ਪਰ ਪੰਜਾਬ ਦੇ ਮਾਲਵੇ ਖੇਤਰ ਦੇ ਅਜਿਹੇ ਦੋ ਨੌਜਵਾਨ ਕਿਸਾਨਾਂ ਨੇ ਸਮਾਜ ਨੂੰ ਸ਼ੁੱਧ ਭੋਜਨ ਪ੍ਰਦਾਨ ਕਰਵਾਉਣਾ ਅਪਣਾ ਟੀਚਾ ਬਣਾ ਲਿਆ ।
ਭੋਜਨ ਜੀਵਨ ਦੀ ਮੂਲ ਲੋੜ ਹੈ, ਪਰ ਕੀ ਹੋਵੇਗਾ ਜਦੋਂ ਤੁਹਾਡਾ ਭੋਜਨ ਉਤਪਾਦਨ ਦੇ ਦੌਰਾਨ ਬਹੁਤ ਹੀ ਬੁਨਿਆਦੀ ਪੱਧਰ 'ਤੇ ਮਿਲਾਵਟੀ ਅਤੇ ਦੂਸਿ਼ਤ ਹੋ ਜਾਵੇ !
ਅੱਜ ਭਾਰਤ ਵਿਚ ਭੋਜਨ 'ਚ ਮਿਲਾਵਟ ਇੱਕ ਪ੍ਰਮੁੱਖ ਮੁੱਦਾ ਹੈ, ਜਦੋਂ ਗੁਣਵੱਤਾ ਦੀ ਗੱਲ ਆਉਂਦੀ ਹੈ ਤਾਂ ਉਤਪਾਦਕ / ਨਿਰਮਾਤਾ ਅਨ੍ਹੇ ਹੋ ਜਾਂਦੇ ਹਨ ਅਤੇ ਉਹ ਕੇਵਲ ਮਾਤਰਾ 'ਤੇ ਧਿਆਨ ਕੇਂਦਰਿਤ ਕਰਦੇ ਹਨ, ਜੋ ਨਾ ਕੇਵਲ ਭੋਜਨ ਦੇ ਸਵਾਦ ਅਤੇ ਤੱਤਾਂ ਨੂੰ ਪ੍ਰਭਾਵਿਤ ਕਰਦਾ ਹੈ ਸਗੋਂ ਖਪਤਕਾਰ ਦੀ ਸਿਹਤ ਨੂੰ ਵੀ ਪ੍ਰਭਾਵਿਤ ਕਰਦਾ ਹੈ । ਪਰ ਪੰਜਾਬ ਦੇ ਮਾਲਵੇ ਖੇਤਰ ਦੇ ਅਜਿਹੇ ਦੋ ਨੌਜਵਾਨ ਕਿਸਾਨਾਂ ਨੇ ਸਮਾਜ ਨੂੰ ਸ਼ੁੱਧ ਭੋਜਨ ਪ੍ਰਦਾਨ ਕਰਵਾਉਣਾ ਅਪਣਾ ਟੀਚਾ ਬਣਾ ਲਿਆ ।
ਇਹ ਨਵਦੀਪ ਬੱਲੀ ਅਤੇ ਗੁਰਸ਼ਰਨ ਸਿੰਘ ਦੀ ਕਹਾਣੀ ਹੈ ਜਿਨ੍ਹਾਂ ਨੇ ਅਪਣੇ ਅਨੋਖੇ ਉਤਪਾਦਨ ਕੱਚੀ ਹਲਦੀ ਦੇ ਅਚਾਰ ਦੇ ਨਾਲ ਬਾਜ਼ਾਰ ਵਿਚ ਪਰਵੇਸ਼ ਕੀਤਾ ਅਤੇ ਥੋੜ੍ਹੇ ਸਮਾਂ ਵਿਚ ਹੀ ਪ੍ਰਸਿੱਧ ਹੋ ਗਏ ਹਨ । ਇਹ ਸਭ ਤੱਦ ਸ਼ੁਰੂ ਹੋਇਆ ਜਦੋਂ ਉਨ੍ਹਾਂ ਨੇ ਕੱਚੀ ਹਲਦੀ ਦੇ ਕਈ ਲਾਭ ਅਤੇ ਘਰੇਲੂ ਨੁਸਖਿਆਂ ਦੀ ਖੋਜ ਦੀ ਜੋ ਖ਼ਰਾਬ ਕੋਲੇਸਟਰੋਲ ਨੂੰ ਕਾਬੂ ਕਰਨ ਵਿਚ ਮਦਦ ਕਰਦੇ ਹਨ, ਚਮੜੀ ਦੀਆਂ ਬੀਮਾਰੀਆਂ, ਏਲਰਜੀ ਅਤੇ ਜ਼ਖਮਾਂ ਨੂੰ ਦਰੁਸਤ ਕਰਨ ਵਿਚ ਮਦਦ ਕਰਦੇ ਹਨ, ਕੈਂਸਰ ਵਰਗੇ ਜਾਨਲੇਵਾ ਰੋਗ ਅਤੇ ਕਈ ਹੋਰ ਬੀਮਾਰੀਆਂ ਨੂੰ ਰੋਕਣ ਵਿਚ ਮਦਦ ਕਰਦੇ ਹਨ ।
