ਾ ਤਨੇਜਾ ਨੇ ਰਾਖੀ ਸਾਵੰਤ ਨੂੰ 5 ਕਰੋੜ ਰੁਪਏ ਦਾ ਨੋਟਿਸ ਭੇਜਿਆ ਹੈ। ਇਹ ਨੋਟਿਸ ਵਕੀਲ ਮੋਮਿਨ ਮਲਿਕ ਨੇ ਭੇਜਿਆ ਹੈ। 

ਉਨ੍ਹਾਂ ਨੇ ਪੱਤਰਕਾਰਾਂ ਨੂੰ ਇਹ ਵੀ ਕਿਹਾ ਹੈ ਕਿ ਰਾਖੀ 30 ਦਿਨਾਂ ਦੇ ਅੰਦਰ ਉਨ੍ਹਾਂ ਤੋਂ ਮੁਆਫੀ ਮੰਗੇ, ਨਹੀਂ ਤਾਂ ਉਹ ਮੁਕੱਦਮਾ ਦਾਇਰ ਕਰਨਗੇ। ਹਨੀਪ੍ਰੀਤ ਦੀ ਮਾਂ ਨੇ ਰਾਖੀ ਸਾਵੰਤ 'ਤੇ ਦੋਸ਼ ਲਾਇਆ ਹੈ ਕਿ ਉਸ ਨੇ ਸੌਦਾ ਸਾਧ ਮਾਮਲੇ 'ਚ ਹਨੀਪ੍ਰੀਤ ਨੂੰ ਬਦਨਾਮ ਕੀਤਾ ਹੈ। 

ਵਕੀਲ ਦਾ ਕਹਿਣਾ ਹੈ ਕਿ ਹਨੀਪ੍ਰੀਤ ਨੂੰ ਸੌਦਾ ਸਾਧ ਮਾਮਲੇ 'ਚ ਬਦਨਾਮ ਕਰਨ ਲਈ ਰਾਖੀ ਸਾਵੰਤ ਨੇ ਜੋ ਬਿਆਨ ਦਿੱਤੇ ਸਨ, ਉਨ੍ਹਾਂ ਨੂੰ ਉਹ ਵਾਪਸ ਲਵੇ। ਜੇਕਰ ਰਾਖੀ ਸਾਵੰਤ ਅਜਿਹਾ ਨਹੀਂ ਕਰਦੀ ਤਾਂ ਉਸ ਖਿਲਾਫ 5 ਕਰੋੜ ਮਾਣਹਾਨੀ ਦਾ ਮੁਕੱਦਮਾ ਕੀਤਾ ਜਾਵੇਗਾ। 

ਮੋਮਿਨ ਮਲਿਕ ਨੇ ਕਿਹਾ ਕਿ ਅੱਜ ਰਾਖੀ ਸਾਵੰਤ ਨੂੰ 5 ਕਰੋੜ ਰੁਪਏ ਦਾ ਲੀਗਲ ਨੋਟਿਸ ਜਾਰੀ ਕੀਤਾ ਗਿਆ ਹੈ। ਉਸ 'ਚ ਕਿਹਾ ਗਿਆ ਹੈ ਕਿ 30 ਦਿਨ ਦੇ ਅੰਦਰ ਰਾਖੀ ਮੁਆਫੀ ਮੰਗੇ ਅਤੇ ਹਰਜਾਨੇ 'ਚ 5 ਕਰੋੜ ਰੁਪਏ ਦੇਵੇ ਨਹੀਂ ਤਾਂ ਉਸ ਖਿਲਾਫ ਮੁਕੱਦਮਾ ਦਰਜ ਕੀਤਾ ਜਾਵੇਗਾ।