ਸ਼ੁਰੂ ਤੋਂ ਹੀ ਦੋਨਾਂ ਦੋਸਤਾਂ ਨੇ ਕੁੱਝ ਵੱਖਰਾ ਕਰਨ ਦਾ ਫੈਸਲਾ ਕੀਤਾ ਸੀ, ਇਸ ਲਈ ਉਨ੍ਹਾਂ ਹਲਦੀ ਦੀ ਖੇਤੀ ਸ਼ੁਰੂ ਕੀਤੀ ਅਤੇ 80—90 ਕੁਇੰਟਲ ਪ੍ਰਤੀ ਏਕੜ ਦੀ ਉਪਜ ਪ੍ਰਾਪਤ ਕੀਤੀ । ਉਸਦੇ ਬਾਅਦ ਉਨ੍ਹਾਂ ਆਪਣੀ ਫਸਲ ਨੂੰ ਪ੍ਰੋਸੇਸ ਕਰਨ ਅਤੇ ਉਸਨੂੰ ਕੱਚੀ ਹਲਦੀ ਦੇ ਅਚਾਰ ਦੇ ਰੂਪ ਵਿਚ ਮਾਰਕਿਟ 'ਚ ਵੇਚਣ ਦਾ ਫੈਸਲਾ ਕੀਤਾ । ਪਹਿਲਾ ਸਥਾਨ ਜਿੱਥੇ ਉਨ੍ਹਾਂ ਦੇ ਉਤਪਾਦ ਨੂੰ ਲੋਕਾਂ ਦੇ ਵਿੱਚ ਪ੍ਰਸਿੱਧੀ ਮਿਲੀ ਉਹ ਸੀ ਬਠਿੰਡਾ ਦੀ ਐਤਵਾਰ ਵਾਲੀ ਮੰਡੀ ਅਤੇ ਹੁਣ ਉਨ੍ਹਾਂ ਨੇ ਸ਼ਹਿਰ ਦੇ ਕਈ ਸਥਾਨਾਂ 'ਤੇ ਇਸਨੂੰ ਵੇਚਣਾ ਸ਼ੁਰੂ ਕਰ ਦਿਤਾ ਹੈ ।
ਫੂਡ ਪ੍ਰੋਸੇਸਿੰਗ ਪੇਸ਼ੇ ਵਿਚ ਪਰਵੇਸ਼ ਕਰਨ ਤੋਂ ਪਹਿਲਾਂ ਨਵਦੀਪ ਅਤੇ ਗੁਰਸ਼ਰਨ ਨੇ ਜ਼ਿਲ੍ਹੇ ਦੇ ਉੱਤਮ ਖੇਤੀਬਾੜੀ ਮਾਹਰ ਡਾ. ਪਰਮੇਸ਼ਵਰ ਸਿੰਘ ਤੋਂ ਖੇਤੀ 'ਤੇ ਸਲਾਹ ਲਈ । ਕੱਚੀ ਹਲਦੀ ਦੇ ਅਚਾਰ ਦੀ ਸਫਲਤਾ ਦੇ ਬਾਅਦ ਨਵਦੀਪ ਅਤੇ ਗੁਰਸ਼ਰਨ ਨੂੰ ਰਾਮਪੁਰ ਵਿਚ ਪ੍ਰੋਸੇਸਿੰਗ ਪਲਾਂਟ ਸਥਾਪਿਤ ਕੀਤਾ ਅਤੇ ਵਰਤਮਾਨ ਵਿਚ ਉਨ੍ਹਾਂ ਦੀ ਉਤਪਾਦ ਸੂਚੀ 'ਚ 10 ਤੋਂ ਜਿਆਦਾ ਪ੍ਰੋਡਕਟ ਹਨ , ਜਿਨ੍ਹਾਂ ਵਿਚ ਕੱਚੀ ਹਲਦੀ , ਕੱਚੀ ਹਲਦੀ ਦਾ ਅਚਾਰ, ਹਲਦੀ ਧੂੜਾ, ਮਿਰਚ ਧੂੜਾ, ਸਬਜੀ ਮਸਾਲਾ, ਧਨਿਆ ਧੂੜਾ, ਲੱਸੀ, ਚਾਟ ਮਸਾਲਾ, ਲਸਣ ਦਾ ਅਚਾਰ, ਜੀਰਾ, ਵੇਸਣ, ਚਾਹ ਦਾ ਮਸਾਲਾ ਆਦਿ ।
ਜਿਥੇ ਇਨ੍ਹਾਂ ਦੋਹਾਂ ਨੇ ਅਪਣੇ ਇਸ ਧੰਦੇ ਨਾਲ ਪ੍ਰਸਿੱਧੀ ਖੱਟੀ ਹੈ ਅਤੇ ਕਮਾਈ ਵਿਚ ਵਾਧਾ ਕੀਤਾ ਹੈ ਉਥੇ ਹੀ ਇਹ ਦੋਨੋ ਹੋਰ ਕਿਸਾਨਾਂ ਨੂੰ ਵੀ ਫ਼ੂਡ ਪ੍ਰੋਸੈਸਿੰਗ ਦੇ ਵਲ ਉਤਸ਼ਾਹਿਤ ਕਰ ਰਹੇ ਹਨ |
